Ævintýraþrá, adrenalín og útivist í BÍÓ!
Hin árlega BANFF kvikmyndasýning verður haldin í Háskólabíói 15. og 16. maí næstkomandi. Um er að ræða stuttmyndir af afrekum og ævintýrum einstaklinga sem stunda fjallamennsku, snjóbretti, fjallahjólamennsku, klifur, kajak, base jumping og fleira. Myndirnar eru eins fjölbreyttar og þær geta verið en allar eiga það sameiginlegt að fjalla um samspil einstaklingsins við náttúruna þar sem adrenalín og góð skemmtun eru sjaldan fjarri.
Sýningarkvöldin verða tvö og verður myndefnið mismunandi á þessum tveimur kvöldum. Um er að ræða samtals fjóra tíma af ævintýraþrá, adrenalíni og útivist. Sýningar verða í Háskólabíó dagana 15. og 16. maí og hefjast sýningar klukkan 20:00. Verð á hverja sýningu er 1000 krónur en 800 fyrir félagsmenn Ísalp.
Dagskrá
|
15. Maí
Anomaly (skíði/snjóbretti)
First ascent: Tailand (klifur)
Patagonia Travel to the end of the world (leiðangur)
The Simplicity Factor (klifur)
Awberg (ísklifur)
Roam (fjallahjól)
|
16. Maí
Yes to the No (snowboarding)
Unchained (fjallahjól)
Fatimas Hand (klifur/BASE jump)
Kids who Rip (skíði/snjóbretti/hjólabretti/surf)
Didier vs. the Cobra (klifur)
Mission Epiocity (kajak)
|
Ísalp klúbbur fyrir jaðar útivistarfólk
Markmið Ísalp er að efla áhuga manna á fjallamennsku í greinum eins og fjallgöngum, klettaklifri, ísklifri, gönguskíði, telemark, skíðamennsku, snjóbretti og margt fleira. Boðið er upp á námskeið í flestum þáttum fjallamennskunnar, farnar eru ferðir við flestra hæfi, haldnar eru sýningar og myndbandskvöld og gefið er út ársrit Ísalp. Allar upplýsingar um starfsemi félagsins má finna á vef félagsins, www.isalp.is.
