Fréttir

Ferðafélagið verður með skálavörslu í Landmannalaugum yfir páskana. Panta þarf gistingu í skálann á skrifstofu FÍ.  Ef þátttaka er fyrir hendi verður boðið upp á dagsferðir frá skálanum.  Ferðamenn koma á eigin vegum í Landmannalaugar.

Jeppadeild Ferðafélagsins verður með aðsetur í Langadal í Þórsmörk yfir páskana og fer í lengri eða skemmri dagsferðir frá skála FÍ.  Verð fyrir jeppa í ferðir jeppadeildar er krónur 6000 hvort heldur tekið er þátt í öllum ferðum yfir páskana eða færri. 

Gengið verður á Esjuna 4. apríl í undirbúningi fyrir göngu FÍ á Hvannadalshnjúk.  Mæting kl. 17.55 við bílastæðið við Mógilsá en gangan hefst kl. 18. Þátttaka er ókeypis allir velkomnir.

Mættir voru 17 manns, 10 með skiði og 7 án þeirra.  Þeir skíðalausu héldu í Búrfellsgjá og eru þeir þar með úr sögunni. Skíðafólkið hélt í Bláfjöll að vanda. Stoppað var austan við Eldborgina og skíðin tekin af og haldið af stað. Þá var hörkurok....

Ferðafélagið mun í sumar ráðast í gagngerar endurbætur á elsta skála félagsins og fyrsta sæluhúsi landsins, skálanum í Hvítárnesi.  Skálinn liggur nú undir skemmdum og meðal annars hafa grjóthleðslur sigið inn sem og tréverk hússins hefur látið á sjá. Skálinn þykir engu að síður hafa yfir sér mikinn sjarma og verður þess sérstaklega gætt við uppbyggingu skálans að varðveita einkenni hans og upprunalegan svip.

Krossá hefur í gegnum tíðina dansað um aura Þórsmerkur sem og Hvanná og lítið verið hægt við þær systur að eiga.  Krossá hefur þó nú í nokkuð langan tíma skilað sér undir göngubrúnna sem stendur neðan við Langadal.  Nú hefur áin hins vegar breytt sér og rennur mun vestar niður aurana en áður og göngubrúin því hálf munaðarlaus sem stendur og vakir yfir tómum fyrrverandi farvegi árinnar.  Þar með er engin göngubrú nú yfir Krossá og því næsta verkefni FÍ og Útivistar að koma  Krossá aftur í farveg undir brúnna.

Ferðafélagið hefur nú ráðið skálaverði í alla skála félagsins í sumar. Bæði er um að ræða skálaverði sem hafa verið áður og einnig eru nokkrir nýliðar.  Mikill áhugi er á skálavarðarstarfinu og sóttu fjölmargir um að þessu sinni, enda starfið bæði lifandi og skemmtilegt.

Á myndinni er Heiða fyrrverandi skálavörður í Langadal að bjarga bíl úr Krossá.

Ferðafélag Íslands er 80 ára á árinu 2007. Félagið stendur traustum fótum og gegnir mikilvægu hlutverki meðal þjóðarinnar. Kjörsvið félagsins eru ferðalög um landið, einkum óbyggðir, rekstur sæluhúsa og útgáfustarf á ýmsum sviðum og ber þar hæst útgáfu árbókarinnar en hún hefur komið út samfellt frá árinu 1928. Á 80 ára ferli er eðlilegt að sveiflur verði í félagslífi og starfsemi og nú háttar svo til að mikill áhugi er meðal þjóðarinnar á náttúru landsins, gönguferðum, varðveislu menningar og sögu einstakra héraða. Þessi byr blæs nú í segl Ferðafélagsins og því spennandi tímar og verkefni framundan hjá félaginu.  

Á aðalfundi Ferðafélags Íslands í gærkvöldi var kosin ný stjórn félagsins. Úr stjórn félagsins gengu Valgarður Egilsson varaforseti og Leifur Þorsteinsson báðir eftir níu ára setu í stjórninni og Ásgeir Margeirsson gekk úr stjórn vegna anna á nýjum starfsvettvangi. Voru þeim færðar bestu þakkir fyrir framlag sitt til félagsins með störfum sínum.  Nýir stjórnarmenn voru kosnir Páll Ásgeir Ásgeirsson, Magnús Hákonarson og Sigríður Anna Þórðardóttir. Áfram sitja í stjórn Ólafur Örn Haraldsson, Unnur V. Ingófsdóttir, Elísabet Jóna Sólbergsdóttir, Ívar J. Arndal, Valtýr Sigurðsson og Sigrún Valbergsdóttir sem var kosin varaforseti félagsins.

Aðalfundur Ferðafélags Íslands er haldinn í kvöld,
miðvikdagskvöld kl. 20 í sal félagsins Mörkinni 6. 

Á dagskrá fundarins eru hefðbundin aðalfundarstörf.  
Allir félagsmenn hvattir til að mæta.

„Á Íslandi eru vissulega margir fallegir staðir sem erfitt er að gera upp á milli en ég leyfi mér þó að segja að Vatnajökull og nágrenni eru eitthvert stórfenglegasta svæði landsins. Þeir sem ekki hafa farið þangað ættu hiklaust að stefna að því að skella sér við tækifæri, “  segir Haraldur Örn Ólafsson fararstjóri hjá FÍ í viðtali við Blaðið í gær.

