Kattartjarnarleið - Þjóðhátíðarganga
- Lýsing
Kattartjarnarleið liggur milli Þingvallarvatns og Hveragerðis. Skemmtileg leið þar sem farið verður um fjöll, gil og gljúfur. Í byrjun göngu þarf að vaða yfir Ölfusvatnsá, svo gott er að hafa með sér vaðskó. Gengið meðfram Ölfusvatnsá að Hrómundartindi, upp Tindagil og að Kattartjörn. Þaðan er farið niður í Reykjadal. Ef tími gefst er hægt að dýfa sér í lækinn áður haldið er heim á leið, svo þeir sem vilja geta tekið með sundföt og létt handklæði.
- Brottför/Mæting
- Kl. 8 með rútu frá Menntaskólanum við Sund
- Fararstjórn
Eva Rán Reynisdóttir
- Innifalið
- Rúta og fararstjórn.
Búnaður
Pakkað fyrir dagsferð
Dagsferðir eru mismunandi og geta tekið frá örfáum klukkustundum upp í hálfan sólarhring. Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.
Göngufatnaður
- Góðir gönguskór og mjúkir göngusokkar
- Nærföt, ull eða flís, eftir veðri
- Peysa úr ull eða flís
- Göngubuxur / stuttbuxur
Í dagpokanum
- Bakpokahlíf / plastpoki inni í bakpokanum
- Áttaviti, landakort og GPS tæki
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Vatnsbrúsi
- Hitabrúsi með kakói, tei eða kaffi
- Höfuðljós
- Göngustafir
- Myndavél og kíkir
- Sólgleraugu / skíðagleraugu
- Sólarvörn og varasalvi
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír
- Húfa, vettlingar og buff um hálsinn
- Vind- og vatnsþéttur hlífðarfatnaður
- Legghlífar, vaðskór og broddar, ef þurfa þykir
Gott að vita:
- Ganga: 16 km.
- Hækkun um 400
- Göngutími: 6- 8 klst.
- Gott nesti og heit á brúsa
- Taka með vaðskó
Lokað verður fyrir skráningu í ferðina föstudaginn 13. júní.
