Skálum FÍ lokað - vetraropnun

Skálum FÍ hefur nú verið lokað fyrir veturinn nema enn er opiði í Landmannalaugum og skálaverðir þar að störfum. Aðrir skálar félagsins hafa verið læstir og þarf að nálgast lykla á skrifstofu FÍ.  Ferðamenn sem eru á ferðinni nú á haustdögum og í vetur eru vinsamlega beðnir um að ganga vel um skála félagsins og taka þannig höndum saman um að aðkoma sé ávallt sem best.  Vetrarreglur í skálum FÍ eru:

• Gangið vel um skálann og þrifið eftir ykkur áður en skálinn er yfirgefinn
• Vinsamlega takið með ykkur allt rusl eftir heimsókn ykkar
• Lokið vandlega öllum gluggum og hurðum við brottför
• Hreyfið ekki við stillingum á ofnum eða vatnslögnum
• Vinsamlega notið útikamra
• Pantið gistingu og greiðið á skrifstofu FÍ
• Skilið lyklum af skála strax eftir ferð

Góða ferð og ánægjulega dvöl í skálum félagsins.