Ferðafélag Íslands

Fjölskyldugöngur á fellin í Mosfellsbæ

Thu, 02 Apr 2026 10:12:00 +0000

Mosfellsbær og Ferðafélag Íslands standa fyrir fjölskyldugöngum á fellin í Mosfellsbæ alla þriðjudaga í apríl og fyrstu þrjá þriðjudagana í maí.

Ferðafélag Íslands 100 ára 2027 - afmælistilboð á Rab jökkum og peysum.

Wed, 25 Mar 2026 15:59:00 +0000

Ferðafélag Íslands fagnar 100 ára afmæli á næsta ári, árið 2027. Á afmælisárinu gefst félagsfólki kostur á að kaupa Rab útivistarjakka og peysur á sérstöku afmælistilboði.

FÍ 100 ára 2027

Tue, 24 Mar 2026 12:31:00 +0000

Ferðafélag Íslands fagnar 100 ára afmæli félagsins á næsta ári, árið 2027 en félagið var stofnað 27. nóvember 1927. Afmælisnefnd hefur verið að störfum frá apríl 2026 og unnið að undirbúningi fyrir afmælisárið. Lagt er upp með að vinna með allt afmælisárið 2027 og það verði einn viðburður í hverjum mánuði, auk þess sem ferðir og skálar og starfsemin almennt verði tengd afmælisárinu. Afmælisnefnd vill nú leita til félagsfólks eftir góðum hugmyndum að viðburðum á afmælisárinu. Hægt er að senda tillögu á netfangið afmaeli@fi.is

Lóðaleigusamningar og nýr Skagfjörðsskáli

Fri, 20 Mar 2026 19:46:00 +0000

Í ársskýrslu Ferðafélags Íslands fyrir árið 2025, sem Ólöf Kristín Sívertsen forseti FÍ flutti á aðalfundi 18. mars sl., kom fram að starfsemi félagsins er mjög umfangsmikil og mikið og gott starf unnið á öllum kjörsviðum félagsins. Ólöf Kristín þakkaði öllum þeim fjölmörgu sem hafa lagt starfi Ferðafélagsins lið með einum eða öðrum hætti. Sérstaklega þakkaði hún öllum sjálfboðaliðum sem í grunninn hafa með vinnu sinni til áratuga, byggt upp sterka stöðu félagsins. Ólöf kom víða við í ársskýrslu félagsins. Meðal annars greindi hún frá stöðu mála varðandi nýjan Skagfjörðsskála og sagði frá lóðaleigusamningum sem gerðir hafa verið fyrir lóðir í Langadal, Húsadal og Emstrum og undirritaðir af Rangárþingi eystra, Forsætisráðuneytinu og FÍ nú fyrir skömmu. Lóðaleigusamningar og nýr Skagfjörðsskáli ,,Stærsta verkefni félagsins um þessar mundir er endurnýjun og endurbygging Skagfjörðsskála í Langadal. Vinna við undirbúning verkefnisins hefur staðið síðastliðin ár en stjórn ákvað að ganga ekki frá samningum um byggingu skálans fyrr en lóðaleigusamningar væru í höfn. Því er mér það bæði ljúft og skylt að upplýsa ykkur um að núna í febrúar sl. var loks gengið frá og skrifað undir lóðaleigusamninga milli Ferðafélagsins, Rangárþings eystra og Forsætisráðuneytisins. Samningarnir taka til allra þeirra lóða sem Ferðafélagið hefur haft til umráða í Langadal, Húsadal og Emstrum og óhætt er að fullyrða að þetta sé einn af stóru sigrunum í sögu félagsins. Við getum sannarlega verið stolt og þakklát fyrir það að vera treyst fyrir þessum helstu perlum íslenskrar náttúru“, sagði Ólöf og hélt áfram: ,,Þessu til viðbótar þá urðu þau miklu tíðindi í síðustu viku að undirritaður var annar mjög mikilvægur samningur, samningur við SG hús um uppbyggingu nýs Skagfjörðsskála. Samkvæmt verkáætlun er stefnt að því að nýi skálinn verði vígður þann 17. júní 2027 eða á 100 ára afmælisári félagsins. Skálinn verður byggður á grunni þess gamla sem verður rifinn. Nýi skálinn verður með sama útliti og sá eldri en innra skipulag hefur verið uppfært með betra eldhúsi, stærri matsal, meira útsýni og salerni í skálanum. Ef allt gengur upp varðandi leyfismál og samninga verður hafist handa við að rífa gamla skálann núna í haust enda verður þá bygging nýs skála vel á veg komin í byggð. Nýr skáli verður fluttur í sex einingum í Langadal og einingarnar settar saman á skömmum tíma. Þannig næst að loka skálanum en veturinn verður síðan nýttur til vinnu innandyra til að hann verði tilbúinn sumarið 2027, " sagði Ólöf Krístín þegar hún fór yfir ársskýrslu félagsins á aðalfundinum .

