Fréttapóstur frá Ferðafélagi Íslands 21. maí
Árbókin í dreifingu.
Árbók Ferðafélagsins er nú í dreifingu til félagsmanna. Félagsmenn eru beðnir að greiða árgjaldið í næsta banka eða sparisjóði og fá síðan árbókina senda heim ásamt félagsskírteini. Þeir sem þegar hafa greitt árgjaldið fá árbókina nú á næstu dögum. Frá og með morgundeginum má gera ráð fyrir 2 til 3 daga afgreiðslufresti á bókinni. Pósturinn sér um dreifingu bókarinnar fyrir FÍ og er bókin borin í hús og bankað upp á og ef engin er heima þá er skilin eftir tilkynning og skal þá nálgast bókina á næstu póststöð.
Skálaverðir til starfa í Þórsmörk
Skálaverðir eru nú mættir til starfa í Þórsmörk og að venju eru það fyrstu skálaverðirnir sem mæta til starfa í upphafi sumars. Töluvert er bókað í Skagfjörðsskála í maí og þá mest skólahópar. Skálar á Laugaveginum eru lokaðir og mælir Ferðafélagið ekki með því að einstaklingar leggi af stað Laugaveginn á þessum árstíma enda snjóa að leysa, færið þungt og víða mikil bleyta og aurbleyta.
17 tíma gönguferð á Hrútfellstinda
Ferðafélagið stóð fyrir gönguferð á Hrútfellstinda um helgina. Alls tóku 14 þátt í göngunni sem tók rúma 17 tíma. Eftir þungbúið skyggni í upphafi ferðar var gengið upp úr skýjunum í um 1200 metra hæð og blasti þá við stórkostlegt útsýni. Þórhallur Ólafsson fararstjóri FÍ í ferðinni var ánægður í lok ferðar og sagði að allir hefðu staðið sig mjög vel. Sjá myndir
Við viljum sólskin - sjá myndskeið Útiveru úr göngunni
Ama Dablam - Beyond The Void.
Fyrsta íslenska fjallamyndin verður frumsýnd (boðssýning) í Háskólabíó fimmtudaginn 22. maí kl.20. Hún verður einnig sýnd mánudaginn 26.maí og þriðjudaginn 27.maí. Simon Yates verður svo með fyrirlestur í Ferðafélagssalnum í Mörkinni 6 miðvikudaginn 28. maí kl. 20.
Þetta er heimildamynd um leiðangur Viðars Helgasonar og Ingvars Þórissonar á Ama Dablam 6.856 m háan tind í Himalaja. Fylgdarmaður þeirra var hinn kunni fjallamaður Simon Yates sem menn þekkja úr Touching The Void. Leiðangurinn var farinn þrátt fyrir alvarlegt slys á fjallinu 2006 þegar búðir 3 þurrkuðust út í snjóflóði og 6 manns fórust. Litlu munaði að annar leiðangur hlyti sömu örlög í fyrra.
Myndin lýsir vel erfiðleikunum háfjallamennskunar og fegurð Himalajafjalla.
Bókanir í ferðir.
Fullbókað er í 16 sumarleyfisferðir FÍ.
Fimm ferðum í áætlun sumarsins hefur nú verið aflýst vegna lítillar þátttöku.
Hér er að neðan eru kynntar spennandi sumarleyfisferðir þar sem enn eru nokkur sæti laus.
Gott er að bóka tímanlega í ferðir til að tryggja sæti.
Sæludagar í Svarfaðardal 6 dagar
Númer: S-9
Dagsetning: 6.7.2008
Brottfararstaður: Húsabakki í Svarfaðardal
Viðburður: Sæludagar í Svarfaðardal 6 dagar
Lýsing:
NORÐURLAND. 3 skór
Gönguferð og ævintýradvöl í Svarfaðardal dagana
6. til 11. júlí 2008.
Fararstjóri: Kristján Eldjárn Hjartarson.
Í samvinnu við Kristján Eldjárn Hjartarson, að Tjörn í Svarfaðardal, er boðið upp á fimm daga ævintýradvöl í Svarfaðardal. Allt í einum pakka; fjölbreyttar gönguleiðir, jarðfræði, fuglaskoðun, jurtagreining, örnefnahugleiðingar og þjóðfræði, í bland við alþýðukveðskap og innansveitarkróniku. Kristján verður fararstjóri ásamt fleiri heimamönnum.