Ferðafélagið verður með skálavörslu í Þórsmörk og Landmannalaugum yfir páskana. Boðið verður upp á dagsferðir á svæðunum með fararstjóra. Miðað er við að ferðamenn komi sér á svæðið á eigin vegum. Í Þórsmörk verður möguleiki á að ferja fólk frá Merkurbæjunum ef áhugi er fyrir hendi.

Í ferðamáladeild Hólaskóla er boðið upp á nám til BA-gráðu í ferðamálafræði þar sem áhersla er lögð á afþreyingu, náttúru og menningu. Einnig er hægt að taka eins árs nám og öðlast þá diplómagráðu í ferðamálafræði ásamt landvarðarréttindum og staðarvarðarréttindum. Möguleiki er á að taka diplómaárið í fjarnámi.

Mættir voru 14 göngugarpar í göngugleði sl sunnudag, fjórir af þeim án skíða og fóru þeir í Heiðmörk og eru þar með úr sögunni. Hinir tíu héldu í Bláfjöll. Þar var þá rok og allmikill skafrenningur svo ákveðið var að aka til baka og að tillögu Ólafar Sig var ákveðið að ganga niður með Stóra Kóngsfelli og niður um Kristjánsfelli í húsið við Selvogsgötu.

Ferðafélagið býður upp á nokkrar skíðaferðir í vor og meðal annars gönguskíðaferð yfir Drangajökul 26. - 28. maí. Lýsingu á ferðinni er að finna í ferðaáætlun FÍ  S - 2 og hér á heimasíðunni undir ferðir. Fararstjórar eru Elísabet Jóna Sólbergsdóttir og Þröstur Jóhannesson og hafa þau sent frá sér ítarefni um ferðina.

Fullbókað er í 12 sumarleyfisferðir FÍ í sumar. Ágætlega er bókað í nokkrar til viðbótar en minna bókað í aðrar. Fullbókað er í 5 ferðir á Hornstrandir og nokkur sæti laus í Jónsmessu á Hornströndum og Sæludaga í Hlöðuvík, sem og í aukaferðirnar Saga, byggð og búseti og Baráttan við björgin....

Hvannadalshnúkur – æfingaprógram FÍ fyrir hvítasunnuferð á Hvannadalshnúk – annar hluti.   Um er að ræða 4 mánaða prógram sem miðar að því að undirbúa þátttakendur fyrir gönguferð á Hvannadalshnúk.  Annar hluti prógrammsins hefst á morgun miðvikudaginn 14. mars  kl. 18 með göngu á Helgafell í Hafnarfirði. Mæting við bílastæðið við Kaldársel, ekið fram hjá hesthúsunum í Hafnarfirði.

Ferðafélagið býður nú upp á gönguferðir á Úlfarsfell  á föstudögum í mars og apríl og á Esjuna á miðvikudögum í maí, júní og júlí.  Þessar gönguferðir eru farnar í samstarfi við FIT Pilates og verður Smári Jósafatsson íþróttafræðingur fararstjóri í ferðunum.  Gönguferðirnar í mars á Úlfarsfell eru klukkan 17.30. Þátttaka er ókeypis, allir velkomnir. Mæting er við bílastæðið suðvestan undir Úlfarsfellinu, beygt til hægri eftir að ekið hefur fram hjá Grafarholti.

Tveir stórviðburðir munu eiga sér stað í íslensku fjallgöngusamfélagi í marsmánuði. Ísalp (Íslenski alpaklúbburinn) heldur upp á þrjátíu ára starfsafmæli og af því tilefni mun einn fremsti fjallaklifrari heimsins, Steve House, heimsækja Ísland og halda fyrirlestur og myndasýningu um ævintýri sín.

Sunnudagsferð bíladeildar FÍ  í Skjaldbreiðarfjöll sunnan Langjökuls, ætluð öllum jeppum sem búnir eru til vetraraksturs .

Gengið var í éljagangi og stífum mótvindi áleiðis í Múlasel í Engidal. Ein stúlka ónefnd snéri brátt við vegna klæðaleysis og ók heimleiðis, en hinir 14 héldu áfram göngu í skálann og þá var veður orðið skaplegt...

Næsta félagsvist verður þriðjudaginn 13. mars.  Vistin hefst  kl: 19:30.  Spilað verður í Mörkinni 6 – í risinu. Hámark þátttakenda er 52.  Fyrstir koma – fyrstir fá. Vinsamlega athugið að félagsvistin er ætluð félögum í Ferðafélaginu og gestum þeirra. Verðlaun verða veitt, kaffi og kökur....

Næsta miðvikudagskvöld verður gönguferð í Elliðárdal og er gangan liður í æfingaprógrammi fyrir Hvannadalshnjúk sem nú stendur yfir hjá FÍ. Mæting er kl 18 á bílastæðið við gamla rafstöðvarhúsið hjá OR og verður gengið góðan hring í dalnum. Allir velkomnir, þátttaka ókeypis.