Stjórn Menningarsjóðs VISA hefur úthlutað 13 styrkjum í ár, samtals að fjárhæð 12,1 milljón króna. Þetta er í tólfta sinn sem úthlutað er úr sjóðnum en alls hafa 92 styrkir verið veittir frá upphafi, flestir til menningarmála. Stjórn sjóðsins ákvað að í ár skyldi verulegum hluta styrkfjárhæðarinnar varið til menningar-, líknar-og velferðarmála. Að þessu sinni hlutu eftirtaldir styrk úr sjóðnum:
Ferðafélag Íslands
Ferðafélag Ísland hlaut tveggja milljóna króna styrk til að setja upp skilti er vísa leiðina á Hvannadalshnúk og leiðina milli Skóga og Þórsmerkur þ.e. Fimmvörðuháls. Verkefnið er framhald af svonefndu Laugavegsverkefni sem unnið var að í fyrra með fulltingi menningarsjóðsins. Þá voru sett upp skilti er auðkenna leiðina milli Landmannalauga og Þórsmerkur. Öll skiltin eru málaðar þrívíddarmyndir af landslaginu þar sem færðar eru inn leiðarlýsingar og örnefni, nokkurs konar nútíma hringsjá.
Félagasamtök
Fimm félagasamtök fengu milljón hvert um sig:
- MS-félagið, til húsbygginga svo auka megi velferð þeirra sem haldnir eru MS-sjúkdómnum
- Daufblindrafélag Íslands til að vinna að menntunarmálum daufblindra
- Félag CP á Íslandi til að vinna að bættum hag fatlaðra barna
- Vímulaus æska til forvarnarstarfa
- Umhyggja til að vinna að bættum hag langveikra barna
Ungir tónlistarmenn
Fjórir ungir tónlistarmenn hlutu 750 þúsund króna styrk hver til frekara tónlistarnáms:
- Ari Þór Vilhjálmsson, fiðluleikari
- Herdís Anna Jónasdóttir, söngkona
- Joaquín Páll Palomares, fiðluleikari
- Melkorka Ólafsdóttir, flautuleikari
Aðrir styrkþegar
Að auki voru styrkir að upphæð 700.000 kr. hver veittir þremur aðilum til eflingar menningarstarfsemi:
- Kirkjumiðstöðinni við Vestmannsvatn til uppbyggingar á staðnum
- Stykkishólmskirkju til orgelkaupa
- NICE08 - Íslensk-skandinavísk listahátíð í Liverpool haustið 2008 til kynningar á íslenskri menningu og listum
Jakob Bjarnason, stjórnarformaður VALITOR, afhenti styrkina. Stjórn sjóðsins skipa ásamt honum þeir Höskuldur H. Ólafsson, forstjóri VALITOR og Jón Stefánsson, organisti og söngstjóri.
Jakob Bjarnason, stjórnarformaður VALITOR, afhenti styrkina. Stjórn sjóðsins skipa ásamt honum þeir Höskuldur H. Ólafsson, forstjóri VALITOR og Jón Stefánsson, organisti og söngstjóri.
