Fjöruferð í Reykjavík
- Lýsing
Við skoðum ýmsar lífverur fjörunnar, grúskum og leitum að kröbbum og öðrum smádýrum, greinum þörunga og fleira, í skemmtilegri fjöruferð í Gróttu, þar sem er fjölbreytt dýra-, fugla- og plöntulíf.
Jóhann Óli Hilmarsson fuglafræðingur og fjörulalli með meiru mun leiða gönguna. Með honum verða Gísli Már Gíslason,
skordýrafræðingur og prófessor í líffræði við HÍ, Ólafur Patrick Ólafsson háskólakennari og fjöldi líffræðinema við HÍ.Gott er að mæta vel klædd, í stígvélum og með fötur eða glær ílát til að safna hinum ýmsu lífverum. Ekki gleyma nesti. 2-3 klst.
Verið öll velkomin, þátttaka ókeypis. Ekkert að panta, bara mæta!
- Brottför/Mæting
- Kl. 12 við bílastæði við Gróttu, yst á Seltjarnarnesi.
Búnaður
Pakkað fyrir dagsferð
Dagsferðir eru mismunandi og geta tekið frá örfáum klukkustundum upp í hálfan sólarhring. Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.
Göngufatnaður
- Góðir gönguskór og mjúkir göngusokkar
- Nærföt, ull eða flís, eftir veðri
- Peysa úr ull eða flís
- Göngubuxur / stuttbuxur
Í dagpokanum
- Bakpokahlíf / plastpoki inni í bakpokanum
- Áttaviti, landakort og GPS tæki
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Vatnsbrúsi
- Hitabrúsi með kakói, tei eða kaffi
- Höfuðljós
- Göngustafir
- Myndavél og kíkir
- Sólgleraugu / skíðagleraugu
- Sólarvörn og varasalvi
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír
- Húfa, vettlingar og buff um hálsinn
- Vind- og vatnsþéttur hlífðarfatnaður
- Legghlífar, vaðskór og broddar, ef þurfa þykir
Með fróðleik í fararnesti
- 17. maí, Fuglaskoðun
- 11. júní. Pöddulíf í Elliðaárdal.
- 21. ágúst. Sveppasöfnun í Heiðmörk.
- 26. september. Stjörnur og norðurljós
- 5. október. Haustlitaferð í Búrfellsgjá
Nánari upplýsingar síðar á Fésbók og heimasíðu FÍ og HÍ.
"Með fróðleik í fararnesti,“ verkefni Ferðafélags Íslands og Háskóla Íslands sem hlaut vísindaverðlaun Rannís 2023
