Fréttir

23 manna hópur gekk um helgina um Núpaheiði, Kálfafellsfjall og Fossabrekkur í Djúpárdal undir leiðsögn Páls Ásgeirs og Rósu Sigrúnar. Þessi ferð ber yfirskriftina: Á vit fossana í Djúpárdal en hápunktur hennar er að koma í Fossabrekkur og standa við fótskör Bassa, sem er stærstur fossa í Djúpá. Hann steypist fram í hamrakór þar sem einnig falla fram fossandi ferskvatnslindir úr aragrúa fossa í hrauninu.
Í ferðinni eru ennfremur rannsakaðar fjölbreyttar myndir stuðlabergs, komið í eftirsóttustu hellutaksnámu sunnanlands og í lok ferðar gæða menn sér á alvöru kjötsúpu eldaðri af húsmæðrum í Fljótshverfi.
Sjá myndir hér.

Ferðafélag Íslands hefur gefið út fræðsluritið Norður við fjölvindahaf sem Hallvarður Guðmundsson úr Hlöðuvik ritar.  Hallvarður (faðir Guðmundar Hallvarðssonar)  hefur í þessu riti tínt til gagnmerkan fróðleik um Hlöðuvík og æskuslóðir sinar.  Fjallað er um fyglinga og bjargsig en jafnframt um örnefni í Hælavíkurbjargi, Hælavík og á leiðinni milli Hlöðuvíkur og Hesteyrar; og eru öll nöfn sett inn á skírar loftmyndir.  Hér er þó engin nafnaþula á ferð, nöfnunum fylgja gjarnan sögur, spaugilegar eða hamrænar en aldrei hversdagslegar, sem gefa okkur nútímafólki sýn inn í lif og lífsbaráttu fyrri tíðar fólks við fjölvindahaf.  Ritið fæst á skrifstofu FÍ og kostar kr. 1900.

Ferðafélag Mýrdælinga stóð fyrir áheitagöngu nú fyrir skömmu.  Það voru 22 sem hófu gönguna við Deildará og luku henni allir. Gangan tók um 6,5 klst. 242.700 kr söfnuðust. Ferðafélag Mýrdælinga  þakkar fyrirtækjum og einstaklingum sem hétu á gönguna, þeim sem gengu og öllum öðrum sem hjálpuðu til með einhverju móti.

30 manns eru nú í sumarleyfisferð FÍ í Þjórsárver með Þóru Ellen Þórhallsdóttur og Gísla Má Gíslasyni sem fararstjórum.  Þóra Ellen og Gísli Már eru í hópi fremstu vistfræðinga landsins og hafa bæði stundað rannsóknir í Þjórsárverum um langt skeið.  Á upphafsdegi ferðarinnar lék veðurblíðan við ferðalanga og útsýnið og náttúrufegurðin var himneskt.

Ferðafélag Íslands býður upp á gönguferð í Lónsöræfi um verlsunarmannahelgina með Örlygi Steini Sigurjónssyni sem fararstjóra.  Örlygur er fyrrverandi formaður Íslenska alpaklúbbsins og í hópi reyndustu fjallamanna landsins.  Gönguferð um Lónsöræfi er ógleymanleg ganga um stórkostlegt landsvæði.  Örfá sæti eru laus í ferðina.

Ferðafélag barnanna og Þingvallaþjóðgarður standa fyrir útileguhelgi fjölskyldunnar á Þingvöllum helgina 23-25.júlí. Dagskrá stendur yfir frá kl. 18 á föstudegi til kl. 15 á laugardegi. Fræðsla verður um búnað, þ.m.t bakpoka, tjald, prímusa og farið verður yfir öryggisþætti í samskiptum við náttúruna. Síðast en ekki síst verða leikir, glens og gaman og stuttar gönguferðir í boði. Fararstjórar og umsjónarmenn eru Ólafur Örn Haraldsson þjóðgarðsvörður og forseti FÍ og Guðrún Selma Steinarsdóttir.

Það eru laus pláss í ferðina Gengið um Fljótafjöllin Helgarferð sem farin er dagana 22 - 25. júlí 2010   

22-7 fimmtudag komið í Bjarnargil á eiginvegum.

23-07

Blákápugarður skoðaður og rætt um söguna. Gengið upp á Barðshyrnu og fram (Skipið) Brekkufjall. Gengið að þeim stað sem fararstjóri upplifði mikið náttúruundur fyrir 5 árum og sagt frá. Gengið niður Skeiðsdal að Skeiðsfossvirkjun, hún skoðuð.

Göngutími ca 6-7 tímar.

18. júlí nk. Stendur Ferðafélag Mýrdælinga fyrir áheitagöngu til fjáröflunar vegna endurbyggingar Deildarárskóla sem stendur undir Barði í Höfðabrekkuafrétti.

Ferðafélagið Norðurslóð var stofnað á Langanesi í vor og stendur nú fyrir ferðum í samstarfi við góða aðila.  

Á morgun miðvikudag leggur af stað fríður hópur í Laugavegsgöngu með FÍ og er það þriðji hópur sumarsins og nú eru fram undan vikulegar ferðir og má segja að sumarumferðin sé hafin af fullum þunga.  Að sögn skálavarða á Laugaveginum hefur umferð verið að aukast jafnt og þétt en skálar FÍ opnuðu óvenjusnemma í sumar.   Aðstæður á Laugaveginum eru góðar og útlt fyrir að umferð um Laugaveginn nú yfir hásumarið og fram á haust verði með besta móti.  Fjölmargir skálar eru fullbókaðir fram í ágúst.

Tæplega 40 manns luku í gær 4 daga gönguferð um Fjörður og í Flateyjardal með Ferðafélaginu og Valgarði Egilssyni sem fararstjóra. Í gær var gengið úr Hvalvatnsfirði, í Bjarnafellsskriður og yfir í Flateyjardal.  Veðrið lék við þátttakendur alla ferðina og Valgarður Egilsson miðlaði af sinni einsöku þekkingu af svæðinu.  Ferðin var farin í samstarfi við Fjörðunga sem veittu alla þjónustu af stakri lipurð.

Í dag rituðu Páll Guðmundsson framkvæmdastjóri FÍ og Kristján Harðarson og Jónína Ingvadóttir hjá Valitor undir samstarfssamning milli FÍ og Valitors.   Valitor hefur nú sl. ár verið aðalsamstarfsaðili FÍ veitt góðan stuðning til ýmissa verkefna Ferðafélgsins.  Má þar nefna sem dæmi skiltagerð á vinsælustu gönguleiðum FÍ, stuðning við verkefni fyrir eldri borgara og víðtækt samstarf um Esjudaginn og uppbyggingu í Esjunni.  Á Esjudaginn sl. í júní var nýtt skilti FÍ og Valitors sem sýnir gönguleiðir í Ejsunni tekið í notkun. 

Nú eru komnar inn myndir af fyrstu Laugavegsferð FÍ sem farin var í byrjun júlí. Myndir smá skoða með því að smella hér

Maður fer ekki erindislaus á fjöll" heyrðist oft sagt í byggðum Íslands í gamla daga. Umgengni við náttúruna var órjúfanlegur hluti af lífsviðurværi fólks þar sem fiskveiðar í sjó, ám og vötnum, landbúnaður og hvers kyns nýting á auðlindum landsins veitti fólki og dýrum helstu nauðsynjar til þess að draga fram lífið. Að fara út í náttúruna „einungis" fyrir upplifunina á sínar rætur að rekja til miðbiks síðustu aldar í kjölfar stofnunar Ferðafélags Íslands.   
Sjá nánar á www.allirut.is

Ferðafélag Íslands hefur nú frá því á haustdögum 2009 boðið upp á gönguferðir fyrir eldri og heldri borgara. Gengið er alla þriðjudaga og fimmtudaga, svokallaðar hádegisgöngur, sem hefjast þó kl. 14.  Gengið er á þriðjudögum frá Árbæjarsundlaug og á fimmtudögum frá Nauthóli.  Gengið er í 75 - 90 mínútur eftir stemmingu.  Fararstjóri í öllum gönguferðum er Alfreð Hilmarsson.  Gönguferðirnar eru ókeypis og allir velkomnir.   VISA Ísland og Menningarsjóður Valitors hafa stutt myndarlega við þetta gönguverkefni.  Upplýsingariti um gönguferðir eldri borgara hefur verið dreift víða og veggspjaldi með hvatningu sett upp á fjölmörgum stöðum þar sem eldri borgarar hafa þjónustu og aðstöðu.

Ferðafélag barnanna minnir á að huldustelpan og vinur hennar huldustrákurinn leita eftir nafni. Við hvetjum alla krakka til að senda inn hugmyndir að nöfnum fyrir þau bæði og það eru vegleg verðlaun í boði.

Hægt er að senda inn á netfangið: fb@fi.is eða senda inn hér á www.allirut.is

Ferðafélag barnanna er nú á sínu öðru ári, starfandi sem deild í Ferðafélagi Íslands.  Ferðafélag barnanna er með sér heimasíðu www.allirut.is  og má þar finna upplýsingar um ferðir og viðburði, sem og ýmsar góðar upplýsingar um búnað og fleira fyrir börn og fjölskyldufólk.  Hægt er að skrá í sig í Ferðafélag barnanna allirut.is og fá þátttakendur þá félagsskírteini og góð kjör, bæði í ferðir og ýmsar verslanir.

Farið var í fuglaskoðunarferð þann 3.júlí í Gróttu með fuglaskoðaranum og fuglaljósmyndaranum Jakobi Sigurðssyn frá Fuglaverndi. Ferðin heppnaðist einstaklega vel og voru um 70-80 manns sem mættu. Stefnt var að labba út í Gróttu en plönin breyttust aðeins og gengið var meðfram fjörunni og fuglalífið skoðað.

 

Fagnaðu með okkur og undirbúðu ævintýri sumarsins!

Í dag opnar Forlagið nýja og stórglæsilega kortadeild í verslun sinni að Fiskislóð 39.  Af því tilefni verður opnunarhátíð í dag kl. 16-20 þar sem kynnt verður frábært úrval landakorta og ferðabóka.

Nýju Atlaskortin verða fáanleg á sérstöku kynningarverði. Grillaðar pylsur og Svali  verða í boði kl. 18-20 og heitt á könnunni fyrir gesti og gangandi. Fararstjórar og fulltrúar Ferðafélags Íslands munu mæta á staðinn og kynna nýútkomna árbók félagsins, Friðland að Fjallabaki, sem og ferðir sumarsins.  Allir Velkomnir!

Helgina 10-11 júlí mun Ferðafélag Íslands bjóða upp á fyrstu gönguna yfir Fimmvörðuháls. Til undirbúnings fóru tveir fararstjórar FÍ í sérstakan könnunarleiðangur upp á hálsinn að gosstöðvunum og nýju gígunum Magna og Móða. Helstu niðurstöður þessa könnunarleiðangurs eru þessar: Færðin er allgóð, 10 cm þykkt lag af sandi og ösku liggur yfir Skógaheiði og Fimmvörðuhálsi. Efst á hálsinum liggur lagið á stórum svæðum ofan á snjó og þar helst það rakt og fyrir vikið gætir ekki foks. Ný leið yfir hraunið rétt við gígana er afar áhugaverð og litríkar útfellingar gleðja augað og það gerir heitt hraun undir fótum göngumanns einnig. Sjá myndir hér að neðan.

