Vinnuferðir í skála FÍ

Vi nnuferðir í skála FÍ standa nú yfir um þessar mundir. Um er að ræða hefðbundnar frágangsferðir fóstra í skála.  Flestir skálar hafa fóstra sem annast frágang skála á haustin sem og opnun skála á vorin.

Í byrjun september var frágangsferð í Þverbrekknamúla og var vatn tekið af skálanum og honum lokað fyrir veturinn.  Þá var einnig gengið frá öllu í Nýjadal og vatnið tekið af skála.  Um síðustu helgi voru vinnuferðir í Þjófadali og Botna á Emstrum.  Skýrslur fóstra úr vinnuferðum verða birtar á heimasíðu FÍ þegar þær berast.

Um næstu helgi er vinnuferð í Valgeirsstaði í Norðurfirði. Þá eru framundan frágangsferðir í Hrafntinnusker og Álftavatn, sem og Hvítárnes, Hagavatn og Hlöðuvelli.

Vinnuferðir verða farnar í Þórsmörk í október og Landmannalaugar um miðjan október.  

Með hverjum fóstra starfar um 10 manna vinnuhópur í sjálfboðavinnu fyrir félagið og eru því alls um 100 félagsmenn FÍ sem koma að vinnuferðum í skála félagsins.

Áhugasamir félagsmenn sem vilja taka þátt í vinnuferðum í skála félagsins hafi samband við Ingunni á skrifstofu félagsins.