Fjölskyldugöngur á sunnudögum í júní

Sameiginlegt markmið SÍBS og Ferðafélags Íslands er að stuðla að bættri heilsu þjóðarinnar og nú hafa þessi félög tekið höndum saman með Ferðafélagi barnanna og bjóða upp á sunnudagsgönguferðir fyrir alla fjölskylduna út júní.

Þessar göngur verða allar í og við Reykjavík og hefjast stundvíslega kl. 11. Stefnt er að því að ganga í eina og hálfa klukkustund og eins og í öllum ferðum Ferðafélags barnanna er gengið á forsendum barnanna og mikið skoðað og spekúlerað.

Þátttaka er ókeypis og allir eru hjartanlega velkomnir.

Dagskrá

5. júní. Kl. 11. Mæting við Kaffi Nauthól.
Gengið um Öskjuhlíðina.

12. júní. Kl. 11. Mæting við Bílastæðið við Rauðhóla þaðan sem ekið er í halarófu lengra inn í Heiðmörkina.
Ratleikur frá Heiðmerkurreiti FÍ.

19. júní. Kl. 11. Mæting við Árbæjarlaug.
Gengið um í Elliðaárdal

26. júní. Kl. 11. Mæting á bílastæðinu við Gróttu.
Gengið um í fjörunni við Gróttu.