Nú er komið að þriðju ferð Landverndar og Ferðafélags Íslands um jarðhitasvæði í næsta nágrenni höfuðborgarinnar. Að þessu sinni verður gengið á Trölladyngju suður af Straumsvík, um Sog og að Hvernum eina. Leiðsögumaður í ferðinni er Sigmundur Einarsson jarðfræðingur hjá Náttúrufræðistofnun. Áður en lagt verður í ferðina flytur Sigmundur stutt erindi um svæðið sem gengið verður um í sal Ferðafélags Íslands að Mörkinni 6.

Dagskráin hefst kl. 10 og verður lagt af stað í ferðina kl. 10.30 og komið tilbaka um kl. 16-17.00.

Árbók Ferðafélags Íslands 2010 er nú komin út og fjallar að þessu sinni um FriðlandFjallabaki en þar eru Landmannalaugar og nágrenni í öndvegi. Höfundur bókarinnar er Ólafur Örn Haraldsson forseti FÍ.    Friðland að Fjallabaki er eitt fegursta svæði Íslands og náttúrufar þar einstakt á heimsvísu. Bók, sem fjallar um slíkt svæði, nær aldrei að fanga viðfangsefnið til fulls en reynt hefur verið að birta lesandanum sem flest af áhugaverðum einkennum friðlandsins.

Þrjú pláss eru laus í ferðina Óeiginlegur Laugavegur. Þetta er sérstök og umtöluð ferð sem farin var í fyrsta sinn í fyrra. Gengið er um fáfarnar slóðir austan og vestan hins hefðbundna Laugavegar en gist í skálum og farangur fluttur.
Fararstjórar eru: Páll Ásgeir Ásgeirsson og Rósa Sigrún Jónsdóttir.

Það voru að losna nokkur sæti í ferðina S-10 „Þar ríkir fegurðin ein ..." - síðari hluti

Jökulfirðir, Höfðaströnd, Grunnavík og Snæfjallaheiði 

Sem farin er dagana  7.-11. júlí

Sveitarfélagið Garður býður upp á áhugaverða Jónsmessugöngu 24. júní þar sem komið verður við í fjórum vitum á leið frá Stafnesi að Garðskaga. 

Á morgun, miðvikudaginn 23.júní kl 15 verður farið á Esjuna með barnið á bakinu.

Fararstjóri verður Auður Kjartansdóttir. Áður en haldið verður af stað í gönguna verður örlítil umræða um notkun burðarpokans og svo verður gengið um hlíðar Esjunnar.

Andinn var góður hjá gönguhópnum á vegum Ferðafélags Íslands sem gekk Esjuna í kvöld til að verða vitni að sumarsólstöðunum. Hátt í 80 manns gengu fjallið en ekki fóru allir á tindinn, að sögn Þórðar Marelssonar fararstjóra.  Aðspurður hvort þetta sé árviss viðburður segir Þórður svo ekki vera. Undanfarin ár hafi verið gengið á Heklu eða Snæfellsjökul á vegum Ferðafélags Íslands þennan dag ársins.  Hópurinn sem gekk Esjuna að þessu sinni var á vegum TM en fyrirtækið bauð viðskiptavinum sínum í gönguna.

Það eru nokkur laus pláss í ferðina S-5 Á skálavakt frá Aðalvík til Hrafnfjarðar sem farin er 30. júní til 7. júlí.
Til að fá meiri upplýsingar um ferðina vinsamlega hafið samband við skrifstofu í síma 568-2533 eða sendið tölvupóst á fi@fi.is

Hver er réttur og hverjar eru skyldur þeirra sem ferðast um Ísland? Í lögum um náttúruvernd eru ákvæði sem fjalla um almannarétt, umgengni og útivist. Þar segir að öllum sé heimilt að fara um landið og njóta náttúru þess svo fremi að gengið sé vel um og þess gætt að spilla engu. Heimilt er að fara um óræktuð eignarlönd án sérstaks leyfis. Rétthöfum lands er heimilt að takmarka með merkingum ferðir manna um eignarlönd. Lönd í eigu ríkisins, svo sem náttúruverndar- og skógræktarsvæði, eru öllum opin með fáum undantekningum. Hægt er að takmarka umferð tímabundið, svo sem yfir varptíma eða vegna gróðurverndar.

Á lengsta degi ársins býður TM viðskiptavinum sínum upp á Jónsmessugöngu á Esjuna með fararstjórum frá Ferðafélagi Íslands.  Göngumenn mæta við Esjustofu í kvöld kl. 20 og verður byrjað léttri upphitum áður en lagt er f stað í gönguna.

Skógræktarfélag Reykjavíkur fagnar 60 ára afmæli Heiðmerkur um þessar mundir. Að því tilefni verður boðið upp á fjölbreytta dagskrá fyrir alla fjölskylduna á vegum félagsins í Heiðmörk. Hátíðin stendur yfir og eru allir atburðir þar ókeypis og hefjast þeir kl. 20:00 á hverju kvöldi í heila viku.   Sem dæmi má nefna fuglaskoðun með Jakobi Sigurðssyni, tálgunarnámskeið fyrir börn og fullorðna með Ólafi Oddssyni, veiðinámskeið og grillaður fiskur með Jóni Kristjánssyni, gönguferð um landnemareit Ferðafélags Íslands undir leiðsögn Auðar Kjartansdóttur sem endar á hjá Norðmönnum í  þeirra ,,hyttu“  á Torgeirsstöðum. 

Nánari upplýsingar um dagskrána má finna hér.

Ferðafélag Íslands í samstarfi við Út og vestur býður nú upp á nokkrar áhugaverðar ferðir í Dölunum, bæði helgarferðir og lengri ferðir.  Ferðafélagið gefur út árbók um Dalina á næsta ári og kynnir nú og í kjölfar útgáfu árbókarinnar svæðið með gönguferðum og fræðslu.  Árni Björnsson þjóðhátttarfræðingur ritar texta bókarinnar og Jón Jóel Jónsson í út og vestur verður fararstjóri í ferðum sumarsins. Sjá nánar á www.utogvestur.is  og eins undir ferðir hér á heimasíðunni.

,,Það hefur rignt töluvert hjá okkur undanfarið og gróður hefur í kjölfarið sprottið hratt og allt grænkar og dafnar hér í Langadal," segir Helga Garðarsdóttir skálavörður FÍ í Langadal í Þórsmörk.   ,,Það hefur orðið mikil spretta hér á svæðinu og við höfum verið að slá tjaldsvæðin og eins hafa rigingar hreinsað af trjánum þannig að hér er græni liturinn að taka við sér og verða áberandi.

Fyrir skömmu fór Þorsteinn Eiríksson fóstri í Emstum í vinnuferð í Emstrur ásamt fríðum flokki vinnufólks.  Að sögn Þorsteins var tekið til hendinni alla helgina, skálar gerðir klárir fyrir sumarið, þrifið og sett á vatn og fleira.  Vinnuferðir hafa nú verið farnar í alla skála FÍ á Laugaveginum og að sögn skálavarða hafa rigningar nú að undanförnu gjörbreytt aðstæðum til hins betra, allt að grænka og góður að taka hressilega við sér.

 

Hressileg fjallganga á 7 tinda að kvöldi föstudagsins 18. júní.

Gangan hefst við tjörnina inni í Herjólfsdal kl. 21.00.

Lagt verður á Dalfjall, þaðan yfi r Eggjar niður Hánna, upp á Klif,

Heimaklett, Eldfell, Helgafell og Sæfell.

Engin skylda er að ganga á öll fjöllin, hver og einn gerir bara það sem hann

treystir sér í . Gott er að hafa með sér nesti í góðum og þægilegum bakpoka.

Áætlaður göngutími fer eftir ásigkomulagi hvers og eins (3-5 klst.)

Þátttökugjald er krónur 2000 og rennur óskipt til Krabbavarnar Vestmannaeyjum.

Hlakka til að sjá sem fl esta

Hafdís Kristjáns - sími 863 4224

Gengin forn þjóðleið frá Svartagili í Þingvallasveit, inn eftir Öxarárdal, yfir Leggjabrjót og niður að Stóra-Botni í Botnsdal í Hvalfirði. Nánar í: Gönguleiðir upp úr botni Hvalfjarðar, útg. FÍ 2007

Göngutími 5 -  6 klst.

Fararstjóri: Leifur Þorsteinsson.

Verð kr. 6.000 / 8.000

Innifalið: Rúta og fararstjórn

Skráning og greiðsla fyrir lok miðvikudags 16. júní.

FÍ Cintamani peysur eru nú tilbúnar til afgreiðslu á skrifstofu FÍ.  Þeir sem keyptu peysu í vetur geta nú sótt hana á skrifstofu FÍ Mörkinni 6.

Ferðin Framhjágangan mikla, I. hluti. Í fótspor Þórbergs Þórðarsonar er farin dagana 22.-26. júlí.

Genginn er fyrsti hluti frægrar göngu Þórbergs Þórðarsonar þegar hann ætlaði að banka uppá hjá elskunni sinni á Bæ í Hrútafirði. Hann stakk af frá borði farþegaskipsins Hólar í Norðurfirði og lagði á heiðarnar suður eftir. Þegar hann kom að Bæ þá brást honum kjarkur og hélt ferð sinni áfram fótgangandi alla leið til Reykjavíkur.

Nú er komið að annarri ferð Landverndar og Ferðafélagsins um jarðhitasvæði í næsta nágrenni höfuðborgarinnar. Að þessu sinni verður litast um á Hellisheiði og Ölkelduhálsi áður en gengið verður niður í Reykjadal en um hann rennur ein af glæsilegri varmám landsins, Reykjadalsá. Þar gefst göngufólki kostur á að hvíla lúin bein og baða sig í ylvolgri ánni. Þaðan verður gengið áfram niður dalinn og upp Hverakjálka til baka. Jarðskjálftasprungur skoðaðar á Bitru.

>>Sjá nánar

Í hádeginu í dag skrifuðu 17 aðilar, er koma að ferðaþjónustu á einn eða annan hátt, undir samstarfssamning í Krýsuvík um öryggismál ferðamanna.

Fjöldi ferðamanna sem ferðast um landið hefur verið að aukast með hverju árinu. Tölur frá Ferðamálastofu sýna að 90% íslendinga ferðuðust innanlands síðasta sumar og um 500.000 erlendir ferðamenn heimsóttu landið.

Bjartsýnustu spár segja að árið 2018 geti fjöldi erlendra ferðamanna verið kominn í eina milljón. Áætlað er að tekjur af erlendum ferðamönnum hér á landi hafi verið 155 milljarðar árið 2009 sem er um 21% raunaukning frá árinu á undan og er ferðaþjónustan nú orðin ein af stærstu gjaldeyrisskapandi greinum þjóðarinnar með um 18% hlutdeild.

Það voru að losna nokkur sæti í ferðina S-2 Jónsmessa og Jóga á Hornströndum - Hlöðuvík

Sem farin er dagana 23.-28. júní.

Laugardaginn 12, júní n.k frá kl 13 - 16  verður hinn árlegi Esjudagur Ferðafélags Íslands og VISA haldinn.  Boðið upp á gönguferðir á Esjuna í fylgd fararstjóra frá FÍ.  Fjallamenn mæta, ratleikur, skógarganga o.fl.
Sjáumst á laugardag.

