Fréttir

Ferðafélagið hefur nú sett upp tvær aukaferðir á Hornstrandir.  Annars vegar ferð sem nefnist Baráttan við björgin og er frá 26. júní - 2. júlí og hins vegar ferð sem nefnist Saga, byggð og búseta og er farin 29. júlí til 4. ágúst. Hornstrandaferðir FÍ í sumar eru margar uppseldar en laus sæti í Jónsmessa og jóga og Sæludagar í Hlöðuvík. Nánari lýsing á þessum ferðum er að finna undir ferðir hér á heimasíðunni.

Ferðafélagið býður nú upp á gönguferðir á Úlfarsfell á föstudögum í mars og apríl og á Esjuna / Úlfarsfell á miðvikudögum í maí og júní.  Þessar gönguferðir eru farnar í samstarfi við FIT Pilates og verður Smári Jósafatsson íþróttafræðingur fararstjóri í ferðunum.  Gönguferðirnar í mars á Úlfarsfell eru klukkan 17.30. Þátttaka er ókeypis, allir velkomnir.

Við gengum í sól og fallegu veðri upp á heiðina og nokkuð til austurs miðað við fyrri ferðir og höfðum ágæta útsýn yfir til Heklu og jökla. Það eina sem skyggði á göngugleði okkar var að jeppar höfðu ekið eftir brautinni (trúlega í skjóli nætur) svo erfitt var að fylgja sporunum og þurftum við því oft að skipta um spor !

Á morgun miðvikudag verður gengið á Esjuna í æfingaprógrammi FÍ fyrir Hvannadalshnjúk. Lagt verður af stað frá bílastæðinu við Mógilsá kl. 18.00. Takið með ykkur góðan búnað, hlífðarföt, góða skó, nesti og stafi, höfuðljós er einnig ágætt að hafa með. Gengið verður upp að steini. Allir velkomnir.

Sunnudagsgangan 18. febrúar, var um Heiðmörk, norðurhlutann. Gengnir voru 10 km í einhvers konar hring á hálfri þriðju klukkustund. Kaffi var drukkið í logni. Nánast ekkert rigndi á okkur og hlýtt var í veðri. Þátttakendur voru 22.

Myndakvöldi FÍ sem vera átti annað kvöld, miðvikudaginn 21. feb hefur verið aflýst vegna forfalla.  Næsta myndakvöld FÍ verður því í mars.

Kæru spilafélagar.  Næsta félagsvist verður þriðjudaginn 20. febrúar.  Vistin hefst kl: 20:00.  Spilað verður í Mörkinni 6 – í risinu. Hámark þátttakenda er 52.  Fyrstir koma – fyrstir fá. Vinsamlega athugið að félagsvistin er ætluð félögum í Ferðafélaginu og gestum þeirra.  Verðlaun verða veitt, kaffi og kökur.  Sérstök verðlaun verða veitt þeim sem flest stig hlýtur samtals á öllum spilakvöldum vetrarins.

Síðast liðinn sunnudagsmorgun mættu 22 til göngu. Tveimur var ráðið frá því að fara með vegna vanbúnaðar. Haldið var upp í Bláfjöll og þar skiptist hópurinn í tvo jafnstóra flokka, 10 í hvorum, sem báðir héldu til Þríhnjúka, annar á skíðum, hinn fótgangandi.

Ferðafélagið hefur um langt árabil staðið fyrir gönguferðum á Hvannadalshnúk. Ferðir FÍ síðast liðin tvö ár undir stjórn Haraldar Arnar Ólafsssonar hafa verið geysivinsælar og fjölmennar. Félagið vill nú aðstoða göngufólk við undirbúning fyrir ferðina og setur fram æfingaáætlun fyrir ferðina

Ályktun stjórnar Ferðafélags Íslands vegna hugmynda Norðurvegar um fjölfarinn, uppbyggðan hálendisveg um Kjöl þar sem tilgangurinn er fyrst og fremst sá að tengja saman landhluta en ekki að styrkja Kjöl sem eftirsóknarvert óbyggðasvæði.

Ferðafélagið býður nú upp á æfingaprógram fyrir ferðina á Hvannadalshnjúk sem félagið stendur fyrir um Hvítasunnuhelgina.  Æfingaprógrammið verður kynnt á fundi fimmtudaginn 8. febrúar kl. 17.00 í risinu í Mörkinni 6.

Ferðafélagið stendur fyrir skíðaferð í Landmannalaugar um næstu helgi 9. - 11. febrúar. Lagt verður af stað frá Mörkinni 6 kl 18.00. Áætlað er að koma í Landmannalaugar um miðnætti. ...

Ferðafélagið stendur fyrir fjölskyldu og jeppaferð í Landmannalaugar um næstu helgi.  Ferðin er hugsuð fyrir jeppa á minnst  31".  Farið verður í tveimur hópum, fyrri hópurinn fer á seinnipart föstudags og seinni hópurinn kl. 8 á laugardagsmorgni.... 

Nýútkomin Ferðaáætlun FÍ 2007 hefur fengið góðar viðtökur.  Í áæltuninni er að finna dagsferðir, helgarferðir, sumarleyfisferðir og útrásarferðir FÍ.  Frá því að áætlunin kom út eru nú 7 sumarleyfisferðir fullbókaðar.  Dagsferðir til að mynda í Langasjó og sigling niður Hvítá njóta einnig vinsælda.

Sunnudaginn 4. febrúar héldu 7 skíðagönguglaðir og tveir án skíða í Bláfjöll.  Veðurútlit var gott, skilti við Geitháls gaf til kynna logn og 3° frost.  Við lögðum upp frá efsta skíðaskálanum ...