Fréttir

Í sumar setti Ferðafélag Íslands upp 10 ný skilti á Laugaveginum með stuðningi menningsarsjóðs Visa Íslands. Nú eru skiltin aðgengileg hér á heimasíðu FÍ og unnið er að uppfæra og endurnýja upplýsingar um Laugaveginn.

Út er komin bókin Skaftafell í Öræfum – Íslands þúsund ár eftir breska fjallavistfræðinginn Dr. Jack D. Ives.

Í tilefni af 80 ára afmæli FÍ var viðtal við Ólaf Örn Haraldsson forseta FÍ í Morgunblaðinu í gær þar sem hann ræðir um stofnun félagsins, markmið og starfið í dag.

Hátíðarfundur FÍ í Norræna húsinu í gærdag í tilefni af 80 ára afmæli félagsins tókst vel. Um 150 gestir mættu til fundarins.  Forseti Íslands Ólafur Ragnar Grímsson heiðraði fundinn með heimsókn sinni og flutti félaginu kveðju og hlý orð.    Sjá myndir

Á hátíðarfundi Ferðafélagsins í Norræna húsinu í gær  í tilefni af 80 ára afmæli félagsins flutti Páll Skúlason prófessor og fyrrverandi háskólarektor mjög athyglisvert erindi um að hugsa og ganga sem hann tengdi við starfsemi FÍ.  Erindi Páls er hér í heild sinni.

Ferðafélag Íslands sæmdi í dag 26 einstaklinga gullmerki félagsins á hátiðarfundi í Norræna húsinu.  Gullmerki FÍ eru veitt fyrir einstakt og óeigingjarnt starf fyrir félagið sem og fyrir framúrskarandi störf í þjóðfélaginu á kjörsviði félagsins.  Ólafur Örn Haraldsson forseti FÍ veitti gullmerkin með aðstoð Sigrúnar Valbergsdóttur varaforseta og Viktors 11 ára upprennandi ferðafélaga. 

Skrifstofa Ferðafélags Íslands er lokuð í dag 27. nóvember vegna 80 ára afmæli félagsins.

Ferðafélag Íslands verður 80 ára 27. nóvember. Í tilefni afmælisins mun stjórn félagsins funda í Kaupþingssalnum í Eimskipafélagshúsinu þar sem félagið var stofnað fyrir 80 árum.  Á fundinum mun stjórnin samþykkja sérstaka hátíðarsamþykkt þar sem ungt fólk er sérstaklega boðið velkomið í félagið.  Einnig verður haldinn hátíðarfundur í Norræna húsinu og opið hús í FÍ salnum í Mörkinni.  

Í tilefni 80 ára afmælis Ferðafélgs Íslands er að finna myndir úr sögu félagsins á myndabanka á heimasíðunni.  Myndirnar eru undir heitinu FÍ 80 ára.  Einnig eru mjög athyglisverðar myndir úr Þórsmörk sem sýna jeppa og rútur í hrakningum í Krossá og skálaverði FÍ að björgunarstörfum á traktornum.

Á skrifstofu Ferðafélags Íslands eru fáanleg gjafabréf sem er tilvalin jólagjöf til göngumanna og

útivistarfólks.  Gjafabréfin geta verið ferð í sumarleyfisferð FÍ, helgarferð eða dagsferð, og eða aðild að félaginu.  

FÍ fréttir 20. nóvember.
Hægt er að skrá sig á póstlista FÍ hér á heimasíðunni og fá reglulegar fréttir af ferðum og félagsstarfi félagsins.

Um sextíu göngugarpar tóku þátt í afmælisferð FÍ á Skjaldbreið.  Veður var ágætt að morgni þegar lagt var af stað en versnaði eftir gangan var hafin og var orðið heldur slæmt þegar upp á Skjaldbreið var komið.  Sjá myndir úr ferðinni.

Fréttapóstur frá FÍ 17. nóvember.
Hægt er að skrá sig á póstlista félagsins á heimasíðunni og fá þá relgulegar fréttir af ferðum, félagslífi og starfi félagsins.

Ferðafélag Íslands verður 80 ára 27. nóvember nk. Félagið var stofnað þann dag árið 1927 í Eimskipafélagshúsinu. Í tilefni afmælisins verður boðið til afmælisveislu í sal félagsins á afmælisdeginum. Allir félagsmenn, vinir og velunnarar eru velkomnir í kaffi og vöfflur. Í tilefni afmælisins verða hér á heimasíðunni birtar myndir úr sögu félagsins. Sjá myndir

Allt stefnir í góða þátttöku í ferð FÍ á Skjaldbreið nk laugardag í tiefni af 200 ára afmæli Jónasar Hallgrímssonar.  Þegar hafa um 30 þátttakendur skráð sig í ferðina.  Veðurspá er mjög góð og því kjörið að vera með í skemmtilegri ferð. Skráning er á skrifsofu FÍ.

Nú er að finna nýjar myndir úr ferðum FÍ yfir Fimmvörðuháls og frá Laugaveginum.  Þessar myndir voru teknar í ferðum í sumar á þessum vinsælustu gönguleiðum landsins.

Valgarður Egilsson hefur lesið inn á geisladisk ljóðabók sína  Á mörkum, og er diskurinn  nýkominn út  og ber sama heiti, Á mörkum. Eru á diskinum öll ljóð bókarinnar, þrjátíu og eitt að tölu.Ljóðabókin  Á mörkum kom út síðastliðið vor hjá JPV Forlagi og hefur fengið góðar viðtökur. Þetta er þriðja ljóðabók Valgarðs. Árið 1988 kom út ljóðabókin Dúnhárs kvæði. En 1984 voru gefnar út Ferjuþulur, Rím við bláa strönd, en það voru tuttugu þulur og sögðu frá siglingu Akraborgarinnar. Ferjuþulurnar setti Alþýðuleikhúsið á svið á sínum tíma.

Fréttapóstur frá Ferðafélagi Íslands 7. nóvember.
Hægt er að skrá sig á póstlista félagsins hér á heimasíðunni og fá relgulegar fréttir af ferðum og félagsstarfi félagsins.

Í myndabanka FÍ hér á heimasíðunni er nú að finna myndir úr ferð FÍ Látrabjarg og Rauðasand með Gísla Má Gíslasyni fararstjóra sem á myndinni sést messa yfir þátttakendum .

Sjá myndir úr ferðinni

Í tilefni af 80 ára afmæli FÍ eru birtar myndir úr sögu félagsins fram að afmælisdeginum 27. nóvember nk.  Sjá myndir hér á myndabanka FÍ á heimasíðunni.

Ferðafélagið mun í haust og vetur bjóða upp á helgarferðir í skála með gönguferðum í næsta umhverfi skálanna. Fyrir áramót er boðið uppá ferð í Hlöðvelli og í Þórsmörk. Farið er á breyttum fjallajeppum, spennandi fjallgöngur, sameiginlegur kvöldverður og kvöldvökur. Ef aðstæður leyfa verða gönguskíðin tekin með og þrammað á skíðum. Sjá nánar undir ferðir.  Eftir áramót er boðið upp á ferðir í Landmannalaugar, Hvítárnes og Þverbrekknamúla.