Við bendum ykkur á að það gengur strætó frá Háholti Mosfellsbæ leið 57 yfir daginn. Nánari upplýsingar á www.straeto.is

Þátttaka er ókeypis, allir velkomnir. Nánar auglýst síðar. 

Um helgina efndi Ferðafélag Íslands til hópferðar í Þórsmörk. Stór hópur fólks sem er þátttakendur í verkefninu Eitt fjall á viku hélt á vit óvissunnar inn í Mörkina til að safna fjallatoppum og skyldi ná fimm tindum yfir helgina.
Þegar komið var inn undir Gígjökul og hvergi sá á dökkan díl heldur kolgrátt öskumistur blasti við á allar hendur má segja að menn hafi upplifað visst áfall.

 Líður þér mjög illa þegar þú ert hátt uppi eins og á svölum eða brúm, í lyftum eða stigum eða forðastu háar hæðir eins og þú frekast getur?
Hefur lofthræðsla hamlandi áhrif á daglegt líf þitt?
Hefur þig dreymt um að fara í fjallgöngur en ekki haft þig í það vegna lofthræðslu?

Kvíðameðferðarstöðin stendur nú fyrir tveggja vikna námskeiði við yfirdrifinni lofthræðslu í samstarfi við Ferðafélag Íslands.  Markmið námskeiðsins er að draga úr lofthræðslu svo að fólk eigi hægar um vik að fara ferða sinna, hvort sem er í daglegu amstri eða þegar farið er á vit ævintýra. Um er að ræða úrræði sem er byggt á aðferðum hugrænnar atferlismeðferðar og skiptist námskeiðið í fræðslu, æfingar, vettvangsferðir og heimaverkefni auk þess sem farið verður í fjallgöngu  undir lok námskeiðs. 
Stjórnendur námskeiðsins eru Sigurbjörg J. Ludvigsdóttir sálfræðingur, Helena Jónsdóttir cand.psych. og Páll Ásgeir Ásgeirsson, leiðsögumaður. Námskeiðið hefst þriðjudaginn 15. júní 2010 og stendur yfir í 2 vikur en hópurinn mun hittast 2 sinnum  í viku í 2 klukkustundir í senn (þriðjudaga og föstudaga kl. 8-10).  Skráning fer fram hjá Kvíðameðferðarstöðinni í síma 534-0110/822-0043 eða með tölvupósti á kms@kms.is en skráningu lýkur 12. júní n.k.

Í þessari ferð verður sameiginlegur matur bæði morgunmatur og heitur kvöldmatur, sem verður sérstaklega á vegum hópsins, en ekki innifalið í fargjaldi ferðarinnar.

Það hefur komist hefð á þennann hátt í Hornstrandaferðum FÍ í yfir áratug og skapað mikla ánægju meðal Hornstrandafara FÍ. Þessi sameiginlegi matur stendur saman af morgunmat, sem inniheldur hafragraut og súrmjólk, brauð, álegg og ávexti og af þessu morgunverðarborði útbúa síðan ferðalangar göngunesti dagsins. Kaffi, te og heitur súkkilaðidrykkur er bæði kvölds og morgna.

Í lok hvers göngudags er síðan á boðstólum heitur kvöldverður. Snarl af ýmsu tagi s.s. kex, súkkulaði, rúsínur, harðfiskur, súkkulaðidrykkir, Nes-kaffi, orkudrykkir eða ýmiskonar safar, sér hver um fyrir sig eftir þörfum og smekk. Ferðalangar hjálpast að við undirbúning og frágang máltíða

 

Þessi ferð í Hlöðuvík byggist á því að dvalið er í sömu bækistöð alla ferðina og gengið út frá henni. Gist er í húsum og tjöldum fyrir þá sem það vilja.  í húsunum er svefnpláss fyrir 30 manns. Svefnloft er uppi og tvö rúmstæði eru niðri. Eins má flytja dýnur niður, en nægar dýnur eru í húsunum. Í húsunum er vatnssalerni og handlaug. Eldunartæki í húsunum eru tvennskonar. Annarsvegar eru það eldavélar, sem kynntar eru með rekavið. Hinsvegar eru það  gastæki, þ.e. 5 og 4 hellu borð sem notuð eru til eldamennsku.

 

Sjá myndir úr ferð FÍ á Þverártindsegg í maí. Fararstjóri var Einar Ísfeld, myndir tók Erin Jorgensen

Ferð í Fjörður með Valgarði Egilssyni:  Samvinnuverk Ferðafélags Íslands og Fjörðunga Grenivík

Látraströnd -  Fjörður - Flateyjardalur. Ferðin er 4 göngudagar. Gist er í 3 nætur í eyðibyggðum á Látrum, í Keflavík og á Þönglabakka.  Innifalið 2 kvöldmáltíðir, trúss fyrir tjald og svefnpoka. Fararstjóri Valgarður Egilsson.  Verð kr. 44.000/49.000. Skráning á skrifstofu FÍ.

Ekið á Reykjanes um Hafnir. Litast um við Reykjanesvirkjun. Gengið frá bílastæði við Reykjanesvita vestur að gossprungunni frá 1226 og skoðuð ummerki eftir gosið, en gossprungan var bæði á landi og í sjó. Gengið á Valahnúk og horft yfir brimurðina og Reykjanestá. Gengið að hverasvæðinu og litið á Gunnuhver og Reykjanes-Geysi. Skoðaðar skjálftasprungur. Ekið til baka um Grindavík. Nokkur ganga en ekki erfið.

Fjórða örgangan um nágrenni Grafarholts verður miðvikudag 26. maí.  Lagt verður af stað frá vatnsgeymunum kl. 19:00.  Leið:  Gengið um stíginn sem liggur að Reynisvatni og norðan þess.  Þá  farið undir Reynisvatnsveginn og inn á stíg ofan nýja hverfisins sem kennt er við Haukadalsmenn . Stígurinn liggur austan í Reynisvatnsásnum og upp á hann - þaðan niður Klofabrekkur að Reynisvatni og gengið til baka um norðurbakkann..  Leiðin er að nokkru utan stíga og því ráðlegt að vera í góðum gönguskóm.  Þetta er ekki hraðganga.  Ætlaðir eru 1 1/2 - 2 klukkustundir til ferðarinnar.  Örgöngur eru aldrei felldar niður vegna veðurs.

Hvítasunnuferð FÍ á Hvannadalshnúk var farin laugardaginn 22. maí og tóku 80 manns þátt að þessu sinni, að fararstjórum meðtöldum. Ferðin hófst samkvæmt venju í Sandfelli og var lagt af stað á miðnætti aðfaranótt laugardags. Gjarnan er lagt af stað á Hnúkinn milli klukkan 3 og 5 að morgni, en að þessu sinni þótti skynsamlegra að fara fyrr af stað til að forðast snjóbráð á jöklinum, en gert var ráð fyrir töluverðum hita þennan dag.

Örganga

Þriðja  gangan um nágrenni Grafarholtsins verður miðvikudaginn 19. maí.  Lagt verður af stað frá vatnsgeymunum kl: 19:00.  Leið:  Gengið um veginn, sem liggur samhliða rörunum frá Nesjavöllum.Þaðan haldið stíg sem liggur um Selbrekkur að Rauðavatni - þaðan vestur með vatninu og upp Lyngdalinn - þaðan um Skálina  og á veginn meðfram hitaveiturörinu.   Leiðin er að nokkru utan stíga og því ráðlegt að vera í góðum gönguskóm.  Þetta er ekki hraðganga.  Ætlaðar eru 1 1/2 - 2 klukkstundir til ferðarinnar.  Örgöngur eru aldrei felldar niður vegna veðurs.

Fararstjórar:  Guðlaug Sveinbjarnardóttir og Höskuldur Jónsson

Hálendishandbókin - ökuleiðir, gönguleiðir og áfangastaðir á hálendi Íslands er komin út í þriðja sinn. Bókin er orðin sígild sem traustur ferðafélagi á hálendinu og í þessari nýju útgáfu eru uppfærðar upplýsingar, nýjar ljósmyndir og nýjar leiðarlýsingar til nokkurra staða.
Höfundur bókarinnar er Páll Ásgeir Ásgeirsson sem situr í stjórn FÍ og fæst við fararstjórn á vegum félagsins.

Í sumar ætla Ferðafélag Íslands og Landvernd að halda uppteknum hætti og ferðast um jarðhitasvæði á suðvesturhorninu í fylgd jarðfræðinga. Í fyrstu ferðinni er áætlað að ganga um gossprungusvæði vestast á Reykjanesskaga, í annarri ferðinni verður farið að Ölkelduhálsi og gengið þaðan í Reykjadal þar sem ferðalöngum gefst kostur á að baða sig í heitri varmánni og að síðustu inn að Trölladyngju þar sem gengið verður um hin litfögru Sog og að Hvernum eina.

Menningarsjóður  VISA hefur styrkt Ferðafélag Íslands til tveggja verkefna.  Annars vegar til eflingar á gönguferðum og útiveru fyrir eldri borgara og hins vegar til endurbóta og bættrar aðstöðu í skálum félagsins.  Styrkurinn var afhendur sl. föstudag.  Björk Þórarinsdóttir stjórnarformaður Valitor afhenti styrkinn sem Höskuldur Jónsson fyrrverandi forseti FÍ veitti viðtöku fyrir hönd félagsins.

Ferðafélag Íslands og Björgunarsveitin Ársæll bjóða upp á námskeið fyrir ferðamenn 28. - 30 maí þar sem farið verður yfir ferðamennsku 1, rötun, skyndihjálp og notkun gps og áttavita.  Verð á námskeiðið er kr. 8.000 fyrir félagsmenn FÍ en kr. 12.000 fyrir aðra.  Skráning á skrifstofu FÍ í síma 568-2633 eða á fi@fi.is

Örganga

Önnur gangan um nágrenni Grafarholtsins verður miðvikudaginn 12. maí.  Lagt verður af stað frá vatnsgeymunum kl: 19:00.  Leið:  Gengið um stíginn, sem liggur að Reynisvatni - þaðan haldið upp á Velli - þaðan um Leirdalsklauf upp á Grenás - þaðan í Skálina  (Paradísardal) - úr Skálinni niður á göngustíginn, sem liggur að - að geymunum.  Leiðin er að nokkru utan stíga og því ráðlegt að vera í góðum gönguskóm.  Þetta er ekki hraðganga.  Ætlaðar eru 1 1/2 - 2 klukkstundir til ferðarinnar.  Örgöngur eru aldrei felldar niður vegna veðurs.

Fararstjórar:  Guðlaug Sveinbjarnardóttir og Höskuldur Jónsson

Miðvikudaginn 12. maí kl. 14-16 verður haldið málþing um gæða og umhverfismál í ferðaþjónustu  á Grandhótel í Reykjavík.

Barnavagnavika FÍ og Ferðafélags barnanna hefst í dag kl. 12.30.  Þá verður gengið frá Perlunni um Öskjuhlíð. Gönguferðir með barnavagna og kerrur eru alla daga vikunnar og ávallt kl. 12.30.  Á þriðjudag er gengið frá Árbæjarsundlaug, á miðvikudag er gengið frá Gerðusafni í Kópavogi og á fimmtudagsmorgun kl. 10.30 frá Húsdýragarðinum í Laugardal og verður öllum þátttakendum síðan boðið í húsdýragarðinn að göngu lokinni.  Ekki verður gengið á föstudag,  en boðið upp á gönguferð mánudaginn 17. maí kl. 12.30. Göngufeðrirnar eiga að vera léttar og skemmtilegar, með léttum æfingum og teygjum inn á milli,  ca 90 mínútur hver gönguferð.  Fararstjóri eru Auður Kjartansdóttir.

