Beint á leiđarkerfi vefsins
Fara á forsíđu

Fréttir

Fréttir FÍ - RSS

9.3.2010

Esjan iđar af lífi

Rúmlega 30 manns mættu í Esjuátak FÍ í gærkvöldi. Gangan hófst við Esjustofu þar sem hljómsveit hússins frumflutti eigin tónsmíðar. Þaðan gekk vaskur hópur sem leið lá beint upp á Langahrygg  í vaxandi þoku. Síðan var haldið að Steini og  áfram vel uppfyrir snjólínu í átt að Þverfellshorni. Þar var þokan orðin það þétt að ekki sá handa skil og ákveðið að halda niður á ný.
Næsta ganga er í kvöld kl. 18.00.

8.3.2010

Ferđafélag Austur-Skaftfellinga 30 ára

Ferðafélag Austur-Skaftfellinga var stofnað 9. mars 1980 og er því 30 ára um þessar mundir. Rannveig Einarsdóttir, formaður félagsins sagði í samtali við heimasíðu FÍ að félagsmenn horfðu glaðir til framtíðar á þessum tímamótum og rífandi gangur væri í starfinu.
Félagið rekur einn skála, Múlaskála í Lónsöræfum og hefur gistináttum þar fjölgað verulega milli ára og mikið bókað í sumar.
Sunnudaginn 14. mars kl. 14.00  verður afmæliskaffi í Nýheimum á Höfn þar sem félagsmenn og velunnarar fagna saman og deila minningum og myndum. Dregið verður í lukkuleik Strandgöngu sem staðið hefur yfir og  ferðadagskrá komandi sumars kynnt.

4.3.2010

Esjan alla daga 8. - 12. mars - Dagskrá

FÍ fjör í Esjunni, Esjan alla daga 8. - 12. mars.  Ferðafélag Íslands býður upp á gönguferðir með fararstjórn alla daga 8. - 12. mars. Þeir sem mæta í allar göngurnar fá glæsilega Cintamani húfu í verðlaun merkta FÍ.  Fararstjóri er hinn síungi Þórður Marelsson. 
Ef veður leyfir verður reynt að fara aðrar leiðir á fjallið en hina hefðbundnu. Sjá nánar hér að neðan. Brottför er ávallt kl. 18.00.
Tilvalið fyrir þá sem eru að undirbúa sig fyrir gönguferðir sumarsins,  Hvannadalshnúk eða annað.  Eins er þetta afar góð aðferð fyrir þá sem vilja missa nokkur kg á skömmum tíma.  

3.3.2010

Útivist eldri og heldri borgara

Á morgun fimmtudaginn 4. mars hefjast gönguferðir fyrir eldri og heldri borgara á vegum Ferðafélags Íslands. Gönguferðirnar verða á þriðjudögum og fimmtudögum og hefjast ávallt kl. 14.00. Á þriðjudögum hittast þátttakendur við Árbæjarlaug en þaðan er auðvelt að komast inn á kerfi gangstíga sem teygir sig um allan Elliðaárdal og upp að Elliðavatni.
Á fimmtudögum hittast menn og konur svo við Nauthól í Nauthólsvík kl. 14.00 og þaðan liggja stígar meðfram sjónum í báðar áttir og hlykkjast ennfremur um alla Öskjuhlíðina.
Ferðafélagið leggur til fararstjóra í þessar gönguferðir og hefur Alfreð Hilmarsson tekið þetta verkefni að sér fyrir félagið en Alfreð er vaskur göngugarpur sem er enn léttur á fæti þótt árunum fjölgi. Þetta verkefni er unnið í samvinnu við Valitor sem hefur átt náið og gott samstarf við Ferðafélag Íslands í nokkur ár.
Allar rannsóknir sýna að fátt er betri heilsubót til sálar og líkama en að taka sér hressandi gönguferð með skemmtilegu fólki. Í þessum ferðum er vegalengd og gönguhraði stilltur í samræmi við virðuleika þátttakenda og meðalaldur hópsins hverju sinni.

