Fréttapóstur frá Ferðafélagi Íslands
Ferðafélagið 80 ára 27. nóvember
Ferðafélag Íslands verður 80 ára 27. nóvember nk. Félagið var stofnað þann dag árið 1927 í Eimskipafélagshúsinu. Í tilefni afmælisins verður boðið til afmælisveislu í sal félagsins á afmælisdeginum.
Allir félagsmenn, vinir og velunnarar eru velkomnir í kaffi flatkökur og vöfflur. Í tilefni afmælisins eru á heimasíðunni birtar myndir úr sögu félagsins. Sjá myndir
Skjaldbreiður laugardaginn 17. nóvember
Í tilefni af 200 ára afmæli Jónasar Hallgrímssonar býður FÍ upp á gönguferð á Skjaldbreið laugardaginn 17. nóvember. Lagt verður af stað frá Mörkinni 6 kl. 8.30 með rútu.
Fræðimaður um líf og ljóð Jónasar verður með í för. Pétur Þorleifsson segir frá fjöllum og örnefnum sem sjást en þetta verður 27. ganga Péturs á Skjaldbreið. Takið með ykkur nesti
Verð kr. 2000/3000
Fararstjórar Páll Ásgeir Ásgeir Ásgeirsson og Páll Guðmundsson.
Skráning á skrifstofu FÍ fyrir 16. nóvember
Ferðaáætlun 2008
Ferðanefnd FÍ vinnur nú að ferðaáætlun FÍ 2008 og kemur hún út í janúar 2008.
Í haust og vetur verður boðið upp á dags- og helgarferðir, sem og skíða og jeppaferðir þegar aðstæður leyfa og þær kynntar með tölvupósti til félagsmanna og á heimasíðu FÍ.
Göngugleði alla sunnudaga
Göngugleði FÍ er alla sunnudaga kl. 10.30, þátttaka er ókeypis, allir velkomnir.
Hlöðuvellir Hlöðufell Högnhöfði Skriða
24. - 25. nóvember
Fararstjóri: María Dögg Tryggvadóttir
Brottför á laugardegi kl. 8.00
Ævintýrahelgarferð með gistingu í FÍ skála og gengið á heillandi fjöll í næsta nágrenni skálans. Gengið á Hlöðufell, Högnhöfða eða Skriðu eftir því sem aðstæður leyfa. Ekið á breyttum fjallajeppum, sameiginlegur kvöldverður, kvöldvaka, sögustund og sprell. Góður útbúnaður nauðsynlegur, hlífðarfatnaður, svefnpoki, góðir gönguskór, broddar og nesti til ferðarinnar utan kvöldverðar á laugardegi.
Skráning á skrifstofu FÍ fyrir 22. nóvember.
Verð kr. 16.000 / 18.000
Innifalið, akstur, gisting, fararstjórn og sameiginleg máltíð.
Aðventuferð í Þórsmörk
30. nóv - 2. des
Fararstjóri: María Dögg Tryggvadóttir
Brottför á föstudegi kl. 18.00, farið á breyttum fjallajeppum.
Helgarferð í Þórsmörk með spennandi gönguferðum, meðal annars á Rjúpnafell, Útigönguhöfða, Hátinda og fleiri staði eftir því sem aðstæður leyfa. Gist í Skagfjörðsskála. Kvöldvökur, sögustundir og leikir í skálanum á kvöldin, þátttakendur leggja til efni í kvöldvökur. Sameiginlegur kvöldverður á laugardagskvöldi.
Verð kr. 18.000 / 20.000
Innifalið: akstur, gisting, fararstjórn, sameiginlegur kvöldverður.
Góður útbúnaður nauðsynlegur og nesti til ferðarinnar utan kvöldverðar á laugardegi.
Skráning á skrifstofu FÍ fyrir 28. nóvember.
Með kveðju
Skrifstofa FÍ
www.fi.is, s 568-2533, fi@fi.is
