Esjan alla daga - fimmta gangan í dag

Ejsan alla daga 8. - 13. mars.  Göngugarpar undir klettum Þverfellshorns í miðvikudagsgöngu ,, Esjan alla daga"  gönguferðum á Esjuna fimm daga í röð.

Í kvöld fimmtudag verður fimmta gangan og því tilfalið fyrir alla að skella sér á Esjunni eftir vinnu og klappa fyrir þeim sem eru búnir að ganga á Esjuna fimm daga í röð.

Einnig verður gengið á Esjuna á morgun föstudag, en sett var upp aukaferð vegna fjölda fyrirspurna þannig að fleirri gætu náð fimm göngudögum í röð á Esjuna.

Fararstjórinn, hinn síungi Þórður Marelsson var hæstánægður með gönguferðina í gær og alla þá sem hafa tekið þátt í öllum ferðunum.  ,, Þetta er búið að vera mjög gaman og í kvöld verður verðlaunaafhending og kannski maður dragi fram eitthvað óvænt úr pokahorninu," segir Þórður sem stjórnar æfingum bæði fyrir og eftir göngu.

Sjá myndir úr gönguferðinni í gær á myndabanka FÍ