2.3.2010

Vađnámskeiđi frestađ fram í apríl

Vaðnámskeiði FÍ sem vera átti um næstu helgi hefur verið frestað vegna aðstæðna. Námskeiðið verður haldið 10. - 11. apríl nk.

25.2.2010

Námskeiđ um Vatnajökulsţjóđgarđ

Vatnajökulsþjóðgarður er víðfeðmur og fjölbreytilegur. Hann er stærsti þjóðgarður Evrópu, hátt í 14 þúsund ferkílómetrar að stærð. Á námskeiðinu mun Oddur Sigurðsson, jarðfræðingur fjalla um náttúru norðausturhorns garðsins, nánar tiltekið Snæfell, Eyjabakka og umhverfi. Aðallega verður fjallað um gerð og aldur jarðlaga á svæðinu, landmótun, eðli og sögu jöklanna og jarðhita sem fáir veita athygli. Auk þess verður komið inn á gróðurfar og dýralíf á svæðinu. Snæfell setur mjög svip sinn á umhverfið og verður ekki um landið fjallað nema nefna það sérstaklega. Nokkrum gönguleiðum á fjallið verður lýst.

25.2.2010

Innbrot í bíla á útivistarsvćđum

Borist hefur ábending frá félagsmanni í Ferðafélagi Íslands vegna innbrota í gærdag í bíla á bílastæðinu við Mógilsá við Esjurætur.

25.2.2010

Eitt fjall á viku - 27. febrúar

Sjá upplýsingar um ferðir hópanna í Eitt fjall á viku.

25.2.2010

"Ljótuhúfudagur" á Keili

Verkefnið Eitt fjall á viku með FÍ er í rífandi gangi og á laugardaginn kemur ganga Vesturbæingar á Keili, Austurbæingar kanna Valahnúka og Valaból en Þorparar ganga á Helgafell ofan Mosfellsbæjar. Ganga hefst kl. 0900 á laugardagsmorgun og gæti orðið meiri snjór fyrir fæti en verið hefur fram að þessu.
Vesturbæjarhópurinn efnir til "ljótuhúfudags" á Keili á laugardag og verður veitt viðurkenning fyrir ófrýnilegasta höfuðfatið í leiðangrinum. Mikill keppnishugur er í mönnum og konum og hefur heyrst af sérstökum verslunarferðum af þessu tilefni. Má því búast við harðri keppni og kannski taka aðrir hópar upp þennan sið.

24.2.2010

Esjan fjóra daga í röđ

FÍ fjör í Esjunni - vertu til er vorið kallar á þig er hafið en það felst í því að ganga á Esjuna fjóra daga í röð. Í gær, þriðjudag  fór hópurinn upp í allhvössum vindi en ágætlega björtu veðri. Mönnum þótti talsvert streð að baksa upp með vindinn í fangið og var því látið nægja að fara upp að Steini.
Í dag miðvikudag verður haldið áfram og ástæða til að hvetja fólk til að mæta í þetta hressilega verkefni. Veðurspáin fyrir daginn er áhugaverð, spáð er norðlægri átt og síðdegis gæti orðið einhver ofankoma.  En gott skap og hlýr fatnaður er rétta veganestið í fjallgöngur að vetri.
 Fararstjóri er Þórður Marelsson.  Lagt er af stað frá Esjustofu kl. 18 alla daga.  Takið með ykkur höfuðljós og góðan búnað. 


PÓSTLISTASKRÁNING

Međ reglulegu millibili sendir skrifstofa FÍ út yfirlit yfir félagsstarf, ferđir og annađ ţađ sem spennandi kann ađ vera fyrir áhugfólk um ferđalög og náttúru.
Ferđafélag barnannaSkráđu ţig í FerđafélagiđLaugavegurinnSkálar - yfirlitskortSafnađu fjöllum međ FÍ

Slóđin mín:

Forsíđa » Fréttasíđa

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta

Information in other languages

  • Information in English
  • Informationen auf Deutsch

Mynd