Hvannadalshnúkur - æfingaprógram

Ferðafélagið stendur fyrir ferð á Hvannadalshnúk um Hvítasunnuna í fararstjórn Haraldar Arnar Ólafssonar.  Ferðir FÍ á Hvannadalshnúk á þessum tíma hafa notið mikilla vinsælda og hafa þátttakendur verið um og yfir 100.  Mesti fjöldi í einni ferð FÍ á Hvannadalshnúk var árið 2005 þegar um 165 þátttakendur ásamt fararstjórum gengu á Hnúkinn og er það óskráð íslandsmet.  Síðan hefur fjöldi þátttakenda verið takmarkaður fyri 100.  Mikilvægt er að undirbúa sig vel fyrir göngu á Hnúkinn því hér er um að ræða eina lengstu samfelldu göngu á einum degi sem boðið er upp á og getur gangan tekið allt að 14 - 16 klst.

Til að njóta gönguferðar á Hvannadalshnúk er mikilvægt að vera í góðu líkamlegu formi.  Besta leiðin til að undirbúa sig fyrir göngu á Hvannadalshnúk er að stunda fjallgöngur í nokkra mánuði áður en gengið er á Hnúkinn.

Ferðafélagið mælir með einni fjallgöngu á viku í febrúar, mars, apríl og maí og þegar kemur fram í miðjan april er gott að fjölga fjallgöngunum í tvær.

Ferðafélagið bendir á dagsferðir FÍ um helgar sem möguleika til fjallgangna til undirbúnings fyrir Hvannadalshnúk.  Morgungöngur FÍ, alla morgna fimm daga í röð í byrjun maí eru mjög góðar til að koma sér í betra gönguform.

Reglulegar gönguferðir á Esjuna eru einnig mjög góð æfing.

Frá miðjum apríl og fram að Hvítasunnu mun Ferðafélagið bjóða upp á skipulagðar gönguferðir einu sinni í viku fyrir þátttakendur í ferðinni á Hvannadalshnúk.

Þá er mælt með því að þátttakendur stundi líkamsrækt, t.d. 2svar - 3svar í viku.  Sund og gönguferðir á jafnsléttu eru einnig ágætar.

Líkt og í öllu öðru er snýr að heilsu og góðu líkamsformi skiptir mataræðið miklu máli.  Borðið hollan og góðan mat