Hvíldardagar á Ströndum

Ný ferð hefur verið sett á dagskrá dagana 12.-14. ágúst sem fengið hefur nafnið Hvíldardagar í Árneshreppi á Ströndum.

Fararstjóri er Reynir Traustason sem verið hefur skálavörður FÍ á Valgeirsstöðum í Norðurfirði í sumar og þekkir vel svæðið og fjöllin í kring.

Þetta er þægileg ferð þar sem kyrrð og upplifun í þessu fámennasta sveitafélagi landsins er í brennidepli.

Ferðin hefst núna föstudaginn 12. ágúst og bókað er á skrifstofu FÍ í síma: 568 2533.

Sjá nánar um ferðina: Hvíldardagar á Ströndum.

Í fjörunni fyrir neðan sæluhúsið Valgeirsstaði í Norðurfirði á Ströndum.
Kaupfélagið til hægri og Reykjaneshyrna fyrir miðri mynd.