Fréttir

Ferðafélagið býður upp á gönguferð í Tindfjöll 1. maí nk. Gengið verður á Ými og Ýmu. Lagt verður af stað úr Mörkinni 6 kl. 8 á þriðjudagsmorgun. Ekið inn Fljótshlíð, upp í Tindfjöll og að neðsta skála þaðan sem gengið er á Ými og Ýmu.

Sunnudaginn 22. apríl mættu 14 manns til göngugleðinnar. Ákveðið var að halda út á Reykjanes og ganga á stapafellið Geitahlíð (385 m) sem er suð-austan Kleifarvatns.

Ferðafélag Íslands tekur að sér undirbúning og skipulag fyrir hópa í sérferðir um einstök svæði og gönguleiðir um allt land.  Félagið býður upp á kynningu á gönguleiðum til hópa og fyrirtækja. Þá er einnig hægt að fá kynningu á starfsemi FÍ ...

Fullbókað er í ferð FÍ á Hvannadalshnjúk um Hvítasunnuna en þá fara 100 manns með félaginu á hæsta tind landsins í fararstjórn Haraldar Arnar Ólafssonar. FÍ bendir á spennandi ferðir á Eyjafjallajökul laugardaginn 5. maí með Maríu Dögg og skíðaferð yfir Drangajökul með Elísabetu Sólbergsdóttur um Hvítasunnuna.

Á sumardaginn fyrsta stóð Ferðafélagið fyrir jöklanámskeiði fyrir fararstjóra FÍ á Hvannadalshnjúk. Jökull Bergmann fjallaleiðsögumaður var leiðbeinandi á námskeiðinu.  Haraldur Örn Ólafsson fararstjóri FÍ á Hvannadalshnjúk og ferðanefndarmaður segir markmiðið hafa verið að efla og þjálfa fararstjórana og námskeiðið hafi verið mjög lærdómsríkt.  Sjá myndir af námskeiðinu

Á morgun sumardaginn fyrsta býður Ferðafélagið borgarbúum upp á tvær gönguferðir og eru þær hluti af dagskrá Höfuðborgarstofu sem nefnist Ferðalangur.   Klukkan 10 verður gengin Laugavegsganga hin skemmri, frá Mörkinni 6 og niður í Laugardag um gömlu þvottaleiðina. Fararstjóri í ferðinni er Þorgrímur Gestsson sagnfræðingur.   Klukkan 11.00 verður gengið á Helgafell, bæjarfjall Hafnfirðinga.  Fararstjóri er Leifur Þorsteinsson.  Mætt er á einkabílum að Kaldárseli.

Myndakvöld Ferðafélagsins er í kvöld síðasta vetrardag kl 20 í sal FÍ Mörkinni 6.  Ljósmyndarinn Max Schmid sýnir myndir úr ferðum sínum um Ísland.  Aðgangseyrir er kr. 600, innifalið kaffi og meðlæti. Allir velkomnir.

Æfingaprógramm FÍ fyrir þátttakendur í ferð FÍ á Hvannadalshnjúk um Hvítasunnunina verður sem hér segir í apríl.  Alla sunnudaga er gengið með göngugleði FÍ í nágrenni Reykjavíkur og á miðvikudögum er gengið á fjall í nágrenni Reykjavíkur.  Í dag miðvikudag er gengið á Esjuna heim að Steini eða eftir stemmingu í hópnum. Lagt af stað kl. 18.00

Göngugleði FÍ á sunnudögum stendur fram á vor. Þá hittast galvaskir göngufélagar við Mörkina 6 kl. 10.30 á sunnudagsmorgnum og koma sér saman um hvert skuli haldið.  Síðan er þjappað sér saman í bíla og ekið á upphafsstað gönguleiðar.  Gengið er í ca 2 - 5 klst eftir stemmingu og aðstæðum. 

Á heimasíðu FÍ er nýtt myndakerfi þar sem hægt er að skoða myndir úr ferðum og starfi FÍ.  Smellt er á  linkinn myndir á borðanum efst á síðunni.  Félagsmenn eru hvattir til að senda myndir úr ferðum á fi@fi.is og verða myndir settar í myndabankann.  Nýjustu myndirnar eru úr göngugleði FÍ í vetur.

Fyrsta ferð Ferðafélags Austur-Skaftafellssýslu á þessu ári var farin í lok mars í Hrómundarey í Álftafirði. Um 38 manns á 12 jeppum tóku þátt í ferðinni. Við vorum heppin með veður og ferðin tókst í alla staði mjög vel...

Fullbókað er í söguferð á Vesturlandi með Sigrúnu Valbergsdóttur um miðjan maí.  Fullbókað er í 14 sumarleyfisferðir FÍ í sumar.  Vakin er athygli á nokkrum ferðum þar sem örfá sæti eru laus. no

Árbók FÍ 2007 er nú í prentun.  Árbókin er um Austur Húnavatnssýlsu og ritar Jón Torfason sagnfræðingur textann í  bókinni.  

Ferðafélag Íslands leggur mikið upp úr öruggri fararstjórn í ferðum sínum og hefur nú náð samkomulagi við Jökul Bergmann fjallaleiðsögumann og Harald Örn Ólafsson um þjálfun fyrir jöklafararstjóra félagsins.  

Ferðafélag Íslands hefur keypt Baldvinsskála á Fimmvörðuhálsi af Flugbjörgunarsveitinni í Skógum.  Samningar þess efnis voru undirritaðir að Skógum fyrir skömmu.  Páll Guðmundsson framkvæmdastjóri Ferðafélagsins segir ætlunin sé að endurnýja skálann og bæta aðstöðu fyrir göngumenn á Fimmvörðuhálsi.

Í sunnanandvara, við hitastig yfir meðaltali var haldið suður með sjó og bílum lagt á bílastæði sunnan vegar á móts við Straumsvík (rétt vestan við verksmiðjuna).  Þar var haldið til suðurs eftir vörðuðum stíg...

Fullbókað er er í ferð FÍ á Hvannadalshnúk um Hvítasunnuna en félagið fer með 100 manna hóp á hæsta tind landsins 26. maí.  Þegar eru um 18 manns komnir á biðlista í ferðina.  Haraldur Örn Ólafsson er fararstjóri í ferðinni.

Cintamani búðin Laugavegi 11 býður nú félagsmönnum í FÍ einstakt tilboð.  Frá 2.- 14. apríl fá félagsmenn Ferðafélagsins 20% afslátt af vörunum okkar gegn framvísum félagsskírteinis