Ferðafélag Íslands efndi á laugardag til göngu á Hvannadalshnúk fyrir þátttakendur í verkefninu 52 fjöll sem staðið hefur frá áramótum. Alls gengu 109 á fjallið í heiðríku veðri og veðurblíðu svo elstu menn muna varla annað eins. Á toppnum blasti við blár himinn til allra átta og mátti þekkja nafntoguð fjöll í flestum landshlutum.
Logn og sólskin hélst allan daginn og voru þátttakendur í sjöunda himni í bókstaflegri merkingu og skein gleðin af hverju andliti. Það var Haraldur Ólafsson sem stýrði verkefninu eins og jafnan er í ferðum FÍ á þennan hæsta tind Íslands. Sjá myndir.

Morgungöngum Ferðafélags Íslands lauk 2010 með hljómfögrum söng Léttsveitar Reykjavíkur á Úlfarsfelli í morgun meðan 160 þátttakendur gæddu sér á morgunmat. Jóhanna Þórhallsdóttir stjórnaði kórnum.
Alls tók 515 þátt í morgungöngunum að þessu sinni sem mun vera metþátttaka. Sjá nýjar myndir hér.

Leyfið fólkinu að koma til eldfjallsins,“ sagði Haraldur Sigurðsson eldfjallafræðingur á Ferðamálaþingi í fyrradag. Hann hefur stundað rannsóknir á eldfjöllum í fjóra áratugi og skipulagt ferðir fyrir ferðamenn á eldfjallasvæði í um þrjá áratugi. Erindi Haraldar má lesa á bloggi hans, www.vulkan.blog.is.   ,,Það er algjörlega magnað að vera hérna, og eins að aka hér inneftir,“ sagði Páll Guðmundsson, framkvæmdastjóri Ferðafélags Íslands. Hann fór inn að Gígjökli í fyrradag ásamt fleirum frá Ferðafélaginu og Vegagerðinni til að kanna aðstæður í Þórsmörk og ástand vegarins.

101 mætti í morgungöngu á Mosfellið í morgun. Þokan var dimm en menn létu það ekki á sig fá heldur fengu sér frískandi morgungöngu, gáðu að silfri Egils og hlustuðu á ljóðalestur á toppnum. Skáld dagsins var Jóhannes úr Kötlum og Land míns föður, landið mitt hljómaði í þokunni á Mosfelli í morgun. Fleiri myndir eru komnar inn hér.

Um helgina fór 19 manna leiðangur á vegum Ferðafélags Íslands á Miðfellstind í Skaftafellsfjöllum og mun þetta vera í fyrsta sinn sem félagið efnir til ferðar á þennan kyngimagnaða tind. Leiðangursmenn gengu úr Skaftafelli inn í Kjós þar sem settar voru upp tjaldbúðir. Snemma á laugardag var síðan haldið upp með Meingili í Hnútudal og þaðan í skarð við Þumal. Þaðan liggur leiðin inn á jökul norðan við fjöll og austur með þeim að Miðfellstindi. Tindurinn er 1430 metra hár og af honum óviðjafnanlegt útsýni yfir Skaftafellsfjöll og fjallakrans Öræfajökuls allan.

Morgungöngur FÍ 2010 hófust á mánudagsmorgun kl. 0600. 91 tók þátt í fyrstu göngunni og muna menn ekki eftir svo mikilli þátttöku fyrsta daginn. Undanfarin ár hefur jafnan fjölgað í göngunum eftir því sem líður á vikuna. Veður var hið besta og á toppnum var lesið úr bláu Skólaljóðunum kvæði eftir Jón Helgason við góðar undirtektir.
Sjá myndir.

Fyrsta gangan um nágrenni Grafarholtsins verður miðvikudaginn 5. maí.  Lagt verður af stað frá vatnsgeymunum kl: 19:00.  Leið:  Gengið um stíginn, sem liggur að Hádegismóum - þaðan haldið upp á Hádegisholtið - þaðan um Lyngdalsklaufina í Skálina  (Paradísardal) - úr Skálinni niður á göngustíginn, sem liggur að - að geymunum.  Leiðin er að nokkru utan stíga og því ráðlegt að vera í góðum gönguskóm.  Þetta er ekki hraðganga.  Ætlaðar eru 1 1/2 - 2 klukkstundir til ferðarinnar.  Örgöngur eru aldrei felldar niður vegna veðurs. Fararstjórar:  Guðlaug Sveinbjarnardóttir og Höskuldur Jónsson

Húsfyllir var á myndakvöldi Ferðafélags Íslands í gærkvöldi þegar Ólafur Örn Haraldsson forseti FÍ sýndi myndir úr væntanlegri árbók um Friðland að Fjallabaki. Myndir Daníels Bergmann fengu gestir til að grípa andann á lofti og margir sáu þarna nýjar hliðar á landsvæði sem þeir töldu sig þekkja allvel.
Ekki síður vöktu kátínu gamlar myndir úr uppbyggingarstarfi Ferðafélagsins í Landmannalaugum sem vörpuðu ljósi á að hefði ekki Ferðafélag Íslands hafist handa við uppbyggingu á svæðinu um 1950 rynni Jökulgilskvíslin án efa yfir heita lækinn í dag.
Þetta var síðasta myndakvöld vetrarins en þráðurinn verður tekinn upp aftur á hausti komanda.

Á næsta myndakvöldi Ferðafélags Íslands 28. apríl n.k. mun Ólafur Örn Haraldsson forseti félagsins sýna ljósmyndir úr væntanlegri árbók FÍ 2010.
Bókin fjallar um Torfajökulssvæðið og Fjallabak og er óhætt að segja að þetta heillandi svæði verði sýnt í nýju ljósi í þessari árbók sem Ólafur Örn hefur skrifað og er væntanleg í hendur félagsmanna í maímánuði n.k.
Árbækur Ferðafélags Íslands eru ótvírætt ein merkasta ritröð um Ísland og náttúru þess sem til er en árbækurnar hafa komið út árlega frá 1929.
Vandaðar ljósmyndir eru aðalsmerki þessarar bókar eins og ávallt og flestar þeirra hefur Daníel Bergmann ljósmyndari tekið en hann hefur lagt gjörva hönd að verki við árbækur síðustu ára. Í ljósmyndasýningunni á miðvikudaginn mun einnig bregða fyrir fjölmörgum eldri myndum sem sýna uppbyggingarstarf og ferðir á svæðinu umhverfis Landmannalaugar í áratugi.
Hér gefst því tækifæri til að skyggnast í væntanlegan fróðleiksmola en ekki síður að líta til baka og minnast við gamla daga.
Samkoman hefst stundvíslega kl. 20.00 í sal Ferðafélagsins í Mörkinni 6. Aðgangseyrir er kr. 600 og kaffiveitingar í hléi. Allir velkomnir meðan húsrúm leyfir.

Um síðustu helgi voru þátttakendur á námskeiðinu: Með allt á bakinu útskrifaðir. Útskrift fólst í stuttri útilegu á Þríhyrningshálsum yfir ofan Fljótshlíð þar sem gengið var kringum Þríhyrning. Nemendur slógu tjöldum undir Hæringsfelli en þaðan var gott útsýni yfir gosið í Eyjafjallajökli. Útsýnið um kvöldið og nóttina var ógleymanleg lífreynsla en þar gekk á með miklum eldingarleiftrum í gosmekkinum.
Þarna reyndu margir á eigin skinni hve góður búnaður er nauðsynlegur þegar sofið er í tjaldi meðan enn er vetur á almanakinu. Í lok ferðar fóru svo fram skólaslit og afhending prófskírteina. Námskeiðið var í umsjá Páls Ásgeirs Ásgeirssonar og Rósu Sigrúnar Jónsdóttur. Sjá myndir.

Esjudagur barnanna.

 Á morgun laugardag verður mikið fjör í hlíðum Esju.  Þá verður Esjudagur barnanna haldinn í samstarfi við Ferðafélag Barnanna, Esjustofu og Barnamenningarhátíð.

Ókeypis sætaferðir verða kl 13.15 frá Ferðafélagi Íslands að Mörkinni 6.  Kl 14.15 verður leikþáttur frá Færeyjum - Trölla-Pétur og amma hans sem er verulega óþæg og skemmtileg. Síðan verður notið þess sem Esjan og skógur hefur upp á að bjóða -  farið í leiki og ratleikurinn verður á sínum stað. Ókeypis veitingar í boði Esjustofu og Ferðafélagsbarnanna.

Komið og njótið Esjunnar -  Fjall í borg.

 

Fyrirlestur verður haldinn laugardaginn 24. apríl 2010, kl. 13.15,  í stofu N 130 í Öskju, náttúrufræðahúsi Háskóla Íslands. Þá flytur Hólmsteinn Snædal á Akureyri fyrirlestur sem hann nefnir
Staksteinar landsins, myndir af þeim, nöfn þeirra, saga þeirra og sérkenni.
Á sýningunni mun hann sýna myndir af nafnkenndum steinum og segja og lesa upp sagnir sem þeim eru tengdar. Einnig hvernig „íbúar“ sumra þessara steina hafa haft samskipti við sýnilega íbúa landsins. Og síðast en ekki síst hversu mikilvæg kennileiti þessir staksteinar voru í landinu. 

Skaftárganga - draumaleið göngumannsins - 14. - 16. maí . Skemmtileg, þægileg gönguferð með miklum fróðleik um einstaklega fallegt svæði.

Leiðsögumaður: Jón Helgason
Fararstjóri: Broddi Hilmarsson

Frá Skál að Eldmessutanga.15. maí 2010                                                                             
Söguganga ca 15 km (6 - 7 klt.)

Laugardaginn 15. maí kl. 9.00 er horft á myndina Eldmessu í félagsheimilinu Kirkjuhvoli, Kirkjubæjarklaustri til að skynja betur umhverfi og andrúmsloft í Skaftáreldum og Móðuharðindum.

D-4Örgöngur FÍ - Gönguferðir í Grafarholti og nágrenni  5. maí - 2. júní, á miðvikudögum kl. 19

Fararstjórar: Höskuldur Jónsson og Guðlaug SveinbjarnardóttirStuttar hressandi gönguferðir, 1 - 2 klst., um skemmtileg svæði í Grafarholtinu og nágrenni með leiðsögn. Mæting við hitaveitugeymana í Grafarholti.

Þátttaka ókeypis, allir velkomnir.

Cintamani og FÍ leita að útivistarmanni Íslands 

Segðu okkur frá þínu mesta afreki í útivist. Við viljum heyra frá öllum þeim sem stunda útivist, hvort sem það er reglulega eða bara einu sinni á ári. 

Verðlaun
Þyrluskíðaferð fyrir tvo með Arctic Heli Skiing eða Cintamani fatnað fyrir 100.000 kr.

Sendu okkur þína reynslusögu fyrir 7. maí á info@cintamani.is eða í umslagi merktu Útivistarmaðurinn 2010 í Austurhraun 3, 210 Garðabæ.

Pólfarinn Haraldur Örn Ólafsson frá Fjallafélaginu, Jökull Bergmann frá Arctic Heli Skiing, Páll Guðmundsson framkvæmdastjóri Ferðafélags Íslands og Skúli Björnsson framkvæmdastjóri Cintamani velja síðan útivistarmanninn 2010 úr innsendum sögum.

