Fararstjóri

Guðmundur ólst upp við útiveru og fjallaloft á snæfellsku sveitaheimili og gengur minnst einu sinni á ári á bæjarfjallið Skyrtunnu. Hann hefur verið fararstjóri hjá Ferðafélaginu frá september 2020 og hefur verið umsjónarmaður FÍ Alpahópsins 2024. 

Guðmundur útskrifaðist úr Háskóla Íslands með BA gráðu í hagfræði og sagnfræði og fór síðar í MPA nám í opinberri stjórnsýslu með umhverfisstjórnun sem kjörsvið. Eftir stutt stopp í blaðamennsku stofnaði hann fríblað/götublað ætlað ungu fólki og gaf út fram að hruni og eftir það tóku við ýmis konar verkefni tengd blaðaútgáfu. Þar á meðal var hann auglýsingastjóri hjá The Reykjavík Grapevine og útgáfustjóri hjá Sambandi íslenskra framhaldsskólanema. Hann hefur einnig starfað sem landvörður. Hann starfar í dag við skipulags- og byggingarmál hjá Grundarfjarðarbæ.

Guðmundur er undanfari hjá Flugbjörgunarsveitinni í Reykjavík og er einnig á útkallsskrá hjá tveimur björgunarsveitum á Snæfellsnesi. Hann hefur lokið fagnámskeiðum hjá Björgunarskóla landsbjargar í fjallamennsku, fjallabjörgun og snjóflóðum, og einnig vettvangshjálp í óbyggðum. Hann er með lágmarksréttindi í jöklaleiðsögn frá AIMG.

Ómissandi í bakpokann

Ostur, snickers og harðfiskur

Leiksvæði

Snæfellsnes og Hornstrandir