FÍ samplokk á Degi jarðar
Sunnudaginn 22. apríl er stefnt að því að fá alla út að plokka rusl og leggjast á eitt fyrir móður jörð. Dagurinn er fullkominn til þessa athæfis enda er 22. apríl tileinkaður jörðinni.
Í tilefni dagsins skipuleggur stórt sameiginlegt plokk fyrir allan almenning, félagsmenn FÍ og meðlimi í öllum fjallgöngu- og hreyfihópum félagsins.
Mæting er við bensínstöð Olís í Norðlingaholti við Rauðavatn og þaðan verður plokkað í allar áttir. Hver og einn þátttakandi er hvattur til að taka með sér að minnsta kosti þrjá ruslasekki. Gott er að vera í góðum hönskum og viðeigandi fótabúnaður, annað hvort góðir gönguskór eða hreinlega stígvél, eru við hæfi.
Ruslaplokk er frábær hreyfing enda sameinast í plokkgöngu hefðbundin ganga í náttúrunni og hnébeygjur.
Þessi tími árs, þegar jörð kemur undan snjó, er einna besti tíminn til að tína rusl sem liggur ofan í sverðinum. Þegar vorar og gróður vex, verður mun erfiðara að plokka ruslið upp.
