Fararstjóri

Örlygur Steinn Sigurjónsson hefur annast fararstjórn fyrir Ferðafélag Íslands frá árinu 2005 en hann kynntist á unglingsaldri fjallamennsku og útiveru í gegnum Ferðafélagið og síðar Íslenska alpaklúbbinn.

Örlygur er útskrifaður gönguleiðsögumaður frá Leiðsöguskóla Íslands. Hann hefur þar að auki sótt námskeið í leiðsögn hjá innlendum sem erlendum aðilum. Auk gönguferða, eru fjallahjólaferðir og kayakútilegur líka ofarlega á lista yfir skemmtilegar athafnir hans. Hann hefur annast FÍ ferðir á Hvannadalshnúk í áratug, auk ferða á nágrannatinda Hnúksins.

Örlygur er blaðamaður og kennari að mennt og hefur sinnt hvorutveggja um árabil auk þess að starfa sem stuðningsfulltrúi með fötluðum börnum.

Ómissandi í bakpokann

Vasahnífur og súkkulaði.

Uppáhalds leiksvæði

Snæfellsnes. Þar finnur hjóla-, göngu- og kayakfólk margt sem hugurinn girnist.