Góðar gjafir fyrir ferðafélaga, fyrirtæki og starfsmenn

Það getur reynst flókið að finna jólagjafir handa sínum nánustu. Um leið getur þetta reynst þrautin þyngri fyrir stjórnendur fyrirtækja. Kannski er besta gjöfin góð heilsa, útivera og ánægjulegur félagsskapur í náttúru landsins.  

Ekkert dýrmætara en heilsan

Það er löngu sannað að það eykur bæði líkamlega og andlega heilsu fólks að bregða sér út í náttúruna fyrir utan að það skapar minningar sem lifa oft lengur en annað. Það skemmir heldur ekki fyrir að gjöf á hreyfingu í náttúrinni er líka mjög væn fyrir umhverfið því hún skilur eftir sig minna kolefnisspor en flest það sem hægt er að kaupa í búðum.

Gjafabréf Ferðafélags Íslands

Við bendum því bæði einstaklingum og fyrirtækjum á góða gjöf sem gjafabréf FÍ er en það má nota bæði í ferðir á vegum FÍ og í fjalla- og  hreyfiverkefni sem félagið býður upp á og hefja göngu sína á nýju ári. 

Einnig er tilvalið að gefa félagsaðild sem kostar 7.900, skálagistingu í skálum eða árbækur, sem til eru í ýmsum gjafapökkum eftir landsvæðum. 

Fyrir smærri pantanir má panta gjafabréfin á vefsíðu FÍ en fyrir stærri pantanir má koma við hjá okkur í Mörkinni 6 eða senda okkur póst á fi@fi.is

Ef einhverjar spurningar vakna þá ekki hika við að vera í sambandi við okkur.