Helgafell
- Lýsing
Önnur unglinga-gangan er á Helgafell í Hafnarfirði. Helgafellið er 340 metra hátt en áætluð hækkun á göngu er um 250 metrar og vegalengd um 5 km. Lagt er af stað frá bílastæði við Kaldársel (við endann á Kaldárselsvegi) kl. 18 og áætlað er að gangan taki um 3 klst. Tilvalið er að taka með sér nesti sem hægt er að gæða sér á á toppnum.
- Brottför/Mæting
- Kl. 18:00 frá bílastæðinu við Kaldársel
- Fararstjórn
- Innifalið
- Fararstjórn
Búnaður
Pakkað fyrir dagsferð
Dagsferðir eru mismunandi og geta tekið frá örfáum klukkustundum upp í hálfan sólarhring. Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.
Göngufatnaður
- Góðir gönguskór og mjúkir göngusokkar
- Nærföt, ull eða flís, eftir veðri
- Peysa úr ull eða flís
- Göngubuxur / stuttbuxur
Í dagpokanum
- Bakpokahlíf / plastpoki inni í bakpokanum
- Áttaviti, landakort og GPS tæki
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Vatnsbrúsi
- Hitabrúsi með kakói, tei eða kaffi
- Höfuðljós
- Göngustafir
- Myndavél og kíkir
- Sólgleraugu / skíðagleraugu
- Sólarvörn og varasalvi
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír
- Húfa, vettlingar og buff um hálsinn
- Vind- og vatnsþéttur hlífðarfatnaður
- Legghlífar, vaðskór og broddar, ef þurfa þykir
Um ferðirnar
Gönguferðir fyrir 13 ára og eldri þar sem áhersla er á að njóta útverunnar á meðan gengið er í félagsskap annarra unglinga. Með því móti gefst tækifæri á aðra nálgun en þegar gengið er með yngri börnum. Tækifæri til að hitta aðra unglinga sem hafa áhuga á útivist.
Allar FÍ Unglingaferðir:
12. apríl - Mosfell
2. maí - Helgafell
22. maí - Reykjadalur
Fyrir félaga FÍ og fjölskyldur þeirra. Ekkert að panta, bara að mæta
