Gestir og gangandi í náttúrunni

Ferðafélag Íslands og Rauði krossinn bjóða upp á fimm göngur í september og oktober, í og við Reykjavík þar sem nýir Íslendingar eru boðnir velkomnir og þeim sýnd náttúran í kringum höfuðborgina. 

Þessar göngur hafa hlotið nafnið Gestir og gangandi og er hugmyndin er að blanda saman Íslendingum, gömlum og nýjum, í stuttum gönguferðum þar sem hópnum gefst kostur á að upplifa saman þá einföldu ánægju sem hafa má af útiveru.

Þetta  er annað árið sem þetta samstarfsverkefni FÍ og Rauða krossins stendur yfir en að jafnaði er boðið upp á fimm göngur að vori og fimm á haustdögum.

Þátttakendur safnast saman kl. 17 göngudagana við skrifstofur Rauða krossinn í Efstaleiti 9 þar sem bíllausir fá far hjá þeim sem hafa pláss.

Til að fá frekari upplýsingar um göngurnar hafið samband við Sigrúnu eða Hannah í síma 772 4424 eða sigrunerla@redcoss.is 

Göngurnar eru ókeypis og allir eru velkomnir. Góðir skór, hlý föt, smá nesti og góða skapið er allt sem þarf.

Göngurnar verða sem hér segir:

• 24. september. Valahnúkar
• 1. oktober. Gálgahraun
• 8. oktober. Hafravatn
• 15. oktober. Hvaleyrarvatn
• 22. oktober. Varmárhringur