 

Kristin Krohn Dewold framkvæmdastjóri DNT

       
Í vikunni voru forráðamenn Ferðafélags Noregs í heimsókn hjá Ferðafélagi Íslands. Norsku gestirnir fóru meðal annars í heimsókn í Langadal í Þórsmörk og lentu í miklu ævintýri í ferðinni þegar Eyjafjallajökull byrjaði að gjósa. Urðu norðmennirnir innlyksa í Langadal ásamt fulltrúum FÍ og ferðamönnum frá Belgíu sem dvöldu í skálanum.  Með í för var einnig norski sendiherrann á Íslandi Margit Tveiten.   

Hópurinn var síðan fluttur úr Þórsmörk yfir Markárfljót með leyfi almannavarnarnefndar.  Páll Guðmundsson framkvæmdastjóri FÍ segir að heimsóknin sé liður í auknu samstarfi félaganna en Ferðafélag Íslands hafi að undanförnu kynnt sér vel starf DNT (norska Ferðafélagsins) og þar sé margt mjög áhugavert sem FÍ geti lært af og tekið upp í sínu starfi. 

,,Ferðafélag Noregs er gríðarlega öflugt félag með um 230 þúsund félagsmenn.  Starfsemi þeirra er í grunninn hin sama og starf FÍ og byggir á ferðum, skálauppbyggingu, stikun og merkingu gönguleiða, útgáfustarfi og fræðslu, "  Páll segir að Ferðafélag Íslands hafi í upphafi verið stofnað eftir hugmyndum frá Noregi og norska Ferðafélaginu.

Sjá myndir

Náttúru- og umhverfisverndarsamtök á Íslandi boða til náttúruverndarþings í hátíðarsal Menntaskólans við Hamrahlíð laugardaginn 24. apríl nk. kl. 10.00-15.30.

Náttúruverndarþing er haldið til að leiða saman alla þá sem hafa áhuga á umhverfis- og náttúruverndarmálum. Markmiðið er að skapa öflugan grundvöll samstarfs og umræðu um málefni og baráttuaðferðir náttúruverndarfólks og náttúruverndarsamtaka á Íslandi.

Ferðafélagið býður upp á gönguferðir á Esjuna FÍ fjör, í dag, á morgun og á sunnudag, langar gönguferðir á Esjuna.

Félag um átjándu aldar fræði heldur málþing laugardaginn 17. apríl þar sem m.a. verður fjallað um ferðir um fjallvegi fyrr á tíð. Málþingið ber yfirskriftina Samgöngur og landvarnir 1500-1900. Það verður haldið í Þjóðarbókhlöðu, fyrirlestrasal á 2. hæð.
Málþingið hefst kl. 13:00 og því lýkur um kl. 16:30. Flutt verða fimm erindi sem hér segir:
Sprengisandsleiðin forna, einkum á átjándu öld (Björn Teitsson sagnfræðingur);
Ferðir um Kjöl á átjándu og nítjándu öld (Eiríkur Þormóðsson handritavörður);
Fornar leiðir frá Skriðuklaustri (Steinunn Kristjánsdóttir,dósent í fornleifafræði við Háskóla Íslands og Þjóðminjasafn);
Samgöngur í Húnaþingi á átjándu og nítjándu öld (Jón Torfason skjalavörður);
Sýnilegar og ósýnilegar varnir Íslands á átjándu öld (Halldór Baldursson læknir).
Fundarstjóri verður Þóra Kristjánsdóttir list- og sagnfræðingur. Félag um átjándu aldar fræði býður málþingsgestum kaffiveitingar í hléi. Aðgangur er ókeypis og öllum heimill.

Stjórn Ferðafélags Íslands og gestir þeirra ásamt öðrum ferðamönnum verða flutt yfir Markarfljót og til byggða með aðstoð björgunarsveitarinnar Dagrenningar. Eins og fram hefur komið voru nokkrir forkólfar norska ferðafélagsins í hópnum og ennfremur norski sendiherrann á Íslandi. Þetta varð til þess að Verdens Gang í Noregi fjallaði sérstaklega um Merkurför sendiherrans.
Þessi Íslandsheimsókn hefur snúist upp í mikið ævintýri fyrir gestina frá Noregi því eldgos er sannarlega ekki hversdagslegur atburður.

Hópurinn sem dvelur í skála Ferðafélags Íslands í Langadal í Þórsmörk er í sambandi við lögreglu á Hvolsvelli og bíður átekta. Vatnavextir úr Gígjökli loka hefðbundinni leið inn í Þórsmörk.
Í morgun voru vangaveltur um að keyra yfir í Húsadal og þaðan yfir Markarfljót ofan mestu vatnavaxtanna. Eins og staðan er núna var það ekki talið til neins að fara yfir í Fljótshlíðina því þar gæti allt lokast ef vatnavextir lokuðu leiðinni Fljótshlíðarmegin.
Ólafur Örn Haraldsson, forseti Ferðafélags Íslands, segir að 38 manns séu í skála FÍ í Langadal, tólf manns úr forystu FÍ, tólf manna hópur frá norska ferðafélaginu, tíu Belgar og þrír Finnar ásamt einum Íslendingi sem er með þeim í för.  Til tals hefur komið að sækja hópinn eða hluta hans með þyrlu.
Ólafur sagði að af og til sæist gosmökkurinn fara hátt í loft upp. Um klukkan ellefu í gærkvöldi hefði jörðin skolfið hressilega og skáli Ferðafélagsins í Langadal hristist duglega. Fram til klukkan eitt í nótt hefðu nokkrir kippir fundist.
„Við erum kyrrsett hérna og bíðum bara átekta,“ sagði Ólafur. „Við höfum  nóg af mat og gott skap. Það er ró yfir þessu reynslumikla fólki hérna og við skiljum að í augnablikinu þurfa aðrir á meiri hjálp að halda heldur en við.“

Lokað í dag 13.apríl vegna heimsóknar Norska Ferðafélagsins

Slæm veðurspá er á gosstöðvum á Fimmvörðuhálsi um helgina. Ferðafélagið mun bjóða upp á dagsferðir þar sem lagt ef af stað seinnipart dags í Þórmörk og komið til baka um miðnætti frá og með fimmtudeginum 16. apríl.  Farið er í rútum með fararstjóra.  Nánar auglýst síðar.

FÍ býður upp á langar gönguferðir á Esjuna 16. - 17. og 18. apríl.

Óveður við gosstöðvarnar

Ferðafélag Íslands hefur aflýst boðaðri skoðunarferð að gosstöðvunum á Fimmvörðuháls á morgun mánudag. Veðurspá mánudagsins er frekar slæm og útlit fyrir hvassa austanátt og úrkomu og lítið ekkert skyggni til gosstöðva.
Ferðir páskanna hafa fram að þessu gengið vel og mörg hundruð manns komið í Þórsmörk með Ferðafélagi Íslands og gengið með fararstjórum upp á Morinsheiði og Valahnúk til að njóta útsýnis að gosinu.
Eftir páska verður skoðunarferðum haldið áfram eftir því sem veður og aðstæður leyfa svo og framgangur eldsumbrotanna á Fimmvörðuhálsi.

Útsýni af Valahnúk til gosstöðvanna í gærkvöldi.

Nú hefir verið opnað að nýju fyrir ferðir almennings í Þórsmörk. Dagskrá Ferðafélags Íslands um páskana verður því eins og áður var auglýst. Skrifstofan er opin kl. 8-10 alla morgna og hægt að skrá sig og greiða fyrir ferð. Mæting í ferð í Þórsmörk er kl. 8.30 og brottför í Þórsmörk kl. 9.00. Lagt upp frá FÍ í Mörkinn 6 í Reykjavík.  

Skrifstofa Ferðafélags Íslands í Mörkinni 6 verður opin frá kl. 08.00 til 10.00 alla morgna yfir páskana. Á þeim tíma verður hægt að bóka pláss í gosskoðunarferðir og greiða fargjöld. Skoðunarferðir fara úr Mörkinni 6 kl. 09.00 alla páskadagana.

Ferðafélag Íslands býður upp á dagsferðir í Þórsmörk alla páskana, rútuferðir með fararstjórum. Lagt er af stað frá Mörkinni 6 kl. 9 alla daga, skírdag, föstudaginn langa, laugardag, páskadag og annan í páskum. 
Þegar er fullbókað í ferð á skírdag og hratt bókast í ferðir aðra daga. Fyrstir koma, fyrstir fá.
Ekið er í Skagfjörðsskála í Langadal í Þórsmörk.  Boðið er upp á gönguferðir með leiðsögn bæði á Valahnúk og upp á Morinsheiði að gosstöðvunum. 
Gönguferð á Valahnúk tekur innan við klukkustund. Þaðan er gott útsýni yfir Þórsmörk og bein sjónlína að gosstöðvunumum 6 km. Gönguferð um Morinsheiði, upp Bröttufönn að gosstöðvunum tekur um 6 klst. og er um allbratt land á köflum að fara. Vegalengdin er 10 km. fram og til baka og hækkun nemur 800-900 metrum.
Nauðsynlegt er að vera vel búinn í ferðinni, með góðan hlífðarfatnað, góða gönguskó og nesti. Frost getur náð 15-18 stigum efst á fjallinu.
Brottför úr Þórsmörk er kl. 10 um kvöldið svo fólk geti séð eldgosið í myrkri og því nauðsynlegt að hafa nægt nesti til heils dags.
Verð í ferðina er kr. 10.000 / 12.000.  Frítt fyrir börn og unglinga yngri en 16 ára. Skráning og greiðsla á skrifstofu FÍ.

Samstarf Esjustofu og Ferðafélags Íslands

2. apríl föstudagurinn langi kl:14:00
Hátíðarmessa við Esjustofu. Gunnar Kristjánsson sóknarprestur í Brautarholtskirkju messar. Eftir messu verður gengið að Steini við Þverfellshorn undir forustu Þórðar Marelssonar
3. apríl laugardagur kl:11:00
Páskaeggjaleit í Esjuhlíðum, Heyrst hefur að nokkur egg séu af stærstu gerð!  Ganga undir forustu Þórðar Marelssonar, í átt að Gunnlaugsskarði, og jafnvel upp í skarð, jafnvel alla leið, fer eftir veðri og vindum.

4. apríl sunnudagur páskadagur kl:11:00
Gengið upp að Steini undir forystu Þórðar Marelssonar, létt morgunganga.
Útitónleikar við Esjustofu, gítarleikur og söngur fjallamannsins fríska.
5. apríl mánudagur annar í páskum
Óvissuferð í Esjunni kl. 11:00, mæting við Esjustofu, undir stjórn Þórðar Marelssonar

Daglega verður dregið út að borða fyrir 2. í  Esjustofu

Vertu með í góðri Esjugöngu

Vegurinn inn í Þórsmörk verður opnaður fyrir umferð á hádegi í dag. Ferðafélag Íslands er með skálaverði og leiðsögumenn í Langadal og þar geta ferðamenn fengið leiðsögn og ráðgjöf og leitað gistingar. Verslunin í Langadal  verður einnig opin. Helga Garðarsdóttir, Þórhallur Ólafsson og Broddi Hilmarsson eru til þjónustu reiðubúin.
Boðið verður upp á gönguferðir upp á Valahnúk sem er afbragðs góður útsýnisstaður til eldstöðvanna en einnig verður hægt að fá leiðsögn upp á Morinsheiði og Bröttufönn og standa þar í návígi við eldgos og hraunfossa.
Vegurinn inn í Þórsmörk er úfinn og torfær eftir vatnavexti og umhleypinga vetrarins og að mati Almannavarna aðeins fær breyttum jeppum og öflugum rútum. Umferð er ekki leyfð inn í Hvannárgil eða Hrunagil.
Búast má við mikilli umferð inn í Mörk næstu daga en veðurspá er hagstæð til skoðunarferða upp að gosinu.

