Björg í bú: Látrabjarg - Rauðisandur - Hnjótur - Ferðir FÍ

S-3

VESTFIRÐIR

Björg í bú: Látrabjarg-Rauðisandur-Hnjótur 

24.-27. júní, 4 dagar                 

Fararstjóri: Gísli Már Gíslason. Hámarksfjöldi: 25           

Fólk kemur sér sjálft að Kirkjuhvammi (Saurbæ) á Rauðasandi og tjaldar þar 23. júní.

1. dagur, fimmtudagur: Ekið með fólk að Melanesi. Þaðan gengið að Sjöundá, þaðan í Skor og í námurnar í Stálfjalli og til baka um Sjöundárdal að Melanesi. Gist áfram að Saurbæ.

2. dagur: Gengið (með dagspoka) um Rauðasand í Keflavík. Á leiðinni verður skoðaður sá sögufrægi staður Saurbær og Bæjarkirkja. Ef veður leyfir verður siglt undir Látrabjarg frá Keflavík að Hvallátrum, annars keyrt að Hvallátrum. Farangurinn trússaður að Látravík (Hvallátrum), þar sem gist verður í tjöldum.

3. dagur: Gengið eftir brún Látrabjargs frá Geldingsskorardal að Bjargtöngum og áfram að Brunnum um Skollahillu í Brunnanúp. Skoðaðar refagildrur á Gildruhjalla ofan við Bása. Síðan skoðaðar verbúðir, steinbítsgarðar, Kúlureitur, aflraunasteinar og dysjar á Brunnum. Gist í tjöldum á Hvallátrum.

4. dagur: a) Farið í siglingu undir Látrabjarg ef hún hafði ekki verið framkvæmanleg á 2. degi ferðar og b) Verbúðir á Látrum skoðaðar, gengið norður Látranes og skoðaðar minjar um útræði, aflaunasteinar, Steinka, sigstaðir í Bjarnanúp og á leiðinni til baka komið við á Minjasafni Egils Ólafssonar á Hnjóti í Örlygshöfn og í Sauðlauksdal þar sem ferðalangar kveðjast. Þátttakendur verða að kaupa sér ferða- og slysatryggingu vegna bátsferða, þar sem trygging fylgir ekki bátunum sem notaðir verða.

Verð: 40.000 / 45.000
Innifalið: Tjaldstæði, trúss, sigling, fararstjórn og grillveisla.