Fréttir

Vegna mikillar aðsóknar verður boðið upp á aukaferð um Jarlhettur og að Laugarvatni,  ( S- 23)
Farið verður  í aukaferðina 17-20. júlí.  Þegar hafa um 15 skráð sig í aukaferðina en um 10 sæti laus.
 

FÍ býður upp á spennandi trússferð með uppihaldi í 4 daga um héruð fyrir botni Breiðafjarðar – Farið frá Laugum í Hvammssveit yfir Skarðsströnd, um Klofning, Fellsströnd og Hvammssveit aftur að Laugum.

-Fullbókað í nokkrar sumarleyfisferðir FÍ
-Skiðaferðir og gönguferðir á Þórisjökull og Eyjafjallajökul.
-Undirbúningur fyrir Hvannadalshnjúk
-GPS námskeið

Vaðnámskeið FÍ verður haldið um næsti helgi.  Ekið verður á laugardagsmorgun frá Hlíðarenda á Hvolsveli kl. 10.30 og verða verklegar æfingar í Merkuránum á laugardegi. Um kvöldið er kvöldvaka og grillveisla í Skagfjörðsskála og á sunnudagsmorgun er haldið til Reykjavíkur, með stoppum á leiðinni og vatnaæfingum.

Ferðafélagið er með skálavörslu í Landmannalaugum yfir páskana.  Skálavörður hefur verið í Landmannalaugum í vetur og hefur verið töluverð umferð um helgar ekki síst dagsumferð jeppa- og sleðamanna.  Með viðveru skálavarðar á svæðinu hefur verið unnt að bjóða upp á vatnssalerni, sturtur og rennandi vatn í skálanum.

Hvílikt veður, hvílíkt færi, hvílíkt fólk eru orð sem koma mér í hug eftir að hafa fengið tækifæri til að taka þátt í menningarskíðagöngu á vegum Ferðafélags Íslands, eins og ég kýs að kalla ferðina sem farin var á Pálmasunndag 16. mars. Um miðja vikuna á undan benti veðurspá til þess að veður mundi verða þokkalegt en að það yrði alveg logn og sólskin allan tíman var meira en maður þorði að vona.

Sjö óku upp á Hellisheiði og skíðagengu Hverhlíðar í dæmalaust góðu veðri. Við stoppuðum við hverasvæðið og einhverjir ráku nefið ofaní það. Landið skartaði sínum fegursta vetrarbúningi. Veðurblíðan var ótrúleg. Þó fundum við einn hól með köldum norðannæðingi og byl  og áveðurs drukkum við okkar hefðbundna kaff

Félagsvist Ferðafélags Íslands

Kæru spilafélagar.
Lokavist vetrarins verður þriðjudaginn 18. mars.  Vistin hefst kl: 19:30.  Spilað verður í Mörkinni 6 – í anddyri aðalsals. 
Hámark þátttakenda er 52.  Fyrstir koma – fyrstir fá. Vinsamlega athugið að félagsvistin er ætluð félögum í Ferðafélaginu og gestum þeirra.
Verðlaun verða veitt, kaffi og kökur.  Sérstök verðlaun verða veitt þeim sem flest stig hlýtur samtals á öllum spilakvöldum vetrarins.

Þátttökugjald er 600 kr.

Aðalfundur FÍ í kvöld kl. 20
Aðalfundur Ferðafélagsins er haldinn í kvöld kl. 20 í FÍ salnum Mörkinni 6. Hefðbundin aðalfundarstörf.
Stjórnin.

Á síðustu árum hafa ferðir á Hvannadalshnúk verið í tísku á meðal landsmanna. Ferðafélagið hefur um langt árabil staðið fyrir gönguferðum á Hvannadalshnúk en frá árinu 2005 hefur félagið farið með mjög fjölmenna hópa á hnúkinn í fararstjórn Haraldar Arnar Ólafssonar og fleiri vaskra fararstjóra/stýra...

Þingvallakirkja - Hvalvatn - Hvalfell - Glymur
Pálmasunnudagur 16. mars. Skíðaferð. Rúta.
Brottför frá Mörkinni 6  kl. 9. Göngutími 8  klst.
Verð: 4000/6000
Innifalið: Rúta, farastjórn.

Páskaferð á Hornstrandir
20-24. mars
Hámarksfjöldi 18 - 4 laus pláss
Verð: 40.000 / 43.000
Innifalið: Flug, bátsferð, gisting og fararstjórn

Vegna vatnavaxta, snjóa, ísa og skara á Þórsmerkurvötnum hefur vaðnámskeiði FÍ verið frestað til síðustu helgar mars mánaðar, þe 29. - 30. mars.

Aðalfundur Ferðafélags Íslands verður haldinn miðvikudaginn 12. mars kl. 20.00 í sal FÍ Mörkinni 6. Hefðbundin aðalfundarstörf. Stjórnin.

Nú hafa 95 þátttakendur skráð sig í ferð FÍ á Hvannadalshnjúk um Hvítasunnuna. Hámarksfjöldi í ferðina er 100 og því fimm sæti laus. Haraldur Örn Ólafsson er fararstjóri í ferðinni ásamt 14 fararstjórum FÍ.  Þátttakendur hafa þegar hafið undirbúning fyrir ferðina með gönguferðum og líkamsrækt af ýmsu tagi.  Árið 2005 fór FÍ með 140 þáttakendur á Hvannadalshnúk í einni ferð en hefur síðan sett hámarksfjölda 100 í ferðina.

Síðast liðið haust var skálavarðahús FÍ í Landmannalaugum fjarlægt af svæðinu og flutt í Nýjadal. Skálavörðurinn tók þessar skemmtilegu myndir á drumbungslegum degi í október.