Þjóðleiðin frá Hrauni í Ölfusi að Arnabæli

Lýsing

Er ekki langt síðan þú hefur farið út og sullað í ám eða lækjum? Þessi ferð er opin öllum og hentar einnig flestum eldri og heldri félögum.
Ekið er að Hrauni í Ölfusi þar sem gangan hefst. Í upphafi göngunnar er vaðið grunnt meðfram bökkum Ölfusár, síðan er gengið eftir Nauteyrum, á grónu landi þar sem við tökum okkur hvíld og borðum nestið. Svo er vaðið aftur og að lokum er gengið á grónu landi að gamla kirkjustaðnum Arnarbæli.  

Þetta er létt leið, u.þ.b. 8 km og vaðið er ekki djúpt, rétt um ökla, miðja leggi en á smáhluta á mið læri. Ekki þarf sérstaka vaðskó, gamlir strigaskór nægja, svo og venjulegir léttir gönguskór. Göngustafir koma að gagni. Einnig dagpoki með nesti til dagsins. 

Brottför/Mæting

Kl. 10 með rútu frá Reykjavík

Fararstjórn

Ólöf Sigurðardóttir.

Innifalið

Rúta og fararstjórn.

Búnaður

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

• Góðir gönguskór og mjúkir göngusokkar
• Nærföt, ull eða flís, eftir veðri
• Peysa úr ull eða flís
• Göngubuxur / stuttbuxur

Í dagpokanum

• Bakpokahlíf / plastpoki inni í bakpokanum
• Áttaviti, landakort og GPS tæki
• Smurt nesti fyrir daginn
• Göngunasl svo sem þurrkaðir ávextir, súkkulaði og hnetur
• Vatnsbrúsi
• Hitabrúsi með kakói, tei eða kaffi
• Höfuðljós
• Göngustafir
• Myndavél og kíkir
• Sólgleraugu / skíðagleraugu
• Sólarvörn og varasalvi
• Hælsærisplástur, plástur, teygjubindi og verkjalyf
• Salernispappír, blautþurrkur og litlir plastpokar fyrir notaðan pappír
• Húfa, vettlingar og buff um hálsinn
• Vind- og vatnsþéttur hlífðarfatnaður
• Legghlífar, vaðskór og broddar, ef þurfa þykir