Ferð: Hjólaferð: Umhverfis Heklu

Ert þú félagsmaður í FÍ Já Nei

Hálendið

Hjólaferð: Umhverfis Heklu

Hjólaferð

Lýsing: Þessi ferð er fyrir þá sem vilja njóta náttúru og umhverfis í hjólaferð á hæfilegum hraða og frekar léttum hjólaleiðum. Nauðsynlegt að vera á fjallahjólum.

Rafhjól eru velkomin en ferðin er farin á forsendum órafmagnaðra hjóla.

Hjólað er á þremur dögum um vegi og vegslóða sem liggja umhverfis Heklu og hinar miklu vikurbreiður og hraun. Komið við á merkum stöðum á leiðinni og áhersla lögð á áhrif eldgosa á byggðina í nágrenninu. Gist á Fossi og í Dalakofa. 
Brottför/Mæting: Kl. 10 við brúna á Ytri Rangá á Þingsskálavegi nr. 268 í Landsveit.
Fararstjórn: Örvar Aðalsteinsson
Innifalið: Gisting, trúss og fararstjórn.

Búnaður

Pakkað fyrir trússferð eða bækistöðvarferð

Í trússaðri ferð er farangur fluttur á milli náttstaða svo aðeins þarf að bera nauðsynlegan búnað fyrir einn dag í einu í léttum dagpoka. Mat, svefnpoka og tilheyrandi er pakkað ofan í trússtösku og flutt í náttstað, sem getur ýmist verið tjaldstæði eða skáli.

Þó að ekki þurfi í trússferðum að skera allan útbúnað niður eins og þegar gengið er með allt á bakinu þá er nauðsynlegt að pakka naumt. Oftast er takmarkað pláss í trússbílum og bátum og pökkun þarf að taka mið af því.

Bækistöðvaferð er svipuð trússferðum en þá er gengið með dagpoka út frá sama náttstað allan tímann, tjaldi eða skála. Í bækistöðvaferðum er farangur ekki trússaður á milli náttstaða og hægt að vera enn frjálslegri í pökkun en í trússferðunum.

Athugið að listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar og hvort sofið er í skála eða tjaldi. Ef gengið er á milli skála eða dvalið í skála, þá má þar oftast finna eldunaraðstöðu og matarílát auk salernis eða kamars með klósettpappír.

Göngufatnaður

Góðir gönguskór og mjúkir göngusokkar
Nærföt, ull eða flís, eftir veðri
Peysa úr ull eða flís
Göngubuxur / stuttbuxur

Í dagpokanum

Bakpokahlíf / plastpoki inni í bakpokanum
Áttaviti, landakort og GPS tæki
Smurt nesti fyrir daginn
Göngunasl svo sem þurrkaðir ávextir, súkkulaði og hnetur
Vatnsbrúsi
Hitabrúsi með kakói, tei eða kaffi
Göngustafir
Myndavél og kíkir
Sólgleraugu
Sólarvörn og varasalvi
Hælsærisplástur, plástur, teygjubindi og verkjalyf
Salernispappír, blautþurrkur og litlir plastpokar fyrir notaðan pappír
Húfa, vettlingar og buff um hálsinn
Vind- og vatnsþéttur hlífðarfatnaður
Legghlífar, vaðskór og broddar, ef þurfa þykir

Í trússtöskunni

Svefnpoki og lítill koddi
Bolur til skiptana og til að sofa í
Auka nærbuxur og sokkar
Höfuðljós
Tannbursti og tannkrem
Sápa / sjampó
Lítið handklæði
Eyrnatappar
Skálaskór
Peningar

Núðlur eða pasta í pokum
Pulsur eða foreldaðar kjúklingabringur
Eitthvað gott á grillið
Kol og uppkveikilögur
Haframjöl
Brauð og flatkökur
Smjör og álegg, svo sem ostur, kæfa, hangikjöt
Hrökkbrauð og kex
Þurrkaðir ávextir, súkkulaði og hnetur
Kakó, te og/eða kaffi
Súpur
Krydd, t.d. salt og pipar

Ef sofið er í tjaldi þarf að auki í trússtöskuna

Tjald og tjalddýna
Prímus og eldsneyti
Eldspýtur
Pottur
Hitabrúsi og drykkjarbrúsi
Diskur og drykkjarmál
Hnífapör
Vasahnífur / skæri
Viðgerðasett, nál og tvinni, snæri og klemmur

Fróðleikur

Leiðarlýsing

1.d., föstud. Leggjum af stað frá brúnni á Ytri Rangá ofarlega í Landsveit. Hjólum suður með hlíðum niður að Selsundi sem lúrir sunnan undir Heklu. Þaðan liggur einstaklega skemmileg leið að Gunnarsholti. Höldum þaðan inn að Keldum og að eyðibýlum norðan við Þríhyrning og áfram að Fossi við Eystri Rangá, þar sem við gistum. Hjólað: 56 km. 

2.d. Hjólum austur Syðra-Fjallabak og hækkum okkur smám saman áleiðis inn í Rangárbotna. Við Laufafell tökum við stefnu norður í skálann Dalakofa þar sem við gistum. Tökum krók að fallegum fossi í Markarfljóti. Hjólað: 40 km. 

3.d. Hjólum inn á Krakatindaleið og við Sléttafell sveigjum við niður á hraunin austan við Heklu. Fylgjum góðum slóðum að Rauðuskál sem er austan við uppgönguna á fjallið. Fylgjum Skjólkvíahrauninu vestur á Landmannaleið og Landveg og áleiðis að brúnni á ytri Rangá þar sem bílarnir bíða okkar. Hjólað: 52 km. 

Hjólað á malbiki, malarvegum og góðum fjallaslóðum. Farangur fluttur í skála og til baka í bíla.

Fleiri ferðir Hjólaferðir sumarið 2025