Ólöf Krístín Sívertsen endurkjörin forseti Ferðafélags Íslands

Fri, 20 Mar 2026 09:27:00 +0000

Á aðalfundi Ferðafélags Íslands í gærkvöldi var Ólöf Kristín Sívertsen endurkjörin forseti FÍ til næstu þriggja ára. Auk Ólafar voru Salvör Nordal og Tómas Guðbjartsson endurkjörin í stjórn til þriggja ára. Í skýrslu stjórnar sem forseti flutti kom fram að starf Ferðafélags Íslands á árinu 2025 gekk mjög vel og var umfangsmikið á öllum kjörsviðum félagsins. ,, Hlutverk félagsins er að kynna land og náttúru fyrir landsmönnum, greiða götu þeirra og efla lýðheilsu á allan hátt. Það gerum við meðal annars með því að byggja upp fjallaskála og gönguleiðir, standa fyrir fræðslu- og útgáfustarfi, merkingum, vinna að öryggismálum ferðafólks og stuðla að náttúruvernd, “ segir Ólöf Kristín Sívertsen.

Fræðslukvöld FÍ - undirbúningur ferða.

Fri, 06 Mar 2026 09:15:00 +0000

Mánudaginn 16 mars kl 20 mun Haukur Eggertsson halda fyrirlestur um gagnlegar upplýsingar á internetinu við undirbúning ferða. Fyrirlesturinn verður í sal FÍ Mörkinni 6.

Aðalfundur Ferðafélags Íslands 18. mars

Mon, 02 Mar 2026 11:41:00 +0000

Aðalfundur Ferðafélags Íslands verður haldinn miðvikudaginn 18. mars kl. 20 í sal FÍ Mörkinni 6.

Fornminjar á Njáluslóð

Mon, 02 Feb 2026 13:33:00 +0000

Fimmtudaginn 11. febrúar kl. 20 verður Árni Einarsson líf- og fornleifafræðingur með erindi í sal Ferðafélags Íslands, í Mörkinni 6.

Fyrstu ferðir ársins farnar hjá Ferðafélagi Íslands

Mon, 19 Jan 2026 12:30:00 +0000

Vetrarstarf Ferðafélags Íslands er komið af stað og fyrstu ferðir ársins hafa þegar farið fram með góðri þátttöku. Fyrstu ferðir ársins voru Prjónagangan og Borgargangan, þar sem 94 manns tóku þátt í Borgargöngunni með Pétri Ármanni Ár...

Fræðslukvöld FÍ - Byggð á lifandi svæði

Wed, 14 Jan 2026 13:21:00 +0000

Fræðslukvöld Ferðafélags Íslands verður haldið miðvikudaginn 21. janúar kl. 20 í Risinu Mörkinni 6.

