Sumarljósmyndakeppni Ferðafélags barnanna

Sumarljósmyndakeppni Ferðafélags barnanna 2013

Við hjá Ferðafélagi barnanna viljum hvetja alla káta krakka til þess að senda okkur uppáhaldsmyndirnar sínar í sumar. Þemað er útilíf. Þrjár vinningsmyndir verða valdar og hver þátttakandi má senda inn eins margar myndir og honum sýnist.

Sendið myndirnar á netfangið ljosmyndakeppni@fi.is.

Innsendar myndir verða að hluta til birtar á Facebook-síðu Ferðafélags barnanna til þess að kynna keppnina, hvetja til þátttöku og útilífs.

Eftir 15. ágúst fer dómnefnd yfir myndirnar og velur vinningsmyndir.

Vinningar:

1. verðlaun: Helgarferð í Langadal með Ferðafélagi Íslands fyrir alla fjölskylduna

2. verðlaun: Félagsaðild í Ferðafélag Íslands fyrir alla fjölskylduna fyrir árið 2013 og 2014

3. verðlaun: Skálagisting að eigin vali fyrir fjóra í skála Ferðafélags Íslands árið 2013 eða 2014.

Byrjum strax í dag. Góða skemmtun.