Fréttir

Þessa dagana er unnið að lokafrágangi á Ferðaáætlun FÍ 2010 og er skrifstofa FÍ lokuð á milli jóla og nýárs en sérstakur vaktsími skála, ef ferðafélagar eru á leið til fjalla þessa dagana og vantar lykla að skálum félagsins, er 854-1214.

Skrifstofa Ferðafélags Íslands er lokuð milli jóla og nýárs. Sérstakur vaktsími skála FÍ er 845 1214. Jólakveðja 

Vaktsími skála Ferðafélags Íslands yfir jólahátíðina er 854-1214. Hægt er að nálgast lykla að skálum félagsins með því að hringja í númerið og mæla sér mót við starfsmann.

Skrifstofa FÍ er lokuð á aðfangadag. Vaktsími skála yfir jólahátíðina er 854-1214.

Tæplega 20 manns tóku þátt í sérstakri sólstöðugöngu Ferðafélags Íslands sem farin var sunnudaginn 20.des. Gengið var á Kerhólakamb á Esju og farið upp frá Esjubergi. Þetta er gamalkunnug leið sem naut mikilla vinsælda á árum áður. Seinna var lagður göngustígur frá Mógilsá að Þverfellshorni og þá lögðust göngur á Kerhólakamb af. Þátttakendur höfðu meðferðis sýnishorn af jólabakstri og skiptust á smákökum þegar upp á fjallið var komið. Leiðin upp á Kerhólakamb er jafna brattari en sú á Þverfellshornið en útsýni af kambinum er að mörgu leyti víðara og betra þar sérstaklega til vesturs.
Það var tindahöfðinginn Þórhallur Ólafsson sem leiddi gönguna fyrir Ferðafélagið og þrátt fyrir norðanstreng efst á fjallinu var veður gott og göngumenn sælir með afrek sitt á sólstöðum vetrar.

Sólstaðnir göngumenn á Kerhólakambi á sunnudaginn.

Hraunið þarna er um 4-5 þúsund ára gamalt og rann úr Hrútagjá nyrst í Móhálsadal sem er milli Sveifluháls og Núpshlíðarháls og er hraunið kennt við Hrútagjárdyngju. Svæðið heitir Hraunin og er á náttúruminjaskrá. 

Ferðaáætlun FÍ 2010 er nú í lokavinnslu. Páll Guðmundsson framkvæmdastjóri FÍ segir að áætlunin sé full af áhugaverðum og spennandi ferðum. ,,Þetta er áætlun á mjög breiðum skala, allt frá örgöngum um göngustíga í borginni yfir í klifur á hæstu tinda landsins og allt þar á milli,  í formi sumarleyfisferða, helgarferða, dagsferða, skíðaferða og jeppaferða,"  Ferðaáætlunin kemur út um miðjan janúar og er þá send heim til allra félagsmanna en fer auk þess í myndarlega dreifingu.  ,,Það er gaman að minna á ferðaáætlunina nú fyrir jólin því gjafakort í ferðir með FÍ er tilvalin jólagjöf ferðafélagans

Vetrarsólstöðuganga FÍ verður sunnudaginn 20.desember.  Þá verður gengið á Kerhólakamb, upp frá Esjubergi og yfir á Þverfellshorn og komið niður við bílastæðið við Mógilsá.  Lagt verður af stað í rútu frá Mörkinni 6 kl. 9.00.  Komið er til baka um miðjan dag.  Þátttakendur skulu taka með sér sýnishorn af jólabakkelsinu og deila með öðrum í nestisstoppi.  Besta jólasmákakan fær verðlaun.  Fararstjórar í ferðinni eru Þórhallur Ólafsson og Páll Guðmundsson.  Verð er kr. 1000, allir velkomnir.  Takið með ykkur nesti og góðan búnað.

Sunnudaginn 6. desember mættu  göngugarpar á vegginn í Mörkinni. Þar sem roðinn í austri gaf fyrirheit um bjartan og fallegan dag, kom ekki annað til greina en að ganga á gott útsýnisfjall og var Skálafell (574 m) á Hellisheiði fyrir valinu.

Ferðafélag barnanna og FÍ bjóða til leiksýningar á leikritið Ævintýrið um augastein sunnudaginn 13. desember kl. 12.00.  Leikritið er eftir Felix Bergsson leikara og fararstjóra hjá Ferðafélaginu en hann leikur einleik í þessari fallegu sýningu.

Fréttapóstur frá Ferðafélagi Íslands 8. desember.  Fréttapóstur er sendur út reglulega á póstlista FÍ. Hægt er að skrá sig á póstlistann hér á heimasíðunni.

Hádegisgöngur Ferðafélags Íslands hófust í síðustu viku. Þeim verður fram haldið og er gengið kl. 12.00 á þriðjudögum frá Árbæjarlaug og Elliðaárdal og nágrenni og kl. 14.00 á fimmtudögum frá Nauthólsvík eftir ýmsum leiðum við sjóinn.
Ferðafélagið annast leiðsögn og fararstjórn en göngurnar eru sniðnar við allra hæfi og ætlað að hvetja fólk til holllrar og reglulegrar útiveru í félagsskap fólks með áþekk áhugamál. Öll ferðalög stór og smá hefjast á einu skrefi og kannski reynist þátttakan hádegisgöngum FÍ upphafið að stærri afrekum á sviði útivistar og gönguferða.

Þetta eru þátttakendur í fyrstu hádegisgöngu Ferðafélags Íslands sem gengin var 1. desember frá Árbæjarlaug. Genginn var hringur um Elliðaárdal í logni og nokkru frosti. Eins og sést á myndinni voru þátttakendur ekki ýkja margir en mjór er mikils vísir og við þetta tækifæri var rifjað upp að í fyrstu morgungöngu Ferðafélagsins fyrir fjórum árum voru fimm þátttakendur. Í vor tók nokkur hundruð þátt í morgungöngum.
Næsta ganga hefst í Nauthólsvík á fimmtudag kl. 14.00 og Ferðafélagið vonast til þess að sjá eins marga og vettlingi geta valdið.