Fjöruferð í Reykjavík

Lýsing

Við skoðum ýmsar lífverur fjörunnar, grúskum og leitum að kröbbum og öðrum smádýrum, greinum þörunga og fleira, í skemmtilegri fjöruferð í Gróttu, þar sem er fjölbreytt dýra-, fugla- og plöntulíf.

Með í för verða líffræðinemar úr Háskóla Íslands en ferðina leiða þeir Ólafur Patrick Ólafsson, háskólakennari og margreyndur vísindamiðlari og Jóhann Óli Hilmarsson, landsþekktur fuglavísindamaður og fuglaljósmyndari. Jóhann Óli hefur hlotið verðlaun fyrir störf sín í þágu náttúrverndar. Gangan er hluti af starfi Ferðafélags barnanna og það verður sérstaklega áhugavert fyrir fjölskyldufólk að ganga um fjöruna með Jóhanni Óla sem er á meðal helstu fuglaljósmyndara landsins. Hann er auk þess höfundur bókarinnar Fuglavísir sem margir eiga.

Jóhann Óli mun því leiðbeina fólki um þá fugla sem ber fyrir augu en Grótta er einmitt dásamlegur staður til að skoða fugla, ekki síst að vorlagi þegar farfuglarnir streyma til landsins.

Gott er að mæta vel klædd, í stígvélum og með fötur eða glær ílát til að safna hinum ýmsu lífverum. Ekki gleyma nesti. 2-3 klst.

Verið öll velkomin, þátttaka ókeypis. Ekkert að panta, bara mæta!

Brottför/Mæting

Kl. 12 við bílastæði við Gróttu, yst á Seltjarnarnesi.