Skráning hafin !

Nú er sumarstarf Ferðafélags barnanna að byrja og  við hvetjum fólk til að endurnýja félagsskírteinin og staðfesta skráningu frá því í fyrra. Hægt er að hafa samband við okkur með því að senda  tölvupóst á fb@fi.is eða hringja í okkur í síma 568 – 2533. Félagsgjald er 1.000. kr fyrir barn.

Þau börn sem vilja halda áfram að vera félagar fá félagsskírteini send heim í pósti ásamt bæklingi með frekari upplýsingum um okkur og dagskrána okkar fyrir árið. Félagsskírteinin gefa afslátt í ákveðnar verslanir og er hægt að skoða þann lista á vefsíðu okkar www.ferdafelagbarnanna.is  og í bæklingnum sem sendir verða heim.

Fyrsta ferð okkar er  Esjudagur FÍ og Valitors þann 5 júní  næstkomandi og þar ætti að  vera hægt að finna eitthvað fyrir alla. Dagskráin fyrir börnin er á ferdafelagbarnanna.is en hægt er að finna frekari upplýsingar um almenna dagskrá fyrir daginn á www.fi.is.

Við vonumst til að sjá ykkur sem flest og hlökkum til að hefja með ykkur sumarstarfið .

Kær kveðja Ferðafélag barnanna.