Stapagata - Prjónaganga
- Lýsing
Ein prjóngaganga í mánuði fram í apríl
Í annarri prjónagöngunni munum við ganga hluta af Stapagötunni.
Stapagatan er gömul þjóðleið sem liggur ofan við Stapann á milli Voga og Innri-Njarðvíkur.
Ganga: 8 km, hækkun: 100mGistiheimilið Raven býður upp á heitt súkkulaði og piparkökur í lok göngu.
Fyrstu tvær göngurnar eru ókeypis og eru allir velkomnir en nauðsynlegt er að skrá sig
Skráning i gönguMæting: Hjá hringtorginu á Reykjanesbraut við afleggjarann að Grindavíkurvegi, sjá hér
- Fararstjórn
Ingibjörg Jónsdóttir og Hildur Björk Guðmundsdóttir
Búnaður
Pakkað fyrir dagsferð
Dagsferðir eru mismunandi og geta tekið frá örfáum klukkustundum upp í hálfan sólarhring. Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.
Göngufatnaður
- Góðir gönguskór og mjúkir göngusokkar
- Nærföt, ull eða flís, eftir veðri
- Peysa úr ull eða flís
- Göngubuxur / stuttbuxur
Í dagpokanum
- Bakpokahlíf / plastpoki inni í bakpokanum
- Áttaviti, landakort og GPS tæki
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Vatnsbrúsi
- Hitabrúsi með kakói, tei eða kaffi
- Göngustafir
- Myndavél og kíkir
- Sólgleraugu / skíðagleraugu
- Sólarvörn og varasalvi
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír
- Húfa, vettlingar og buff um hálsinn
- Vind- og vatnsþéttur hlífðarfatnaður
- Legghlífar, vaðskór og broddar, ef þurfa þykir
Um prjónagöngur
Langar þig að koma út að ganga með prjónana í bakpokanum?
Þá eru þetta göngur fyrir þig.
Við ætlum að fara eina létta prjónagöngu í mánuði á höfuðborgasvæðinu og í nágrenni þess fram í apríl.
Hvetjum alla sem hafa þetta áhugamál að koma og taka þátt og einnig þá sem hafa áhuga að læra að prjóna.
Gott að vita
Fyrstu mánuðina leggjum við áherslu á að geta sest inn á kaffihús í lok göngunnar með prjónana. Að sjálfsögðu ætlum við ef veður leyfir að setjast niður í göngunum og prjóna en eigum þá alltaf kaffihúsið í bakhöndinni ef aðstæður bjóða ekki upp á að prjóna úti. Kaffihús mánaðarins: Gistiheimilið Raven
Klæðum okkur eftir veðri, góða gönguskó, keðjubrodda, höfuðljós og að sjálfsögðu eru prjónarnir teknir með. Gott er að hafa heitt á brúsa og smá nasl með í bakpokanum.