Jakob Hálfdánarson félagi í Ferðafélaginu hefur unnið nokkrar glærur sem sýna kennileiti á gönguleiðinni og staðsetningu gossins. Glærurnar gefa ágæta mynd af leiðinni.

Skoða glærur Jakobs >>

Miðvikudagskvöldið 31. mars heldur Ferðafélag Íslands fræðslukvöld um eldgosið á Fimmvörðuhálsi. Þar koma Haraldur Sigurðsson eldfjallafræðingur og Steinunn Jakobsdóttir jarðeðlisfræðingur og skýra í máli og myndum frá eldgosinu, þróun þess og líklegri framvindu.
Haraldur Sigurðsson er heimsþekktur eldfjallafræðingur sem hefur á langri starfsævi unnið að rannsóknum á eldfjöllum víða um heiminn og sett fram kenningar og niðurstöður sem vakið hafa athygli um víða veröld. Haraldur hefur sett á fót Eldfjallasafnið í Stykkishólmi og veitir því forstöðu auk þess að sinna rannsóknum og fyrirlestrahaldi.
Haraldur heldur úti síðu á netinu um eldfjöll og virkni þeirra.
Steinunn Jakobsdóttir jarðeðlisfræðingur er verkefnastjóri jarðváreftirlits á Veðurstofu Íslands en sú stofnun vakir yfir öllum eldfjöllum Íslands.
Fræðslukvöldið hefst kl. 20.00 og aðgangur er ókeypis og öllum heimill meðan húsrúm leyfir. Ekki eru kaffiveitingar eins á á myndakvöldum félagsins.

Ferðafélag Íslands efnir til útsýnisferðar á Þórólfsfell í Fljótshlíð á morgun sunnudag. Brottför er úr Mörkinni 6 með rútum kl. kl.16.00. Þórólfsfell er innst í Fljótshlíð og þaðan er bein sjónlína til gosstöðvanna. Stefnt er að því að fylgjast með umbrotunum í ljósaskiptunum en allir sem séð hafa segja þá sjón sérstaklega tilkomumikla.
Gengið verður á Þórólfsfellið sem er hæg ganga og mun taka um klukkustund. Nauðsynlegt er að vera á góðum skóm, með göngustafi og vel klæddur því norðanáttin er köld. Heitt á brúsa og sætmeti í nesti er auðvitað meðferðis og góður sjónauki gæti komið sér vel.
Verð í ferðina er 5000 krónur en ókeypis fyrir börn og unglinga yngri en 16 ára. Yfirleiðsögumaður ferðarinnar er Leifur Þorsteinsson, þrautreyndur fararstjóri FÍ til margra ára. Honum til aðstoðar á göngu á fjallið verða eins margir fararstjórar og þarf.
Búast má við að leiðangurinn snúi ekki til Reykjavíkur aftur fyrr en seint um kvöldið.

Í gær, 25. mars. gekk hópur undir fararstjórn Þórðar Marelssonar á Esjuna. Strax upp við stein og síðar á Þverfellhorni sá hópurinn vel gosmökk og gufur sem stíga upp frá gosstöðvunum á Fimmvörðuhálsi. Ætla má að á meðan veður helst gott verði hægt að sjá gosmökkinn stíga frá eldstöðinni úr töluverði fjarlægð. Þetta er skemmtileg viðbót við annars frábært útsýni af Esjunni.

Vegna hættu á aurbleytu og utanvegaakstri hefur veginum inn í Landmannalaugar verið lokað og allur akstur um hann bannaður. Ferðamenn sem áhuga hafa á því að ferðast um hálendisvegi er bent á að hafa samband við Vegagerðina í síma 1777 vegna lokanna á fleiri hálendisvegum.

Ferðafélag Islands stendur fyrir fræðslukvöldi um eldgosið á Fimmvörðuhalsi nk miðvikudagskvöld kl. 20 í sal felagsins Mörkinni 6.  Þá mæta vísindamenn og kynna gosið í máli og myndum fyrir ferðafólki.

Árbók Ferðafelags Islands 2009 um Vestmannaeyjar sem Guðjon Armann Eyjolfsson hefur verið tilnefnd til bokmenntaverðlaun Hagþenkis.

"Við fylgjumst grannt með framvindu mála í gosinu á Fimmvörðuhálsi," segir Ólafur Örn Haraldsson forseti Ferðafélagsins.
"Við hvetjum alla ferðalanga til að gæta fyllsta öryggis og fara að fyrirmælum almannavarna. Við höfum vakandi auga með framvindu mála ekki síst vegna þeirra eigna Ferðafélagsins sem eru í námunda við gosið. Enn sem komið er virðist sem betur fer ekki stafa nein hætta að þeim."
Minnt skal á að vegurinn inn í Þórsmörk er enn lokaður og ekkert sem bendir til að því verði aflétt um sinn. Gosið tekur stöðugum breytingum og án efa fylgjast allir áhugamenn um náttúru Íslands spenntir með.

70 manns tóku þátt í páskaeggjagöngu Ferðafélags Íslands og Góu á Móskarðshnúka í vonskuveðri i dag. Allhvass vindur var af austri og gekk á með dimmum éljum. Jókst veðurhæðin talsvert eftir því sem ofar dró og varla stætt í hviðum þegar komið var upp á brún. Allstór hluti hópsins gekk þó að heita má alla leið en nokkrir sneru frá við Bláhnúk. En allir fengu páskaegg að launum og konan á myndinni var svo heppin að fá þetta risaegg í sérstöku happdrætti að lokum.

Christopher Lund og Haukur Snorrason troðfylltu sal Ferðafélags Íslands á myndakvöldi í gærkvöldi. Myndir þeirra félaga vöktu mikla athygli og aðdáun, sérstaklega myndir Lunds frá Langasjó og nágrenni. Loftmyndir Hauks fengu einnig sterk viðbrögð og líflegar frásagnir þeirra félaga kölluðu á fjölda spurninga úr sal. Firnagóð stemmning og fróðleikur að ógleymdum kaffiveitingum í hléi. Talnaglöggir töldu að rúmlega 200 manns hefðu verið á staðnum.

Tímaritið Útivera kemur út á ný nú á vormánuðum. Það er fyrirtækið Athygli sem gefur blaðið út og ritstjóri þess verður Valþór Hlöðversson en í þriggja manna ritnefnd sitja Gunnar Hólm Hjálmarsson, Ragnheiður Davíðsdóttir og Páll Ásgeir Ásgeirsson.
Útivera mun eins og áður fjalla um útiveru, ferðalög, fjallgöngur og íslenska náttúru í sem víðustum skilningi.

Fimmtudaginn 18. mars, verður sérstakur fyrirlestur á Hótel Hilton Nordica sem er haldinn á vegum Félags Íslenskra Fjallalækna Þar mun Michael P. Grocott,  halda fyrirlestur um ferð sína og félaga sinna á Mt. Everest vorið 2007, The Xtreme Everest Expedition.

Ferðafélag Austur-Skaftfellinga var stofnað 9. mars 1980 og er því 30 ára um þessar mundir. Rannveig Einarsdóttir, formaður félagsins sagði í samtali við heimasíðu FÍ að félagsmenn horfðu glaðir til framtíðar á þessum tímamótum og rífandi gangur væri í starfinu.
Félagið rekur einn skála, Múlaskála í Lónsöræfum og hefur gistináttum þar fjölgað verulega milli ára og mikið bókað í sumar.
Sunnudaginn 14. mars kl. 14.00  verður afmæliskaffi í Nýheimum á Höfn þar sem félagsmenn og velunnarar fagna saman og deila minningum og myndum. Dregið verður í lukkuleik Strandgöngu sem staðið hefur yfir og  ferðadagskrá komandi sumars kynnt.

4. mars hófust gönguferðir fyrir eldri og heldri borgara á vegum Ferðafélags Íslands. Gönguferðirnar eru á þriðjudögum og fimmtudögum og hefjast ávallt kl. 14.00. Á þriðjudögum hittast þátttakendur við Árbæjarlaug en þaðan er auðvelt að komast inn á kerfi gangstíga sem teygir sig um allan Elliðaárdal og upp að Elliðavatni.
Á fimmtudögum hittast menn og konur svo við Nauthól í Nauthólsvík kl. 14.00 og þaðan liggja stígar meðfram sjónum í báðar áttir og hlykkjast ennfremur um alla Öskjuhlíðina.
Ferðafélagið leggur til fararstjóra í þessar gönguferðir og hefur Alfreð Hilmarsson tekið þetta verkefni að sér fyrir félagið en Alfreð er vaskur göngugarpur sem er enn léttur á fæti þótt árunum fjölgi. Þetta verkefni er unnið í samvinnu við Valitor sem hefur átt náið og gott samstarf við Ferðafélag Íslands í nokkur ár.
Allar rannsóknir sýna að fátt er betri heilsubót til sálar og líkama en að taka sér hressandi gönguferð með skemmtilegu fólki. Í þessum ferðum er vegalengd og gönguhraði stilltur í samræmi við virðuleika þátttakenda og meðalaldur hópsins hverju sinni.

Vatnajökulsþjóðgarður er víðfeðmur og fjölbreytilegur. Hann er stærsti þjóðgarður Evrópu, hátt í 14 þúsund ferkílómetrar að stærð. Á námskeiðinu mun Oddur Sigurðsson, jarðfræðingur fjalla um náttúru norðausturhorns garðsins, nánar tiltekið Snæfell, Eyjabakka og umhverfi. Aðallega verður fjallað um gerð og aldur jarðlaga á svæðinu, landmótun, eðli og sögu jöklanna og jarðhita sem fáir veita athygli. Auk þess verður komið inn á gróðurfar og dýralíf á svæðinu. Snæfell setur mjög svip sinn á umhverfið og verður ekki um landið fjallað nema nefna það sérstaklega. Nokkrum gönguleiðum á fjallið verður lýst.

Borist hefur ábending frá félagsmanni í Ferðafélagi Íslands vegna innbrota í gærdag í bíla á bílastæðinu við Mógilsá við Esjurætur.

Sjá upplýsingar um ferðir hópanna í Eitt fjall á viku.

FÍ fjör í Esjunni - vertu til er vorið kallar á þig er hafið en það felst í því að ganga á Esjuna fjóra daga í röð. Í gær, þriðjudag  fór hópurinn upp í allhvössum vindi en ágætlega björtu veðri. Mönnum þótti talsvert streð að baksa upp með vindinn í fangið og var því látið nægja að fara upp að Steini.
Í dag miðvikudag verður haldið áfram og ástæða til að hvetja fólk til að mæta í þetta hressilega verkefni. Veðurspáin fyrir daginn er áhugaverð, spáð er norðlægri átt og síðdegis gæti orðið einhver ofankoma.  En gott skap og hlýr fatnaður er rétta veganestið í fjallgöngur að vetri.
 Fararstjóri er Þórður Marelsson.  Lagt er af stað frá Esjustofu kl. 18 alla daga.  Takið með ykkur höfuðljós og góðan búnað. 

