Farið var á báða Meitlana í hávaða roki

Þriðja ferð verkefnisins eitt fjall á mánuði var farin 24. mars. Stór hópur lagði Stóra og Litla Meitil að fótum sér þó varla væri stætt í verstu hviðunum. Annars var þetta einhvern vegin svona:

í upphafi ferðar:
Í sárar axlir sígur poki
svei - það hefur ekkert lægt.
komin á fyrstu brekkbrún:
Hvað má vera hvasst í roki
hvernig er nú þetta hægt.
en áfram er haldið:
Varla hræðist vind né skúr
um vindheima ég rýk.
orðinn lítt sár en all móður:
Allur vindur er mér úr
ég áfram stjórnlaust fýk.

Lagt af stað í Þrengslunum

Komið í fyrstu brekku

Safnið var allmikið

Snúið sér undan vindstigunum

Fokið yfir á Litla-Meitil

Tindinum náð á þeim litla