Sjá nánar á heimasíðu FÍ - http://www.fi.is/ferdir/ferdir-fi/nr/534/
Ganga - kajak - reiðhjól
Númer: S-Ss - 4
Dagsetning: 10.7.2008
Brottfararstaður: Laugar í Hvammssveit
Viðburður: Ganga - kajak - reiðhjól
Lýsing:
Ganga - reiðhjól - kajak
Sérstaða þessarar ferðar er FJÖLBREYTNI í náttúrufari inn til dala, upp til fjalla og út til stranda. Gengið um dalanna kyrrð, hjólað um fáfarna sveitavegi og róið á kajak inn um hólma og sker, fugla og sérkennilegar sjókindur. Fornsögur rifjaðar upp og sögustaðir skoðaðir. Heilsað upp á heimamenn og hlustað á þjóðsögur, ýkjusögur og gamansögur. Skoðað hvílík firn Dalirnir hafa lagt til menningararfs þjóðarinnar, t.d. í bókmenntum og myndlist. Spáð í mannlífið á svæðinu fyrr og nú og ýmsa möguleika byggðarlagsins.
Sjá nánar á heimasíðu FÍ:
og á slóðinni www.123.is/jojo
Gengið um Fljótafjöllin og yfir til nágrannabyggða. 3 skór
Númer: S-18
Dagsetning: 15.7.2008
Brottfararstaður: Bjarnargil í Fljótum
Viðburður: Gengið um Fljótafjöllin og yfir til nágrannabyggða. 3 skór
Lýsing:
15. 19. Júlí.
Hámarksfjöldi þátttakenda: 30.
Fararstjórar: Sigríður Lóa Jónsdóttir og Trausti Sveinsson.
Fljótin eru rómuð fyrir fegurð og fjölbreytt gróðurfar sem áhugavert er að kynnast og spennandi gönguleiðir liggja til allra átta. Gist verður á Bjarnargili í Fljótum og verður boðið upp á gistingu í uppábúnum rúmum, gistingu í hjólhýsi eða að þátttakendur sofi í tjöldum sem þeir hafa meðferðis. Góð sundlaug og heitur pottur er við Sólgarðaskóla í 5 km fjarlægð frá Bjarnargili. Gert er ráð fyrir sameiginlegum mat allan tímann og að þátttakendur taki þátt í matatgerð og frágangi.
Sjá nánari upplýsingar á heimasíðu FÍ: http://www.fi.is/ferdir/ferdir-fi/nr/545/
Með eilífðinni á Arnarvatnsheiði. Surtshellir, gígur, hraun og veiði
Númer: S-26
Dagsetning: 30.7.2008
Brottfararstaður: Mörkin 6 kl. 13
Viðburður: Með eilífðinni á Arnarvatnsheiði. Surtshellir, gígur, hraun og veiði
Lýsing:
HÁLENDIÐ 3 skór
Með eilífðinni á Arnarvatnsheiði. Surtshellir, gígur, hraun og veiði
30.júlí 4. ágúst.
Fararstjóri: Sigrún Valbergsdóttir.
Hámark: 15.
Brottför frá Mörkinni 6
Afar fáfarin gönguleið um afréttir Borgfirðinga og Vestur Húnvetninga. Lagt er upp frá vaði á Norðlingafljóti meðfram Eiríksjökli og upp undir Langjökul. Þaðan er haldið
Sjá nánar á heimasíðu FÍ: http://www.fi.is/ferdir/ferdir-fi/nr/551/
Kjölur og Karlsdráttur. 2 skór - Ferðir FÍ
Númer: H-3
Dagsetning: 25.7.2008
Brottfararstaður: Mörkin 6 kl 18
Viðburður: Kjölur og Karlsdráttur. 2 skór
Lýsing:
25. 27. júlí.
Fararstjóri Leifur Þorsteinsson.
1. dagur. Brottför frá Mörkinni 6 kl. 18. Ekið inn fyrir Innri-Skúta á Kjalvegi og gengið þaðan vestur í skála FÍ við Þverbrekknamúla.
2. dagur. Gengið suðvestur með Hrútfelli og suður að Hvítárvatni. Þaðan er farið á báti í Karlsdrátt. Í lokin siglt í Hvítárnes, þar sem gist verður seinni nóttina í elsta skála FÍ.
3. dagur. Ekið til Reykjavíkur. Ýmsir athyglisverðir staðir skoðaðir á leiðinni.
Myndir úr fyrri ferð um Karlsdrátt og siglingu á Hvítárvatni.
Sjá nánar á heimasíðu FÍ: http://www.fi.is/ferdir/ferdir-fi/nr/521/
