Fréttir

Göngu- og skoðunarferð að gossvæðinu í Geldingadölum getur tekið mislangan tíma, allt eftir því hvaða leið er farin, hversu lengi er stoppað, fjölda göngufólks og veðri. Ferðafélag Íslands hvetur alla sem hyggjast fara í skoðunarferð að gossvæðinu að huga vel að búnaði og veðri.

Verður haldið fimmtudaginn 3. mars kl. 20.00 í sal FÍ Mörkinni 6.

Félögum í FÍ býðst þátttaka í fjarnámskeiði í ljósmyndun undir handleiðslu Pálma Guðmundssonar

Farið á gönguskíðum frá Sigöldu í Landmannalaugar með farangur og fjallaskíði á púlkum. Farið yfir grunnatriði í vetrarferðamennsku á skíðum. Leiðarval, tækni og öryggismál. Laugardagur nýttur til fjallaskíðunar á Landmannalaugasvæðinu þar sem farið er yfir undirstöðuatriði í fjallaskíðamennsku í óbyggðum. Skíðað heim á sunnudegi og einn tindur fjallaskíðaður ef færi gefst. Kynning á Fjallabaki og möguleikum þess í útivist og vetrarferðalögum.

Skráning í fjallaverkefnin er frábær og fjölmörg verkefni þegar fullbókuð: FÍ Alla leið - FÍ Göngur og gaman I - FÍ Þrautseigur - FÍ Léttfeti - FÍ Fótfrár - FÍ Fyrsta Skrefið - FÍ Kvennakraftur I - FÍ Landvættir - FÍ Fjallahlaup - FÍ Esjan öll - FÍ Rannsóknarfjelagið - FÍ Landkönnuðir - fullbókað er í öll þessi verkefni. Nokkur pláss eru laus í FÍ Göngur og gaman II - FÍ Hjóladeildina FÍ Kvennakraft II - FÍ Útiþrek og FÍ Eldri og heldri.

Ferðafélag Íslands minnir á kynningarfundi FÍ fjalla- og hreyfiverkefna sem eru framundan. Fjallaverkefnin hafa fengið frábærar viðtökur og eru mörg hver þegar fullbókuð, en það er mikið úrval af FÍ fjallaverkefnum og enn hægt að finna laus pláss í nokkrum verkefnum.

,,Það er alltaf hátíð hjá okkur í Ferðafélaginu þegar ferðaáætlun kemur út. Nú kemur hún út á starfrænu formi í annað sinn og er birt á heimasíðu félagisns og hefjast þá um leið bókanir í ferðir og verkefni, “ segir Sigrún Valbergsdóttir formaður ferðanefndar og varaforseti FÍ.,,Líkt og áður er ferðaáætlunin byggð upp á sígildum ferðum og nýjum í bland, dagsferðir, helgarferðir og sumarleyfisferðir, lýðheilsuverkefni, fjallaverkefni, hreyfihópar, Ferðafélag barnanna og FÍ Ung. Það eiga allir að geta fundið ferðir við sitt hæfi,” segir Sigrún um nýútkomna Ferðaáætlun FÍ 2022.

Bestu jólagjafir sem hægt er að gefa er vinátta, samvera, kærleikur, góður félagsskapur og góð heilsa. Með þátttöku í fjalla- og hreyfiverkefnum Ferðafélags Íslands má sameina allar þessar góðu gjafir í einn pakka. Gefðu sjálfum þér svona góða gjöf, maka þínum eða besta vini og þú verður þakklátur og glaður allt næsta ár. Ferðaáætlun FÍ 2022 hefur fengið frábærar viðtökur og þegar hafa hátt í 1000 þátttakendur skráð sig í ferðir og verkefni næsta árs.

Ferðaáætlun Ferðafélags Íslands 2022 fer í loftið á morgun 2. desember. Um leið verður hægt að skrá sig í ferðir og fjallaverkefni á heimasíðu FÍ. Ferðaáætlunin er gefin út á rafrænu formi og eiga allir aðgang að henni hér á heimasíðunni undir ferðir. Einnig má finna ferðaáætlunina á heimasíðunni, umbrotna í flettiforriti, ríkulega skreytta með fallegum myndum

Náttúra Íslands er um margt einstök og landslagið fjölbreytt og óvenjulegt. Ástæður þess eru einkum sérstakt samspil jökla og eldvirkni enda er landið eitt það eldvirkasta á Jörðinni. Sérstaða landsins stafar einnig af því að hér er strjálbýlt og að á stórum hluta landsins hefur aldrei verið varanleg búseta. Það á ekki síst við um miðhálendið þar sem mannvirki eru bæði fá og dreifð og er þar að finna mestu víðerni landsins. Þrátt fyrir að náttúran sé hrikaleg, villt og óhamin þá skapar hún stóran og skemmtilegan leikvöll sem sífellt fleiri landsmenn nota til útivistar og erlendir ferðamenn ferðast langar leiðir til að upplifa og skoða.