Esjan alla daga - fimm daga í röð - 20. -24. apríl. Esjuganga í dag 23. apríl

Esjan alla daga, fimm daga í röð hefst mánudaginn 20. apríl.  Þá verður gengið á Þverfellshorn 5 daga í röð.  Lagt er af stað frá bílastæðinu kl 18.  Þátttaka er ókeypis, allir velkomnir. Takið með ykkur nesti  í bakpoka og góðan útbúnað, góða skó og hlífðarfatnað og mörgum finnst betra að hafa göngustafi. Gera má ráð fyrir að gangan taki á milli 2 - 3 klst.  Farið er upp að Steini og upp á tind ef aðstæður leyfa.  Fararstjóri er Þórður Marelsson og stjórnar hann upphitun og teygjum og fleira skemmtilegu af sinni alkunnu snilld.  Sjá myndir úr Esjugöngum á myndabanka FÍ hér á heimasíðunni.  Esjugöngur alla daga er tilvalin líkamsrækt og góður undirbúningur fyrir gönguferðir sumarsins og önnur komandi verkefni.