Fjöldi nýrra félagsmanna
06.05.2020
Á Hafnarfjalli
Það er gaman að segja frá því að undanfarið hafa á annað hundrað nýir félagar bæst í hóp okkar góðu félagsmanna. Við bjóðum þá að sjálfsögðu hjartanlega velkomna í félagið og minnum í leiðinni á ávinning þess að eiga aðild að Ferðafélagi Íslands.
Félagsaðild veitir félagsmönnum alls kyns fríðindi, til dæmis betri verð í skála, í ferðir og verkefni FÍ og afslátt á útivistarbúnaði svo eitthvað sé nefnt.
Ekki má heldur gleyma árbókinni góðu sem er um þessa dagana á leiðinni í dreifingu til allra þeirra sem þegar hafa greitt árgjaldið.
