Fréttir

Göngugleði er alla sunnudaga. Mæting er í  Mörkinna 6 kl: 10 ákveðið hvert skal halda og lagt er af stað kl: 10:30

Sunnudagsgönguskýrsla 26. október 2008.

Á vegginn mættu 5 félagar og 2 þeir bjartsýnustu voru með skíðin á toppnum.
Ákveðið var að reyna að finna skjólsælan stað í norðangustinum.
Ekið var sem leið liggur í Kópavoginn. Við Smáralindina skildu Kópavogsbúar bíla sína eftir ásamt skíðabúnaði og haldið var áfram á einum bíl til Hafnarfjarðar og að Kaldárseli.

Næsta myndakvöld verður haldið 19. nóvember. Nánar auglýst síðar.

Vegna góðrar þáttóku síðustu helgi ákvað Ferðafélagið að endurtaka fjölskyldu- og bjartsýnisgöngu og verður hún á sunnudaginn 19.okt  kl. 14.00. Þetta verður létt ganga eftir göngustígum upp í hlíðar Esju og verður lagt upp frá bílaplaninu við Mógilsá og síðan verður boðið upp á veitingar þegar komið er aftur niður.

Næsta myndakvöld FÍ verður haldið miðvikudaginn 15. október. Þá sýnir Kristján Eldjárn Hjartarson myndir úr Svarfaðardal og frá Tröllaskaganum, sem og Guðmundur Hallvarðsson, Arnór Víkingsson og Sigríður Lóa Jónsdóttir ásamt fleiri hornstrandaförum sýna myndir úr ferðum FÍ á Hornstrandir. Myndakvöldið hefst kl. 20.00. Aðgangseyrir er kr. 600, innifalið kaffi og meðlæti, allir velkomnir.

Ferðafélag Íslands efnir til fjölskyldu- og bjartsýnisgöngu á morgun, laugardag, kl. 14.00. Þetta verður létt ganga eftir göngustígum upp í hlíðar Esju og verður lagt upp frá bílaplaninu við Mógilsá og síðan verður boðið upp á veitingar þegar komið er aftur niður.

Gengið verður um Hafnardal þ.e. frá Ölveri að bænum Grjóteyri 12 km leið. Síðan verður sund og svaml í pottum í Borgarnesi. Að þessu loknu hefst árshátíðarívaf á Hótel Borgarnesi. Meðal atriða þar verður tvírétta máltíð, ávarp leiðtogans, tónlist leikin á dragspil, happdrættið góða, en síðan mun Breiðbandið stjórna fjörinu fram undir miðnætti.