Fjall mánaðarins í nóvember er Ármannsfell 17. nóvember

Fjall mánaðarins í nóvember er Ármannsfell

Ellefta ganga verkefnisins Eitt fjall á mánuði 2012 á vegum Ferðafélags Íslands verður  farin laugardaginn 17. nóvember.

Ármannsfell er allvíðáttumikið móbergsfjall, 764 m yfir sjó. Ármannsfell dregur nafn sitt af hálftröllinu Ármanni. Hann hafði víst haft þann starfa að standa fyrir kappglímum milli trölla og hálftrölla á Hoffmannaflöt undir Meyjarsæti, sem er austan við fjallið, en mun hafa gengið í fjallið að leiðarlokum. Ármannsfell er norðan við Þingvallaþjóðgarðinn og setur mikinn svið á allt umhverfið. Ármannsfellið hefur setið fyrir á ófáum málverkum og ljósmyndum í gegnum tíðina og það er mjög gaman að ganga á það og virða fyrir sér Þingvllasvæðið frá skemmtilegu sjónarhorni.

Ekið er austur á Þingvelli um Mosfellsheiði og beygt til vinstri áður en komið er að þjónustumiðstöðinni. Eknir nokkrir kíkómetra inn á veg 52 (Uxahryggja og Kaldadalsveg) . Farið framhjá Skógarhólum og gegnum Bolabás.Gangan hefst austan við Sleðaás, sunnan undir fjallinu. Þaðan er greið leið á fjallið þar sem fyrst er komið uppá suðurbrúnina. Síðan tekur við alllöng ganga norður á hæðsta hnjúkinn (sjá kort). Farin verður sama leið til baka. Leiðin er um 10 km. fram og til baka. 

Mikilvægt er að vera búin og í samræmi við veður og aðstæður. Á þessum árstíma geta verið aðstæður  með þeim hætti að auðvelt er að blotna og kólna. Því er nauðsynlegt að vera vel búin og alltaf er hætta á ísingu eða svellbunkum og því er gott að hafa hálkubrodda meðferðis.

Upphafsstaður göngu er austan við Bolabás og ofan við Sleðaás.

Ármannsfell séð frá Þingvöllum.

Þar hefst gangan kl. 10.15. en þeir sem vilja geta hist í Mörkinni 6 við húsakynni Ferðafélagsins og sameinast í bíla. Brottför úr Mörkinni 6 er kl. 09.00.
Hér er kort sem sýnir staðsetningu FÍ.

Um er að ræða 600 m hækkun og lengd göngu er um 10 km.

Gera má gera ráð fyrir að hópurinn verði aftur við bíla  um kl. 15.00.-16.00

Fararstjórar eru:

Örvar Aðalsteinsson                8993109

Ævar Aðalsteinsson                6965531

Ólafía Aðalsteinsdóttir           8622863

Einar Ragnar Sigurðsson         8998803

Pétur Ásbjörnsson                   8987960

Sigrún Hallgrímsdóttir            6617746