Sl. ár stóð Ferðafélag Íslands fyrir verkefni þar sem þátttakendur söfnuðu fjöllum í til þess gerða Fjallabók FÍ.  Nú hefur póstkassinn sem hefur að geyma allar Fjallabækur ársins 2009 verið opnaður og er nöfn þátttakenda og þeirra sem skráðu niður 10 fjöll sem þeir gengu á árinu að finna hér að neðan.  Þáttakendur fá í verðlaun FÍ buff, FÍ spilastokk og fræðslurit að eigin vali.

Aðalheiður Stefánsdóttir, Anna Lára Eðvarðsdóttir, Borgþór Harðarson, Corina Hoffmann, Elínborg Kristinsdóttir, Erlingur Jensson, Fanney Bj. Karlsdóttir, Halla Rún Erlingsdóttir, Hanna María Þorgeirsdóttir, Heiðdís Lilja Erlingsdóttir, Ingibjörg Sveinsdóttir, Jónína Pálsdóttir, Katrín Haraldsdóttir, Margrét Hallgrímsdóttir, Ómar Smári Kristinsson, Sigríður Lóa Jónsdóttir, Sigurður E. Kristjánsson, Snæfríður M. Björnsdóttir, Sveinn B. Sveinsson, Trausti Sigurðsson, Þórhallur Hálfdánarson.

Páll Ásgeir Ásgeirsson stjórnarmaður í Ferðafélagi Íslands og fararstjóri er atkvæðamikill bloggari og birtast skrif hans á vefsvæðinu Eyjunni.
Undanfarna daga hafa birst þar nokkrar færslur þar sem fjallað er um náttúruvernd og utanvegaakstur í víðu samhengi, viðhorf manna til náttúrunnar og verndar hennar.
Snarpar umræður hafa orðið í athugasemdakerfi síðunnar þar sem sitt sýnist hverjum en ljóst af viðbrögðum að hér er á ferðinni málefni sem fólki er mjög hugfólgið.
"Mér finnst vert að reyna að ræða þessi mál og reyna að vekja fólk til umhugsunar," sagði Páll Ásgeir í samtali við heimasíðu FÍ.
Slóðin á bloggsíðu Páls Ásgeirs http://blog.eyjan.is/pallasgeir/ og þar geta áhugasamir lesið umræddar færslur.

,,Ég var að springa úr mæði á leiðinni upp en að springa úr monti á leiðinni niður," sagði stoltur göngugarpur nýkominn af tindi Móskarðshnúka í gönguhópi Austurbæinga í verkefninu Eitt fjall á viku.  Gengið var á hæsta tind Móskarðshnúka  og útsýni fjallahringsins stórkostlegt í frosnum himni. Þegar niður var komið biðu ástarpungar og kleinur göngumanna.  
Þrír fjallahópar FÍ gengu á fjöll í gærdag, Austurbær gekk á Móskarðshnúka, Vesturbær gekk á Skálafell og Nágrannar gengu á  Húsfell, alls um 150 manns.   Sjá myndir í myndabanka FÍ með því að smella á nöfn hópanna.

Fjallaskíðanámskeið,1 dagur2 námskeið  27 og 28 febrúar.
Mæting í Mörkinni kl 08:00
Einn dagur á fjöllum þar sem að farið er yfir grunn þætti fjallaskíðamennsku s.s mat á snjóflóðahættu, snjóflóðaleit, uppsetningu á öruggri leið og almenna vetrarfjallamennsku.
Þetta örnámskeið er ætlað sem verkleg kynning á sportinu og fer fram í nágrenni borgarinnar þar sem aðstæður eru bestar á þeim tímapunkti.
Fjallaskíða og öryggisbúnaður fæst leigður á staðnum fyrir þá sem ekki eiga. Verð: 15.000.- Utan búnaðar 

Kynningarkvöld um fjallaskíðamennsku Í samstarfi við Íslenska Alpaklúbbinn: 25 Febrúar kl 20:00
Jökull Bergmann sýnir magnaðar myndir og videó þar sem fjallaskíðamennska er í aðalhlutverki,ásamt því sem fólki gefst tækifæri til að skoða allan þann sérhæfða búnað sem fylgir sportinu og fá ráðleggingar frá eina faglærða fjallaleiðsögumanni landsins. Spennandi tækifæri til þess að kynna sér þetta magnaða sport. 
Allur ágóði rennur í viðgerðasjóð vegna endurbóta á Bratta, skála Íslenska Alpaklúbbsins í Botnsúlum sem er kjörin áfangastaður fjallaskíðafólks á suð vestur horninu.Verð: 500.- eða frjáls framlög

Myndakvöld FÍ með Helga Björnssyni jöklafræðingi og Þóru Ellen Þórhallsdóttur líffræðingi sló aðsóknarmet vetrarins en 250 gestir mættu til að hlýða á erindi hjónanna og myndasýningar. Gestir fræddust um eðli jökla, íhuguðu hvort fæddur myndi sá Íslendingur sem fengi að sigla inn í Esjufjöll eftir Breiðamerkurfirði og sátu andaktugir undir fyrirlestri Þóru Ellenar um verðmæti íslensks landslag, sérstöðu þess og ýmsar rannsóknir því tengdar.
Hinar sívinsælu kaffiveitingar voru á sínum stað. Sigurvegari í ljósmyndasamkeppni FÍ tók á móti verðlaunum og menn hittu gamla ferðafélaga, treystu vinaböndin og skiptust á skoðunum og fréttum úr heimi fjallaferða og útivistar.

Nú hefur dómnefnd skilað inn niðurstöðu í ljósmyndasamkeppni FÍ sem haldin var fyrir áramót.  Vinningsmyndin var tekin í Langadal í Þórsmörk og ljósmyndarinn er Ármann Guðjónsson. 
Í texta ljósmyndara með myndinni segir:, ,, Mynd tekin við bústað skálavarða í Langadal 23. ágúst, lítill sætur yrðlingur hvílir sig í sólinni,"
Í niðurstöðuorðum dómnefndar segir: 
"Dómnefnd þótti myndin hafa til að bera það þrennt sem hæfir góðri náttúrumynd; sterka mynduppbyggingu, fallega birtu og hún er tekin á réttu augnabliki. Þá leiðir grunnur fókus (dýptarskerpa) myndarinnar augu áhorfandans beint í auga dýrsins og skapar þannig umsvifalaust tengingu við viðfangsefnið. Þá er tófan táknmynd náttúru Íslands sem eina villta spendýrið á landinu."

Galvaskur hópur Nágranna (stundum nefndir þorparar), einn af þremur hópum FÍ í Eitt fjall á viku,  gengu á Móskarðshnúka í dag og skiptist þar á skin og skafrenningur. Nágrannar telja rúmlega 60 þátttakendur í Eitt fjall á viku og eru eins og nafnið á hópnum gefur til kynna íbúar í nágrannasveitarfélögum Reykjavíkur og reyndar víðar því að einn þátttakandi kemur alla leið frá Vík í Mýrdal í hverja fjallgöngu einu sinni í viku.  Eftir ýmis konar sprell og skemmtilegheit stýrt af hinum glaðbeittu fararstjórum Nágranna var hópurinn hinn brosmildasti á austurtindi Móskarðshnúka. Kökunefnd hafði síðan hrært í nokkra skammta af kleinum og pönnukökum og var þeim raðað í sig af bestu lyst þegar niður var komið. Sjá myndir í myndabanka FÍ 

Laugardaginn 13. febrúar kl. 14 – 17 býður World Class í Laugum í samstarfi við Ferðafélag Íslands upp á sýningu á skiltum sem Ferðafélag Íslands hefur sett upp á vinsælustu gönguleiðum landsins, Laugveginum og Fimmvörðuhálsi og auk þess á Hvannadalshnúk.
Sjá skilti

Ferðafélag Íslands býður upp á FÍ fjör í Esjunni næstu mánuði.  Um er að ræða ókeypis gönguferðir með fararstjórn á Esjuna, nokkrar ferðir í mánuði fram á sumar.  FÍ fjör er því tilvalinn vettvangur fyrir ferðafélaga sem eru að undirbúa verkefni sumarins, hvort heldur krefjandi fjallgöngu á Hvannadalshnúk eða sumarleyfisferð.  FÍ fjör verður undir nokkrum fyrirsögnum  eftir mánuði og er fyrsta FÍ fjör prógrammið undir heitinu ,,vertu til er vorið kallar á þig," í tilefni af veðurblíðunni undanfarið.  Fararstjóri er Þórður Ingi Marelsson.

Fyrsta gönguferð Ferðafélags Ísafarðar var farin á sunnudag en félagið var nýlega endurreist. Það var upphaflega stofnað 1949. Um 50 manns mættu í gönguna ásamt 3 ferfætlingum og var fararstjórn í höndum Þrastar Jóhannessonar. Gengið var frá skála Skíðafélags Ísafjarðar á Seljalandsdal og upp á Sandfell og um nágrenni þess. Aðalfundur félgsins var nýlega haldin og er stefnt að framhaldsaðalfundi fyrir 1. mai. Hermann Níelsson leiðir starf undirbúningsnefndar.

Þrír stórir hópar voru í dag á þremur fjöllum í verkefninu ,,Eitt fjall á viku."  Þáttakendum hefur nú verið skipt niður í þrjá hópa, austurbæ, vesturbæ og nágranna. Einhver kom með þá hugmynd að nágrannar yrðu kallaðir þorparar, en nágrannanafnið stendur enn um sinn.  Göngugleðin var fjórði hópurinn frá FÍ í dag á fjöllum en myndarlegur hópur hélt á Hvalfell á meðan hóparnir þrír gengu á Skálafell, Móskarðshnúka og Húsfell. 
Sjá myndir á myndabanka FÍ

Eitt fjall á viku sunnudaginn 7. febrúar, sjá upplýsingar hér á heimasíðunni, www.fi.is/eittfjall

"Ég man ekki eftir öðrum eins viðtökum," sagði Páll Guðmundsson framkvæmdastjóri Ferðafélags Íslands. Frá því að áætlun FÍ var dreift til félagsmanna og almennings s.l föstudag hefur síminn á skrifstofu félagsins ekki hætt að hringja. Á fáeinum dögum eru 6-8 ferðir algerlega uppseldar og óðum að fyllast í nokkrar í viðbót.
Hinn sívinsæli Laugavegur milli Landmannalauga og Þórsmerkur selst hraðast en Hornstrandaferðir njóta einnig mikilla vinsælda svo og háfjallagöngur á Hvannadalshnúk, Hrútfjallstinda og Þverártindsegg.

FÍ býður upp á námskeið 6. - 7. febrúar sem hugsað er sem kynning á vetrarferða- og fjallamennsku fyrir útivistarfólk sem vill víkka sjóndeildarhringinn og takast á við vetraraðstæður. Farið er yfir grundvallaratriði s.s. leiðarval, mat á snjóflóðahættu, veðurfræði, göngu og klifur á mannbroddum, notkun ísaxa og annars öryggisútbúnaðar. Námskeiðið er fyrir alla í ágætis líkamlegu formi og engrar reynslu af vetraferðamennsku er krafist. Námskeiðið fer fram í Skíðadal á Tröllaskaga og verður einn af fjölmörgum tindum svæðisins klifinn á námskeiðinu. Umsjónarmaður er Jökull Bergmann. 

