Ferð: Refir, sjóböð og ævintýri í Hlöðuvík

+12 myndir
Ert þú félagsmaður í FÍ Já Nei
Hornstrandir

Refir, sjóböð og ævintýri í Hlöðuvík

Ferðafélag barnanna
Lýsing

Fjögurra daga fjölskylduferð í Hlöðuvík þar sem þátttakendur fara í gönguferðir um stórbrotna náttúru Hlöðuvíkur. Ganga um Hlöðuvík, Kjaransvík og Hælavík og kynnast töfrum Hornstranda. Við göngum, förum í leiki á ströndinni, njótum útiveru og komum jafnvel auga á refi og seli í sínu náttúrulega umhverfi. Ef veður leyfir förum við í sjósund. Á kvöldin verður áhersla lögð á kvöldvökur, leiki og samveru.

Brottför/Mæting
Kl. 8:30 mæting bátabryggjuna í Bolungarvík. Brottför kl. 9. Siglingingin 2-3 tíma til Hlöðuvíkur.
Fararstjórn

Lilja Dögg Guðmundsdóttir og Steinunn Leifsdóttir.

Innifalið
Sigling, gisting og farastjórn.

Búnaður

Pakkað fyrir trússferð eða bækistöðvarferð

Í trússaðri ferð er farangur fluttur á milli náttstaða svo aðeins þarf að bera nauðsynlegan búnað fyrir einn dag í einu í léttum dagpoka. Mat, svefnpoka og tilheyrandi er pakkað ofan í trússtösku og flutt í náttstað, sem getur ýmist verið tjaldstæði eða skáli.

Þó að ekki þurfi í trússferðum að skera allan útbúnað niður eins og þegar gengið er með allt á bakinu þá er nauðsynlegt að pakka naumt. Oftast er takmarkað pláss í trússbílum og bátum og pökkun þarf að taka mið af því.

Bækistöðvaferð er svipuð trússferðum en þá er gengið með dagpoka út frá sama náttstað allan tímann, tjaldi eða skála. Í bækistöðvaferðum er farangur ekki trússaður á milli náttstaða og hægt að vera enn frjálslegri í pökkun en í trússferðunum.

Athugið að listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar og hvort sofið er í skála eða tjaldi. Ef gengið er á milli skála eða dvalið í skála, þá má þar oftast finna eldunaraðstöðu og matarílát auk salernis eða kamars með klósettpappír.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir

Í trússtöskunni

  • Svefnpoki og lítill koddi
  • Bolur til skiptana og til að sofa í
  • Auka nærbuxur og sokkar
  • Höfuðljós
  • Tannbursti og tannkrem
  • Sápa / sjampó
  • Lítið handklæði
  • Eyrnatappar
  • Skálaskór
  • Peningar
  • Núðlur eða pasta í pokum
  • Pulsur eða foreldaðar kjúklingabringur
  • Eitthvað gott á grillið
  • Kol og uppkveikilögur
  • Haframjöl
  • Brauð og flatkökur
  • Smjör og álegg, svo sem ostur, kæfa, hangikjöt
  • Hrökkbrauð og kex
  • Þurrkaðir ávextir, súkkulaði og hnetur
  • Kakó, te og/eða kaffi
  • Súpur
  • Krydd, t.d. salt og pipar

Ef sofið er í tjaldi þarf að auki í trússtöskuna

  • Tjald og tjalddýna
  • Prímus og eldsneyti
  • Eldspýtur
  • Pottur
  • Hitabrúsi og drykkjarbrúsi
  • Diskur og drykkjarmál
  • Hnífapör
  • Vasahnífur / skæri
  • Viðgerðasett, nál og tvinni, snæri og klemmur

Ferðalýsing

1.d., föstud. Mæting á bryggjuna í Bolungarvík kl.8.30. Þegar komið er til Hlöðuvíkur, komum við okkur fyrir í skála, borðum og skoðum nánasta umhverfi. Förum í skoðunarleiðangur að Hlöðuvíkurós, 2-3 km. Sjósund fyrir þá sem vilja og leikur í sandfjörunni. Kvöldverður, spil og samvera fram að háttatíma.

2.d. Upphitun og teygjur kl. 10, áður en haldið er á Skálakamb (350 m), veðurskilyrði munu leiða í ljós hvort gengið verður að Atlaskarði (327 m) eða niður í Hælavík. Göngutími: 6-7 tímar. Útileikir og refaskoðun. Kvöldmatur, spil og samvera.
3.d. Upphitun og teygjur kl. 10. Göngum að Grásteini í Kjaransvík og þaðan upp í Kjarnasvíkurskarð. Göngutími: 6-7 klst. Stoppum í sandfjörunni í bakaleið, buslum í sjónum og leikum okkur á ströndinni. Kvöldmatur, útileikir ef veður leyfir. Göngutími 7-8 klst.

4.d. Upphitun og teygjur kl.10. Gengið eftir strandlengjunni að Teigkamb. Göngutími: 3-4 klst. Kvöldvökuundirbúningur og frjáls leikur. Kvöldmatur, kvöldvaka og varðeldur.

5.d. Heimferð - Bátsferð frá Hlöðuvík kl.12.

Fleiri ferðir á Hornstrandir sumarið 2025