Kóngsvegurinn í fornbílum

Ferðafélagið býður upp á athyglisverða og skemmtilega ferð nk sunnudag þegar farið verður í fornbílum eftir eða í næsta nágrenni við Kóngsveginn.  Ekið verður sem leið liggur til Þingvalla og Laugarvatns og að Úhlíð til Björns bónda Sigurðssonar sem mun taka á móti gestum í nýju kirkjunni sinni.  Ólafur Örn Haraldsson forseti FÍ er fararstjóri í ferðinni, ásamt Evu Þorvaldsdóttur sem sér um grasafræðslu í ferðinni á þessum norræna degi blóma.

Stoppað verður á nokkrum stöðum á leiðinni og farið yfir sögu kóngsvegarins.

Í úthlíð verður til sölu súpa, brauð, kaffi og kleinur á sanngjörnu verði.

Mæting er í Grasagarðinum kl. 9 á sunnudagsmorgun og verður þá fræðsla um blóm og jurtir.

Lagt er af stað í fornbílaferðina kl. 10 frá Grasagarðinum.  Áætlað er að koma til baka til Reykjavíkur um kl. 17.30.