Fimmvörðuháls / Baldvinsskáli

Smellið á bláa hnappinn hér uppi til hægri til að bóka skálagistingu.

Baldvinsskáli á Fimmvörðuhálsi er A laga sæluhús. Gengið er inn í anddyri og þaðan inn í lítinn matsal/eldhús. Á efri hæð hússins er svefnloft þar sem 16 manns geta sofið. Einfaldur kamar stendur skammt frá skálanum.  Nú er komið rennandi vatn í Baldvinsskála á Fimmvörðuhálsi. Ferðafélagið hefur í mörg ár unnið að því að koma vatni á í Baldvinsskála og eftir fjölmargar rannsóknar- og vettvangsferðir, mælingar og verkfræðilegar vangaveltur þá er rennandi vatn komið á í Baldvinsskála.

Gönguleiðin yfir Fimmvörðuháls er ein vinsælasta gönguleið landsins en veðrið á hálsinum er oft óútreiknanlegt og ótryggt og nauðsynlegt að hafa í einhver hús að leita á leiðinni. Fyrsta sæluhúsið var reist á þessum stað árið 1974 og var húsinu valin staðsetning miðað við reynslu gangna- og leitarmanna á því hvar mesta þörfin væri á skjólshúsi.