Fréttir

Þann 13. ágúst í ár eru liðin 100 ár frá því að þýski vísindamaðurinn Hans Reck og Sigurður Sumarliðason gegnu fyrstir manna á Herðubreið. Ferðafélag Akureyrar  og Ferðafélag Íslands bjóða upp á sérstaka afmælisgöngu á Herðubreið af þessu tilfenfi.

Hópur á vegum Ferðafélagsins lagði á sig 6 klukkustunda klöngur í fjörunni undir Hvanndalsskriðum og óðu sjóinn til að endurtaka erfiða göngu konu einnar fyrir 150 árum sem þurfti fara, með ársgamalt barn í fanginu til að sækja eld á næsta bæ. Konan, Guðrún Þórarinsdóttir var þá langt gengin með barni og annar fararstjórinn í ferðinni, Auður Kjartansdóttir, fetaði nú í fótspor Guðrúnar, komin 5 mánðuði á leið.

Hópur á vegum Ferðafélagsins lagði á sig 6 klukkustunda klöngur í fjörunni undir Hvanndalsskriðum og óðu sjóinn til að endurtaka erfiða göngu konu einnar fyrir 150 árum sem þurfti fara, með ársgamalt barn í fanginu til að sækja eld á næsta bæ.

Ferðafélagið býður upp á ferð í Þúfuver 10. ágúst. Tilgangur ferðarinnar er að kynna fólki Þjórsárver, án þess að leggja upp í margra daga erfiða ferð yfir jökulvötn. Sjálf ferðin verður farin sunnudaginn 10. ágúst en daginn áður verður þátttakendum boðið upp á kynningu í og er hún í Háskólatorgi, sal ht101 og hefst kl. 13.00

Ferðafélagið stóð fyrir ferð í Héðinsfjörð og Hvanndali fyrir verslunarmannahelgi. Ferðin var sérstök fyrir þær sakir að ekki hafði verið gengið áður með hópa um hluta leiðarinnar.  Gengið var á Siglufjarðarfjöll fyrsta dag, þ.e. upp í Siglufjarðarskarð, á Illviðrahnúk, á Snók og yfir á Stráka.  Á öðrum degi var siglt á Siglunes, gengið inn Nesdal og farið um Pútuskörð yfir í Héðinsfjörð. Á þriðja degi var gengið frá Vík í Héðinsfirði, út með firði, klöngrast niður í fjöru og gengið eftir flughálu fjörugrjóti, vaðið í sjó fyrir forvaða, út í Hvanndali, leið sem ung kona gekk síðast 1859 til að sækja eld í Héðinsfjörð.

FÍ býður upp á ferð um Laugaveginn 20. - 24. ágúst. Seinni part sumars skartar náttúran sínu fegursta, gróður vel gróin og gönguleiðir góðar eftir aðstæðum. Kvöldrökkur eykur stemminguna í skálum.

Nokkur sæti eru laus í kvennaferð FÍ í Norðurfjörð, þar sem vegurinn endar og er farin 13. ágúst.

Alls tóku 99 manns þátt í Esjan alla daga síðustu í síðustu viku.  Gönguvikunni lauk með grilli á föstudaginn.  Esjan eftir vinnu heldur áfram út júlí, gönguferðir á Esjuna þriðjudaga og fimmtudaga kl. 18, þátttaka ókeypis og allir velkomnir.

FÍ býður upp á aukaferð um Laugaveginn 28. júlí, vegna mikillar eftirspurnar. Gengið frá Landmannalaugum til Þórsmerkur um vinsælustu  gönguleið í óbyggðum Íslands. Ferðin er frábrugðin hefðbundinni Ferðafélagsferð að því leyti að gist er fyrstu nóttina í Landmannalaugum og því gefst tími til gönguferðar um svæðið og til baða í heitu laugunum. Á öðrum degi er gengið að Álftavatni en höfð góð áning í Hrafntinnuskeri og síðan eru það Emstrur og Þórsmörk. Sjá myndir úr Laugavegsgöngu

FÍ býður upp á aukaferð um Laugaveginn 28. júlí, vegna mikillar eftirspurnar. Gengið frá Landmannalaugum til Þórsmerkur um vinsælustu  gönguleið í óbyggðum Íslands. Sjá myndir úr Laugavegsgöngu