Fossaganga á Gnúpverjaafrétti
- Lýsing
Gengið verður á Gnúpverjaafrétti, vestan Þjórsár, á miðhálendi Íslands. Þrír stórfossar Þjórsár í óbyggðum skoðaðir og auk þess fjöldi fossa í þverám hennar. Erfið tveggja skóga ferð þar sem gengið er um vel gróin svæði þar sem víðiskógur vex, finna má freðmýrarústir og talsvert er af heiðargæs. Gist í skála í Bjarnalækjarbotnum sem byggður var árið 1973, snyrtilegur, með svefnlofti og eldhúskrók. Við skálann er kamar og mjög vatnsmikil uppspretta þar sem Bjarnalækurinn sprettur upp um sprungu í berginu. Boðið verður upp á eina sameiginlega máltíð.
Náist ekki lágmarks þátttaka verður ferðin felld niður og endurgreidd að fullu.- Brottför/Mæting
- Kl. 8 með rútu frá Reykjavík.
- Fararstjórn
- Innifalið
- Gisting, kvöldmatur, rúta og fararstjórn.
Búnaður
Pakkað fyrir trússferð eða bækistöðvarferð
Í trússaðri ferð er farangur fluttur á milli náttstaða svo aðeins þarf að bera nauðsynlegan búnað fyrir einn dag í einu í léttum dagpoka. Mat, svefnpoka og tilheyrandi er pakkað ofan í trússtösku og flutt í náttstað, sem getur ýmist verið tjaldstæði eða skáli.
Þó að ekki þurfi í trússferðum að skera allan útbúnað niður eins og þegar gengið er með allt á bakinu þá er nauðsynlegt að pakka naumt. Oftast er takmarkað pláss í trússbílum og bátum og pökkun þarf að taka mið af því.
Bækistöðvaferð er svipuð trússferðum en þá er gengið með dagpoka út frá sama náttstað allan tímann, tjaldi eða skála. Í bækistöðvaferðum er farangur ekki trússaður á milli náttstaða og hægt að vera enn frjálslegri í pökkun en í trússferðunum.
Athugið að listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar og hvort sofið er í skála eða tjaldi. Ef gengið er á milli skála eða dvalið í skála, þá má þar oftast finna eldunaraðstöðu og matarílát auk salernis eða kamars með klósettpappír.
Göngufatnaður
- Góðir gönguskór og mjúkir göngusokkar
- Nærföt, ull eða flís, eftir veðri
- Peysa úr ull eða flís
- Göngubuxur / stuttbuxur
Í dagpokanum
- Bakpokahlíf / plastpoki inni í bakpokanum
- Áttaviti, landakort og GPS tæki
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Vatnsbrúsi
- Hitabrúsi með kakói, tei eða kaffi
- Göngustafir
- Myndavél og kíkir
- Sólgleraugu
- Sólarvörn og varasalvi
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír
- Húfa, vettlingar og buff um hálsinn
- Vind- og vatnsþéttur hlífðarfatnaður
- Legghlífar, vaðskór og broddar, ef þurfa þykir
Í trússtöskunni
- Svefnpoki og lítill koddi
- Bolur til skiptana og til að sofa í
- Auka nærbuxur og sokkar
- Höfuðljós
- Tannbursti og tannkrem
- Sápa / sjampó
- Lítið handklæði
- Eyrnatappar
- Skálaskór
- Peningar
- Núðlur eða pasta í pokum
- Pulsur eða foreldaðar kjúklingabringur
- Eitthvað gott á grillið
- Kol og uppkveikilögur
- Haframjöl
- Brauð og flatkökur
- Smjör og álegg, svo sem ostur, kæfa, hangikjöt
- Hrökkbrauð og kex
- Þurrkaðir ávextir, súkkulaði og hnetur
- Kakó, te og/eða kaffi
- Súpur
- Krydd, t.d. salt og pipar
Ef sofið er í tjaldi þarf að auki í trússtöskuna
- Tjald og tjalddýna
- Prímus og eldsneyti
- Eldspýtur
- Pottur
- Hitabrúsi og drykkjarbrúsi
- Diskur og drykkjarmál
- Hnífapör
- Vasahnífur / skæri
- Viðgerðasett, nál og tvinni, snæri og klemmur
Fróðleikur
Leiðarlýsing
1.d., laugard. Ekið um Þjórsárdal inn Gnúpverjaafrétt að skála í Bjarnalækjabotnum í Norðurleit. Gengið niður með Bjarnalæk og Miklalæk niður að Kjálkaversfossi (Hvanngiljafoss) í Þjórsá. Þaðan er gengið fram að Dalsá, upp með henni og fossar og flúðir hennar skoðaðir. Komið að Hlaupinu í Dalsá, þar sem þessi vatnsmikla á rennur í mjóum stokk. Að endingu er gengið aftur að skálanum í Bjarnalækjarbotnum þar sem snæddur er kvöldverður og gist. Á leiðinni má sjá áhugaverða gróðurframvindu. Fremur erfiður göngudagur þar sem gegnið er í freðmýri og þéttum og mjúkum gróðri. Ganga: 12-14 km.
2.d. Ekið á Kóngsás og gengið niður að fossinum Dynk í Þjórsá og þaðan um Gljúfurleit að Gljúfurleitarfossi, með viðkomu á Ófærutanga þar sem Hölkná fellur í þremur fossum. Hölkná þarf að vaða. Að endingu er gengið upp með Geldingaá um 2 km þar sem rúta bíður göngufólks. Ganga: 12-14 km.
