Ferðaskíði og tjald, í nágrenni Reykjavíkur

Lýsing

Í þessari tveggja daga skíðaferð verður gist í tjaldi í eina nótt og gengið á ferðaskíðum með púlku í eftirdragi sem geymir allan búnað til ferðarinnar. Skíðað um frekar slétt landslag. 
Þátttakendur þurfa að hafa reynslu af ferðaskíðum

Undirbúningur: 12. mars, kl. 20. Í risi FÍ Mörkinni 6.  Þar sem farið verður yfir hvaða útbúnað er best að nota í vetrarferðalögum á skíðum, hvernig á að tjalda í snjó, halda á sér hita og hvernig tjöld, dýnur og svefnpoka best er að nota.  Búnaðarlisti og leiðbeiningar vegna púlku og tjalds verður sendur til þátttakenda

Brottför/Mæting

kl. 09:00 á bílastæði í Bláfjöllum við skála Ullar.Hluti af bílunum selfluttir að Litlu Kaffistofunni.  Gengið er frá Bláfjöllum í Litlu Kaffistofuna.

Fararstjórn

Bergur Pálsson og Agnes Ósk Sigmundardóttir 

Innifalið

Fararstjórn

Búnaður

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

• Góðir gönguskór og mjúkir göngusokkar
• Nærföt, ull eða flís, eftir veðri
• Peysa úr ull eða flís
• Göngubuxur / stuttbuxur

Í dagpokanum

• Bakpokahlíf / plastpoki inni í bakpokanum
• Áttaviti, landakort og GPS tæki
• Smurt nesti fyrir daginn
• Göngunasl svo sem þurrkaðir ávextir, súkkulaði og hnetur
• Vatnsbrúsi
• Hitabrúsi með kakói, tei eða kaffi
• Höfuðljós
• Göngustafir
• Myndavél og kíkir
• Sólgleraugu / skíðagleraugu
• Sólarvörn og varasalvi
• Hælsærisplástur, plástur, teygjubindi og verkjalyf
• Salernispappír, blautþurrkur og litlir plastpokar fyrir notaðan pappír
• Húfa, vettlingar og buff um hálsinn
• Vind- og vatnsþéttur hlífðarfatnaður
• Legghlífar, vaðskór og broddar, ef þurfa þykir