Árið 2024 er ellefta ár FÍ Alla leið. Við höldum okkur við þær ferðir sem í gegnum tíðina hafa vakið mesta lukku eða verið einstaklega minnisstæðar fyrir þátttakendur. Megin markmið gönguhópsins er að undirbúa þátttakendur undir langa og krefjandi jöklagöngu að vori. Hópurinn hentar þeim sem hafa reynslu af fjallgöngum. Undirbúningurinn er í grunninn þríþættur: að byggja upp þrek og styrk með stigmagnandi hætti, að læra að ferðast, nærast og búa sig á fjöllum með öruggum hætti og að öðlast þá tækni sem þarf til að ferðast um jökla eða fjöll í vetraraðstæðum. Myndir úr verkefninu.
Dagskránni líkur með göngu á einn af hæstu tindum landsins, og geta þátttakendur valið einn af eftirfarandi tindum: Þverártindsegg 27. apríl, Eyjafjallajökull 4. maí, Sveinstindur 9. maí, Hrútsfjallstindar 18. maí, Hvannadalshnúkur 25. maí eða Birnudalstindur 15. júní. Ef illa viðrar á uppgöngudaginn er sunnudagur eða fl. dagar til vara.
Verð: 89.900, FÍ Alla leið vor, árgjald FÍ 2024 innifalið í verði. Verð: 129.900, FÍ Alla leið vor og FÍ Alla leið haust, árgjald FÍ 2024 innifalið í verði.
Allir þátttakendur þurfa að greiða árgjald 2024 til að taka þátt í verkefninu og makar/sambýlisfólk greiða fjölskylduaðild, hálft árgjald.
Kynninga- /Upplýsingafundur verður haldinn á Teams. Fimmtudaginn, 11.janúar. Kl.20
Ekki er hægt að færa til skráningu á tind eftir að henni lýkur þann 5. apríl.
Dags.
Einn af sex valmöguleikum
Km/hækkun
27. apr
Þverártindsegg ** /**
16 km / 1700m
5. maí
Eyjafjallajökull */***
18 km / 1800m
9. maí
Sveinstindur ** /***
25 km / 2100m
18. maí
Hrútsfjallstindar ** /***
26 km / 2000m
25. maí
Hvannadalshnúkur ** /***
24 km / 2100m
15. jún
Birnudalstindur ** /***
24 km / 1700m
* Rúta sem greiðist aukalega ** Gisting sem greiðist aukalega *** Jöklabúnaður nauðsynlegur **** í samráði við almannavarnir
Ferðafélag Íslands áskilur sér rétt til að breyta, fresta eða endurskipuleggja dagskrá fjallaverkefna félagsins vegna sóttvarnarfyrirmæla eða annarra óviðráðanlegra aðstæðna, svo og ef ekki fæst næg þátttaka
Afbókunarskilmálar fyrir fjalla-og hreyfiverkefni: Afbókun eftir að verkefni er hafið: Engin endurgreiðsla.
Tryggingar: Ferðafélag Íslands tryggir hvorki farþega sína né farangur þeirra. Farþegar ferðast með félaginu á eigin ábyrgð. Félagið hvetur fólk til að kaupa ferða- og slysatryggingar fyrir ferðir.
Birting myndefnis: Þátttakendur í ferðum og námskeiðum FÍ samþykkja með þátttöku sinni að félaginu sé heimilt að taka myndir eða myndbönd af þátttakendum og nota í birtingu á heimasíðu, samfélagsmiðlum og prentmiðlum. Þátttakandi getur ávallt hafnað birtingu myndefnis af sér með því að senda póst á fi@fi.is.
