SUÐURLAND: Þórsmörk Morinsheiði- Brattafönn - Ferðir FÍ

H-2

SUÐURLAND: Fimmvörðuháls frá Skógum yfir í Þórsmörk 

12.-13. júní, 26.-27. júní, 10.-11. júlí, 24.-25. júlí, 7.-8. ágúst

Vegna aðstæðna á Fimmvörðuhálsi að loknu eldgosi í Eyjafjallajökli hefur FÍ breytt ferðum sínum á Fimmvörðuháls sem hér segir:

Ekið verður í Þórsmörk að morgni laugardags. Gengið er upp á Morinsheiði, upp Bröttufönn að gosstöðvum á Fimmvörðuhálsi og þær skoðaðar, sem og nýja hraunið, og hraunið sem rann í Hrunagil og Hvannárgil. Á bakaleiðinni er gengið upp á Útigönguhöfða og Réttarfell.  Þar með er göngu yfir Fimmvörðuháls sleppt vegna aðstæðna  en staðan verður endurmetin í júlí byrjun vegna ferða yfir Fimmvörðuháls í júli.   Hugsanlega verðrur þeim ferðum einnig breytt í hraunskoðunarferðir að gosstöðvunum á Fimmvörðuhálsi. 

Gist í Skagfjörðsskála. Farið í morgungöngu á sunnudegi og haldið til Reykjavíkur um hádegi. Sameiginleg grillveisla um kvöldið, varðeldur og kvöldvaka.

Verð: 22.000 / 25.000

Innifalið: Gisting, rúta, fararstjórn og grillveisla.