Gleðileg Jól og farsælt komandi ár

Mon, 22 Dec 2025 08:25:00 +0000

Ferðafélag Íslands sendir öllum ferðafélögum sem og landsmönnum öllum, sjálfboðaliðum, fararstjórum, skálavörðum, samstarfsaðilum, vinum og velunnurum bestu óskir um gleðlileg jól og farsælt komandi ár.

Ótrúlega fjölbreyttar ferðir í nýrri áætlun

Thu, 11 Dec 2025 13:46:00 +0000

Ferðafélag Íslands verður 99 ára á næsta ári og ferðirnar í boði þessa rótgróna félags eldast býsna vel eins og félagið sjálft. Það er óvenjumikil gróska í starfi FÍ þessa dagana og fáir sjá breytingarnar jafnskýrt og Tómas Guðbjartsson

Með landið að láni - göngum áfram með FÍ

Fri, 05 Dec 2025 12:24:00 +0000

„Þvílíkt útýni. Að standa hérna á Geirólfsgnúpi minnir okkur hreinlega á hvers vegna Ferðafélag Íslands varð til. FÍ var alltaf ætlað að leiða okkur að mögnuðum stöðum eins og þessum og samtímis því að varða leiðina að okkur sjálfum.”

Ferðaáætlun 2026

Tue, 02 Dec 2025 10:25:00 +0000

Ferðaáætlun Ferðafélags Íslands verður birt hér á heimasíðu félagsins föstudaginn 5. desember.

Gjafabréf - ferðir - bókapakkar - aðild að ævintýrum og upplifun.

Wed, 26 Nov 2025 10:01:00 +0000

Á skrifstofu FÍ Mörkinni 6 má nú finna mikið úrval af bókapökkum sem er frábær jólagjöf ferðafélagans. T.d. má nefna bókapakka eins og Vestfirðingurinn, Flakkarinn Jarðfræðingurinn , Dalamaðurinn, Útilegumaðurinn og Hálendingurinn svo eitthvað sé nefnt. Einnig eru til fræðslurit, gönguleiðarit og kort. Um leið er hægt að kaupa gjafabréf FÍ sem gildir í ferðir eða fjallaverkefni og aðild að félaginu er frábær jólagjöf og er allt í senn gjöf sem stuðlar að bættri heilsu, góðum félagsskap, ævintýrum og upplifun.

Framhaldsnámskeið í gítarleik hjá FÍ - 4 vikna námskeið - 15. janúar

Tue, 25 Nov 2025 11:45:00 +0000

Taktu gítarleikinn á næsta stig! Þetta 4 vikna framhaldsnámskeið er hannað fyrir þig sem hefur lokið grunnnámskeiði eða kannt helstu grunnhljómana.

Ný bók um Laugaveginn og Fimmvörðuháls á ensku

Sun, 23 Nov 2025 14:33:00 +0000

Ferðafélag Íslands hefur gefið út nýja bók, þýðingu á hluta árbókar 2021 um Laugaveginn, yfir á ensku.

Fjallamennska – öryggisreglur

Fri, 21 Nov 2025 10:47:00 +0000

Fleiri og fleiri stunda nú fjallamennsku allt árið um kring. Í fjallamennsku er mikilvægt að huga vel að öryggismálum, búnaði og undirbúningi. Ferðafélag Íslands hefur tekið saman helstu atriði sem skipta máli þegar fólk stundar fjallamennsku og útivist.

Ferðafélag Íslands í Vakanum

Thu, 13 Nov 2025 10:07:00 +0000

Ferðafélag Íslands innleiddi Vakann, gæða- og umhverfisvottun Ferðamálastofu í sitt starf árið 2017. Síðan þá hefur félagið farið í reglubundna úttekt á starfinu hjá þriðja aðila og nýlega var lokið við eina slíka úttekt sem gekk mjög vel.

Hornbjargsvitakvöld

Wed, 12 Nov 2025 13:14:00 +0000

Fimmtudagskvöldið 13.nóvember kl. 20 verður haldið Hornbjargsvitakvöld í sal Ferðafélags Íslands, Mörkinni 6.