Ferð: Á Ströndum með gleði í hjarta

+14 myndir
Ert þú félagsmaður í FÍ Já Nei
Strandir

Á Ströndum með gleði í hjarta

Lýsing

Frískandi göngudagar í einu fámennasta sveitarfélag landsins Árneshrepp á Ströndum. Gist er í skála Ferðafélags Íslands að Valgeirsstöðum í þrjár nætur. Í þessari gönguferð verður gengið á Urðartind, Reykjaneshyrnu og Glissu. Fossar skoðaðir, farið í sund, sjósund, rólegar jógaæfingar og slökun. 

Brottför/Mæting
Fyrir kl. 14 á einkabílum að Valgeirsstöðum í Norðurfirði
Fararstjórn

Agnes Ósk Sigmundardóttir og Steinunn Leifsdóttir

Innifalið
Gisting, sund og farastjórn. 

Búnaður

Pakkað fyrir trússferð eða bækistöðvarferð

Í trússaðri ferð er farangur fluttur á milli náttstaða svo aðeins þarf að bera nauðsynlegan búnað fyrir einn dag í einu í léttum dagpoka. Mat, svefnpoka og tilheyrandi er pakkað ofan í trússtösku og flutt í náttstað, sem getur ýmist verið tjaldstæði eða skáli.

Þó að ekki þurfi í trússferðum að skera allan útbúnað niður eins og þegar gengið er með allt á bakinu þá er nauðsynlegt að pakka naumt. Oftast er takmarkað pláss í trússbílum og bátum og pökkun þarf að taka mið af því.

Bækistöðvaferð er svipuð trússferðum en þá er gengið með dagpoka út frá sama náttstað allan tímann, tjaldi eða skála. Í bækistöðvaferðum er farangur ekki trússaður á milli náttstaða og hægt að vera enn frjálslegri í pökkun en í trússferðunum.

Athugið að listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar og hvort sofið er í skála eða tjaldi. Ef gengið er á milli skála eða dvalið í skála, þá má þar oftast finna eldunaraðstöðu og matarílát auk salernis eða kamars með klósettpappír.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir

Í trússtöskunni

  • Svefnpoki og lítill koddi
  • Bolur til skiptana og til að sofa í
  • Auka nærbuxur og sokkar
  • Höfuðljós
  • Tannbursti og tannkrem
  • Sápa / sjampó
  • Lítið handklæði
  • Eyrnatappar
  • Skálaskór
  • Peningar
  • Núðlur eða pasta í pokum
  • Pulsur eða foreldaðar kjúklingabringur
  • Eitthvað gott á grillið
  • Kol og uppkveikilögur
  • Haframjöl
  • Brauð og flatkökur
  • Smjör og álegg, svo sem ostur, kæfa, hangikjöt
  • Hrökkbrauð og kex
  • Þurrkaðir ávextir, súkkulaði og hnetur
  • Kakó, te og/eða kaffi
  • Súpur
  • Krydd, t.d. salt og pipar

Ef sofið er í tjaldi þarf að auki í trússtöskuna

  • Tjald og tjalddýna
  • Prímus og eldsneyti
  • Eldspýtur
  • Pottur
  • Hitabrúsi og drykkjarbrúsi
  • Diskur og drykkjarmál
  • Hnífapör
  • Vasahnífur / skæri
  • Viðgerðasett, nál og tvinni, snæri og klemmur

Fróðleikur

                                    

Leiðarlýsing

1.d., fimmtud. Þátttakendur koma sér fyrir í skála. Gengið á Urðartind og Töflu.   

Kvöldstund með Cacao bolla og hugleiðslu. Ganga: 5 km. Hækkun: 400 m. Göngutími: 4. klst.  

2.d. Keyrt í Ófeigsfjörð og gengið á Svartahnjúk (369 m) þar sem er mjög víðsýnt , bæði norður og vestur yfir. Þaðan er haldið áfram á og Hádegisfjall  niður að Runkugili. Eftir góða göngu verður komið við í hinni frábæru Krossaneslaug. Fyrir þá sem það kjósa er hægt að dýfa sér í sjóinn áður en farið er í hlýja laugina. Slökun og jóga um kvöldið. Ganga: 15 km. 

3.d. Frá Veiðileysu um Kamb að Reykjafirði. Þessi leið liggur að mestu með sjó og hækkun með minnsta móti.  Ef tími gefst verður kíkt á Gjögur. Jóga um kvöldið. 
Ganga: 18 km. Hækkun um 200 m. 

4.d. Byrjum daginn á morgunjóga áður en við pökkum saman. Göngum á Reykjaneshyrnu. Keyrum í Djúpuvík, heimsækjum gömlu síldarverksmiðjuna og fræðumst um lífið sem var á Ströndum þegar firðirnir iðuðu af silfri hafsins.  
Kveðjustund og ferðalok  

Fleiri ferðir á Strandir sumarið 2025