Eitt fjall a mánuði með FÍ - kynningarfundur 10. janúar

Ferðafélag Íslands býður upp á verkefnið Eitt fjall á mánuði árið 2012.  Þá er gengið á eitt fjall á mánuði sem er minni skuldbinding en fyrir þá sem taka þátt í Eitt fjall á viku.  Kynningarfundur á Eitt fjall á mánuði er haldinn þriðjudaginn 10. janúar kl 20 í sal FÍ.  Verkefnisstjórar eru þeir Fjallabræður Örvar og Ævar Aðalsteinssynir.....,

Eitt fjall á mánuði með FÍ 2012

Kynningarfundur í sal F.Í. Mörkinni 6 þriðjudaginn 10 janúar kl. 20.00.

Vertu með á eitt fjall á mánuði með FÍ á nýju ári.
Taktu þátt í fyrirfram ákveðinni gönguferð með hæfilegu millibili á áhugaverð fjöll í nágrenni Reykjavíkur. Göngurnar taka mið af aðstæðum í fjöllum hverju sinn og hefjast á léttum fjöllum svo sem Helgafelli við Hafnarfjörð, og Grímmannsfelli í Mosfellsdal. Síðan koma erfiðari fjöll eins og Hafnarfjall,  Hlöðufell,  Botnsúlur og fl.

Verið með í áhugaverðum göngum, hæfilega erfiðum með skemmtilegri fararstjórn.

 Stjórnendur verkefnisins eru Fjallbræður - þeir Ævar og Örvar Aðalsteinssynir.

 Í 12 fjalla verkefninu í fyrra var litla vísnhornið ævinlega með í för. Hér er vísa frá síðasta ári

 Á Eyrarfjallið æddum svo

allveg var það gefið.

Tindaskráin telur tvo

við tókum þetta í nefið.