Heilsuborg býður nú ferðafélögum upp á fjallgöngunámsskeið fyrir sumarið.  Námskeiðin eru tilvalin fyrir göngu- og fjallgöngufólk tl að komast í form fyrir sumarið.  Ný námskeið eru að hefjast.

„Mikið líf og fjör er í stafsemi Ferðafélags Íslands þessi misserin og starfið fjölbreytt, skemmtilegt og gefandi.  Þar kemur til stóraukinn áhugi fólks á útveru og ferðalögum en ekki síður að almenningur telur grunngildin í starfsemi félagsins nú eiga erindi við sig," segir Ólafur Örn Haraldsson forseti Ferðafélags Íslands í tilefni af útgáfu ferðaáætlunar FÍ.

Margar nýungar eru í ferðaáætlun Ferðafélags Íslands fyrir árið 2010. Má þar nefna nokkrar sumarleyfisferða félagsins hafa ekki áður verið á dagskrá og einnig er boðið upp á fjölmargar helgar- og dagsferðir sem ekki hafa boðist áður. Nýjungar eru dæmis daglegar jökulgöngur úr Þórsmörk á Eyjafjallajökul snemma sumars og einnig ferðir um Friðland að fjallabaki sem er umfjöllunarefni Árbókar FÍ í ár. „Yngra fólk leitar í auknum mæli til okkar og er opið fyrir hressilegum áskorunum, eins og verkefninu 52 fjöll sem við fórum af stað með í ársbyrjun. Ferðafélagið mætir vaxandi áhuga yngra fólks með mikilli ánægju," segir Sigrún Valbergsdóttir formaður ferðanefndar Ferðafélags Íslands.

,,Það er ánægjulegt að sjá aukinn áhuga landsmanna á gönguferðum, fjallgöngurm og útiveru almennt.  Við höfum skynjað þennan aukna áhuga nú sl. ár en sumarið 2009 var metár hin síðari ár hjá félaginu, " segir Páll Guðmundsson framkvæmdastjóri FÍ.  ,, Í nýútkominn ferðaáætlun er boðið upp á fjölbreyttar ferðir, allt frá léttum gönguferðum í byggð yfir í erfiðar fjallgöngur á hæstu tinda landsins, og allt frá barnavagnagöngum yfir í eldri borgara ferðir, þannig að allir eiga að geta fundið eitthvað við sitt hæfi í ferðaáætlunni, "segir Páll

Myndir úr eiit fjall á viku - Mosfell eru nú komnar á myndabanka FÍ. Tæplega 160 þátttakendur tóku þátt í gönguferðinni í dag í rigningu og sudda og sást lítið til næstu fjalla af tindi Mosfells.

Ferðafélag Íslands hefur náð hagstæðum samningum við Cintamani og býður nú öllum félagsmönnum sínum glæsilega Cintamani peysu úr techno - strechts með merki FÍ og íslenska fánanum í saumað á kr. 10.000 en söluvirði slíkrar peysu úr verslun er kr. 22.000.  Aðeins er um einn lit að velja, sérstakan Ferðafélagslit, fallega blár. Félagsmenn geta pantað peysu á skrifstofu félagsins fyrir 10. febrúar.  Hægt er að máta peysur á skrifstofunni Mörkinni 6 og skoða litinn á peysunni.

Hugmyndin er að hittast nokkrum sinnum á ári, ýmist á fræðslufyrirlestrum eða í vettvangsferðum, og leita til sérfræðinga um að koma með innlegg, allt eftir áhuga og/eða aðstæðum hverju sinni, t.d. ef einhverjir þeir atburðir verða sem kalla á að um þá sé fjallað. Við viljum að yfirbyggingin verði sem allra minnst og reglur félagsins einfaldar í sniðum, svo jafnvel verði hægt að komast hjá því að leggja á félagsgjöld og halda utanum slík leiðindi. Þetta á bara að vera gaman.

Um 150 manns mættu á myndakvöld Ferðafélags Íslands á miðvikudagskvöld. Þar voru sýndar myndir úr skíðaferðum um fjöll og jökla að vetrarlagi. Einar Ragnar Sigurðsson sýndi myndir úr ferðum um Laugaveginn á skíðum og ferð þvert yfir Vatnajökul sumarið 1997.
Páll Ásgeir Ásgeirsson sýndi myndir úr skíðaferðum um Síðuafrétt og inn í Öskju veturna 2008 og 2009. Fjöldi gesta endurspeglar mikinn áhuga á ferðum af þessu tagi og nokkrar umræður urðu um búnað og skipulag í ferðum af þessu tagi.

Tæplega 150 göngugarpar tóku þátt í gönguferð FÍ í morgun á Úlfarsfell í verkefninu ,, Eitt fjall á viku."  Myndir úr gönguferðinni eru komnar á myndabanka FÍ hér á heimasíðunni, sjá hér 

Árleg BORGARGANGA Hornstrandafara Ferðafélags Íslands verður sunnudaginn 17. janúar 2010.
Mæting kl 10:30 við innganginn í sal F. Í., Mörkinni 6.
Að lokinni kynningu aka þátttakendur á eigin bílum að upphafsstað göngu, sem er miðsvæðis í Reykjavík.

Alls tóku 147 þátttakendur þátt í fyrstu göngu Ferðafélags Íslands í verkefninu Eitt fjall á viku sem hófst í morgun með gönguferð á Helgafell. Að auki voru þó nokkrir sem höfðu lagt af stað á undan hópnum og nokkrir komu of seint en alls voru því um 180 manns á ,,tindi" Helgafells.  Aðstæður voru góðar og veður millt og fallegt.  Páll Guðmundsson fararstjóri segir ánægjulegt að sjá hvað aldurshópurinn var breiður;  ,, yngsti þátttakandinn Viktor Aron var sjö en elsti 70 árum eldri eða 77 ára. Næsta ganga er sunnudaginn 17. janúar en skráningu lýkur 20. janúar. ,, Á Helgaf"elli hrópuðum við fimmfallt húrra fyrir fjallinu og töldum upp í 52 og niður aftur en í verkefninu ætlum við að ganga á 52 fjöll og nú eru bara 51 eftir,"   Sjá myndir

Árleg nýársganga Hornstrandaafara Ferðafélags Íslands veður farin 17. jánúar nk.

Ólafur Örn Haraldsson forseti Ferðafélags Íslands hefur verið ráðinn í starf framkvæmdastjóra Þingvallanefndar og þjóðgarðsvarðar á Þingvöllum. Þetta var samþykkt einróma á fundi Þingvallanefndar í gær samkvæmt tilkynningu frá nefndinni. 78 manns sóttu um starfið. Ólafur lauk um síðastliðin áramót störfum sem verkefnisstjóri þjónustumiðstöðvar vegna jarðskjálfta á Suðurlandi og jarðskjálftasjóðs.

Á morgun sunnudaginn 10. janúar verður gengið á Helgafell ofan Hafnarfjarðar í verkefinu ,,Eitt fjall á viku." Lagt er af stað frá bílastæðinu við Kaldársel kl. 11.00.  Þegar ekið er á leið út úr Hafnarfjarðarbæ til Keflavíkur er skilti merkt Kaldársel sem vísar veginn og er ekið framhjá hesthúsahverfi Hafnarfjarðar áleiðis að Helgafelli en annað skilti merkt Kaldárseli vísar veginn.  Gera má ráð fyrir 20 - 30 mínútum í akstur úr Reykjavík að Kaldárseli.   Lagt er af stað í gönguna stundvíslega kl. 11.  Áætlaður göngutími á fjallið og til baka að bílastæði eru tæpir tveir tímar.  Mætið vel búin, í góðum gönguskóm og útivistarfatnaði, með húfu og vettlinga.  Gott er að hafa bakpoka með nestisbita og drykk.  Ferðafélagið gefur kost á tveimur prufugöngum í verkefninu en staðfesta þarf þátttöku með greiðslu fyrir 20. janúar.  Þeir sem vilja sameinast í bíla geta hist í Mörkinni 6 kl. 10.30 eða við bensínstöð N - 1 í Hafnarfirði  við ´Reykjanesbraut kl. 10.45

Hér má finna upplýsingar um verkefnið ,,Eitt fjall á viku".  Föstudaginn 8. janúar opnar linkur á heimasíðu FÍ með öllum upplýsingum verkefnið, fjöllin 52, dagssetningar og tíma, brottfararstaði, búnað ofl. 

Linkurinn verður www.fi.is/eittfjall og opnar kl. 14 9. janúar.

Hátt í 500 manns mættu á kynningu Ferðafélags Íslands í kvöld þegar verkefnið ,,Eitt fjall á viku" var kynnt.  Aldrei hafa fleiri verið samankomnir í sal félagsins sem tekur 320 manns í sæti en salurinn var yfirfullur af áhugasömu fjallafólki. Þegar hafa á annað hundrað manns skráð sig í verkefnið en fyrsta gangan í verkefninu þar sem gengið verður á eitt fjall í viku, allt árið 2010, alls 52 fjöll, verður nk sunnudag, þegar gengið verður á Helgafell.  Skráningartími í verkefnið er til 20. janúar en gefinn er kostur á að mæta í tvær fjallgöngur til prufu, en eftir það þarf að staðfesta þátttöku með greiðslu.

Hin árlega þrettándagleði Grafarvogsbúa verður haldin miðvikudaginn 6. janúar.  Ferðafélag barnanna mætir á svæðið og tekur þátt í dagskránni sem er eftirfarandi:  kl. 17: kakó- og kyndlasala í Hlöðunni, skólahljómsveit Grafarvogs leikur létt lög. kl. 17.30 Blysför undirbúin við Hlöðuna; álfakóngur, Grýla, jólasveinar og aðrar kynjaverur sjá um að kveikja í brennunni. kl. 18. Gengið aftur niður að Hlöðunni þar sem verður fjöldasöngur og önnur skemmtilegheit. Fólk er hvatt til að taka með sér restar af flugeldum og skjóta upp á sérmerktu svæði.  Bílastæði við Gylfaflöt og Bæjarflöt.

Ferðafélag Íslands hefur hrundið af stað verkefninu ,,Eitt fjall á viku" en í verkefninu verður gengið á eitt fjall á viku allt árið 2010 og því samtals 52 fjöll á árinu. Meðal annars verður gengið á öll fjöll í nágrenni Reykjavíkur en einnig verður gengið á fjöll víða um land. ,,Við viljum með þessu hvetja fólk til að hreyfa sig og stunda útiveru og fjallamennsku en fjallgöngur eru ein allra besta likamsrækt sem völ er á," segir Páll Guðmundsson framkvæmdastjóri FÍ sem verður fararstjóri í öllum ferðunum 52.  ,,Hugmyndin er komin frá konu minni Auði Kjartansdóttur sem var að hvetja mig til að hreyfa mig meira og relgulegar.  Við göngum á bæði létt fjöll en einnig á sum af stærri fjöllum landsins og má nefna sem dæmi að við göngum t.d. á Helgafell, Úlfarsfell og Grímarsfell en einnig á Heklu, Snæfellsjökul og Hvannadalshnúk. Undirbúningsfundur fyrir verkefnið verður haldinn fimmtudaginn 7. janúar kl. 20 í sal FÍ Mörkinni 6 og fyrsta fjallgangan verður sunnudaginn 10. janúar en þá verður gengið á Helgafell.